ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                         9. Sedakasuttavannana
     [385] Navame sumbhesuti evamnamake janapade. Medakathalikati evam
itthilingavasena laddhanamam. Mamam rukkha, aham tam rakkhissamiti ettha ayam tassa
laddhi:- acariyo ukkhittavamsam suggahitam aganhanto, antevasikena pakkhanta-
pakkhantadisam agacchanto, sabbakalam ca vamsaggam anavalokento 1- antevasikam na
rakkhati nama, evam arakkhito antevasiko patitva cunnavicunnam 2- hoti. Vamsam pana
suggahitam ganhanto, tena pakkhantapakkhantadisam gacchanto, sabbakalam ca vamsaggam
olokento 3- tam rakkhati nama. Antevasikopi ito cito ca pakkhanditva
migo viya kilanto acariyam na rakkhati nama. Evanhi sati tikhinavamsakoti
acariyassa galavatake va nalate va thapita thitatthanam bhinditva gaccheyya.
Acarasampannataya vamso namati, 4- tato anamento tam akaddhanto viya
ekato bhagiyam katva vatupatthambham gahapetva satim supatthitam katva niccalova
nisidanto acariyam rakkhati namati.
@Footnote: 1 cha.Ma. anullokento      2 ka. cunnam       3 cha.Ma. ullokento
    Tvam acariya attanam rakkha, aham attanam rakkhissamiti ettha ayamadhippayo:-
acariyo vamsam suggahitam ganhanto, antevasikena pakkhantapakkhantadisam
gacchanto, sabbakalam ca vamsaggam olokento 1- attanameva rakkhati nama, na
antevasikam antevasikopi kayampi ekato bhagiyam katva vatupatthambham gahapetva
satim supatthitam katva niccalova nisidamano attanamyeva rakkhati nama, na acariyam.
    So tattha nayoti yam medakathalika aha, so tattha nayo, so
upayo, tam karananti attho. Satipatthanam sevitabbanti catubbidham satipatthanam
sevitabbam. Asevanayati kammatthanasevanaya. Evam kho bhikkhave attanam rakkhanto
param rakkhatiti yo bhikkhu kamaragadini 2- pahaya rattitthanadivatthanesu
mulakammatthanam asevanto bhavento arahattam papunati, atha nam paro disva
"bhaddako vatayam bhikkhu sammapatipanno"ti tasmim cittam pasadetva saggaparayano
hoti, ayam attanam rakkhanto param rakkhati nama.
    Khantiyati adhivasanakhantiya. Avihimsayati sapubbabhagaya karunaya.
Mettacittatayati sapubbabhagaya mettaya. Anudayatayati anuvaddhiya, sapubbabhagaya
muditayati attho. Param rakkhanto attanam rakkhatiti ettha yo bhikkhu
rattitthanadivatthanam gato tisu 3- brahmaviharesu tikacatukkajjhanani
nibbattetva jhanam padakam katva sankhare sammasanto vipassanam vaddhetva
arahattam papunati, ayam param rakkhanto attanam rakkhati namati veditabbo.



             The Pali Atthakatha in Roman Book 13 page 300-301. http://84000.org/tipitaka/atthapali/read_rm.php?B=13&A=6564&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=6564&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=260              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=3973              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=3816              The Pali Tipitaka in Roman Character :- http://84000.org/tipitaka/read/roman_read.php?B=18&A=3816              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]