AtthaPali Vol.13

8. Datthabbasuttavannana [478] Atthame kattha ca bhikkhave saddhindriyam datthabbam, catusu sotapattiyangesutiadi imesam indriyanam savisaye jetthakabhavadassanattham vuttam. Yatha hi cattaro setthiputta rajatirajapancamesu sahayesu "nakkhattam kilissama"ti vithim otinnesu ekassa setthiputtassa geham gatakale itare cattaro tunhi nisidanti, gehasamikova "imesam khadaniyam bhojaniyam detha, gandhamalalankaradini detha"ti gehe vicareti. Dutiyassa, tatiyassa, catutthassa geham gatakale itare cattaro tunhi nisidanti, gehasamikova "imesam khadaniyam bhojaniyam detha, gandhamala- lankaradini detha"ti gehe vicareti. Atha sabbapaccha ranno geham gatakale kincapi raja sabbattha issaro, imasmim pana kale attano geheyeva "imesam khadaniyam bhojaniyam detha, gandhamalalankaradini detha"ti gehe vicareti. Evameva saddhapancamakesu indriyesu tesu sahayesu ekato vithim otarantesu viya ekarammane uppajjamanesupi yatha pathamassa gehe itare cattaro tunhi nisidanti, gehasamikova vicareti, evam sotapattiyangani patva adhimokkhalakkhanam saddhindriyameva jetthakam hoti pubbangamam, sesani tadanvayani honti. Yatha dutiyassa gehe itare cattaro tunhi nisidanti, gehasamikova vicareti, evam sammappadhanani patva paggahalakkhanam viriyindriyameva jetthakam hoti pubbangamam, sesani tadanvayani honti. Yatha tatiyassa gehe itare tunhi nisidanti, gehasamikova vicareti, evam satipatthanani patva upatthanalakkhanam satindriyameva jetthakam hoti pubbangamam sesani tadanvayani honti. Yatha catutthassa gehe itare cattaro tunhi nisidanti, gehasamikova vicareti, evam jhanavimokkhe patva avikkhepalakkhanam samadhindriyameva jetthakam hoti pubbangamam, sesani Tadanvayani honti. Sabbapaccha ranno geham gatakale pana yatha itare cattaro tunhi nisidanti, rajava gehe vicareti, evameva ariyasaccani patva pajananalakkhanam pannindriyameva jetthakam hoti pubbangamam, sesani tadanvayani hontiti.

The Pali Atthakatha in Roman Book 13 page 307-308. http://84000.org/tipitaka/atthapali/read_rm.php?B=13&A=6706&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=6706&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=326 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=4975 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=4608 The Pali Tipitaka in Roman Character :- http://84000.org/tipitaka/read/roman_read.php?B=18&A=4608 Contents of The Tipitaka Volume 18 http://84000.org/tipitaka/read/?index_18