AtthaPali Vol.13

10. Uppatipatikasuttavannana [510] Dasamam yathadhammarasena patipatiya vuttampi imasmim indriyavibhange sesasuttani viya adesitatta uppatipatikasuttam namati veditabbam. Tattha nimittantiadini sabbani paccayavevacananeva. Dukkhindriyanca pajanatiti dukkhasaccavaseneva

--------------------------------------------------------------------------------------------- page318.

Pajanati. Dukkhindriyasamudayanti kantakena va viddhassa mamkulena va datthassa paccattharane va valiya phutthassa dukkhasahagatam kayavinnanam uppajjati, tam etassa samudayoti pajanati. Parato domanassindriyasamudayantiadisupi tesam tesam karanavaseneva samudayo veditabbo. Pattacivaradinam va hi sankharanam ^1- saddhiviharikadinam va sattanam vinasena domanassindriyam uppajjatiti tesam vinasam tassa samudayoti pajanati. Subhojanam bhunjitva varasayane nipannassa hatthapadasambahanatalavantavatadisamphassena sukhindriyam uppajjati, tam phassam tassa samudayoti pajanati. Vuttappakaranam pana sattasankharanam manapanam patilabhavasena somanassindriyam uppajjati, tam patilabham tassa samudayoti pajanati. Majjhattakarena pana upekkhindriyam uppajjati, tam sattasankharesu majjhattakaram tassa samudayoti pajanati. Kattha cuppannam dukkhindriyam aparisesam nirujjhati, idha bhikkhave bhikkhu vivicceva kamehitiadisu pana ayam ekatova vinicchayakatha:- dukkhindriyam hi pathamajjhanassa upacarakkhaneyeva nirujjhati pahinam hoti, domanassadini dutiyajjhanadinam. Evam santepi tesam atisayanirodhatta ayam jhanesuyeva nirodho vutto. Atisayanirodho hi tesam pathamajjhanadisu, na nirodhoyeva, nirodhoyeva pana upacarakkhane, natisayanirodho. Tatha hi nanavajjane pathamajjhanupacare niruddhassapi dukkhindriyassa damsamakasadisamphassena va visamasanupatapena va siya uppatti, na tveva antoappanayam. Upacare va niruddhampetam na sutthu niruddham hoti patipakkhena avihatatta. Antoappanayam pana pitipharanena sabbo kayo sukhokkanto hoti, sukhokkantakayassa ca sutthu niruddham hoti dukkhindriyam patipakkhena vihatatta. Nanavajjaneyeva ca @Footnote: ¹ ka. bahirasankharanam

--------------------------------------------------------------------------------------------- page319.

Dutiyajjhanupacare pahinassa domanassindriyassa yasma etam vitakkavicarapaccayehi kayakilamathe cittupaghate ca sati uppajjati, vitakkavicarabhaveneva uppajjati. Yattha pana uppajjati, tattha vitakkavicarabhave, appahina eva ca dutiyajjhanupacare vitakkavicarati tatthassa siya uppatti. Na tveva dutiyajjhane, pahinapaccayatta. Tatha tatiyajjhanupacare pahinassapi sukhindriyassa pitisamutthanapanitarupaphutthakayassa siya uppatti, na tveva tatiyajjhane. Tatiyajjhanehi sukhassa paccayabhuta piti sabbaso niruddha. Tatha catutthajjhanupacare pahinassapi somanassindriyassa asannatta appanapattaya upekkhaya abhavena samma anatikkantatta ca siya uppatti, na tveva catutthajjhane. Tasma "ettha cuppannam dukkhindriyam aparisesam nirujjhati"ti tattha tattha aparisesaggahanam katam. Yam panettha tathattaya cittam upasamharatiti vuttam, tattha alabhi samano uppadanatthaya cittam upasamharati, labhi samano samapajjanatthayati evamattho veditabbo. Imesu dvisupi suttesu sammasanavaro ca kathitoti. Sukhindriyavaggo catuttho. -----------

The Pali Atthakatha in Roman Book 13 page 317-319. http://84000.org/tipitaka/atthapali/read_rm.php?B=13&A=6937&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=6937&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=442 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=6201 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=5913 The Pali Tipitaka in Roman Character :- http://84000.org/tipitaka/read/roman_read.php?B=18&A=5913 Contents of The Tipitaka Volume 18 http://84000.org/tipitaka/read/?index_18