ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                     3. Chandasamadhisuttavannana
    [825] Tatiye chandanti kattukamyatachandam. Nissayati nissayam katva,
adhipatim katvati attho. Padhanasankharati padhanabhuta sankhara,
catukiccasadhakasammappadhanaviriyassetam adhivacanam. Iti ayam ca chandotiadisu chando
chandasamadhina ceva padhanasankharehi ca, chandasamadhi chandena ceva padhanasankharehi ca,
padhanasankharapi chandena ceva samadhina ca 4- samannagata. Tasma sabbe
@Footnote: 1 cha.Ma. pariyonandhitva                   2 cha.Ma. avassattham
@3 cha.Ma. casaddo na dissati            4 cha.Ma. chandasamadhina ca
Cete 1- dhamme ekato katva ayam vuccati bhikkhave chandasamadhipadhanasankharasamannagato
iddhipadoti vuttam.
    Iddhipadavibhange 2- pana "yo tathabhutassa vedanakkhandho"tiadina nayena
imehi dhammehi samannagato sesaarupino dhamma iddhipadati vutta.
    Apica ime hi 3- tayo dhamma iddhipi honti iddhipadapi. Katham?  chandam
Hi bhavayato chando iddhi nama hoti, samadhipadhanasankhara chandiddhipado
nama. Samadhim bhaventassa samadhi iddhi nama hoti, chandappadhanasankhara
samadhindriya 4- pado nama. Padhanasankhare bhaventassa padhanasankhara iddhi
nama hoti, chandasamadhi padhanasankhariddhiya pado nama. Sampayuttadhammesu hi
ekasmim ijjhamane sesapi ijjhantiyeva.
    Apica tesam tesam dhammanam pubbabhagavasenapi etesam iddhipadata
veditabba. Pathamajjhanam hi iddhi nama, pathamajjhanassa pubbabhagaparikammasampayutta
chandadayo iddhipado nama. Etenupayena yava nevasannanasannayatana,
iddhividham adim katva yava dibbacakkhuabhinna, 5- sotapattimaggam adim katva yava
arahattamagga nayo netabbo. Seliddhipadesupi eseva nayo.
    Keci pana "anibbatto 6- chando iddhipado"ti vadanti. Idha tesam
vadamaddanatthaya abhidhamme uttaraculavaro nama agato;-
            "cattaro iddhipada chandiddhipado viriyiddhipado
          cittiddhipado vimamsiddhipado. Tattha katamo chandiddhipado, idha
          bhikkhu yasmim samaye lokuttaram jhanam bhaveti niyyanikam apacayagamim
@Footnote: 1 cha.Ma. te           2 abhi.vi. 35/434/261     3 cha.Ma. imepi
@4 cha.Ma. samadhiddhiya     5 ka. dibbacakkhunana        6 Si.,ka. anipphanno
             Ditthigatanam pahanaya pathamaya bhumiya pattiya vivicceva kamehi
             .pe. Pathamajjhanam upasampajja viharati dukkhapatipadam dandhabhinnam,
             yo tasmim samaye chando chandikata kattukamyata kusalo
             dhammacchando, ayam vuccati chandiddhipado. Avasesa dhamma
             dhamma chandiddhipadasampayutta"ti. 1-
Ime pana lokuttaravaseneva agata.
    Tattha ratthapalatthero chandam dhuram katva 2- lokuttaram dhammam nibbattesi.
Sonatthero viriyam dhuram katva, sambhutatthero cittam dhuram katva, ayasma
mogharaja vimamsam dhuram katvati. Tattha yatha catusu amaccaputtesu thanantaram
patthapetva rajanam upanissaya viharantesu eko upatthane chandajato
ranno ajjhasayam ca rucinca natva diva ca ratto ca upatthahanto
rajanam aradhetva thanantaram papuni, evam chandadhurena lokuttaradhammanibbattako
veditabbo.
    Eko pana "divase divase upatthatum na sakkomi, uppanne kicce
parakkamena aradhessami"ti kupite paccante ranna pahito parakkamena
sattumaddanam katva papuni, yatha so, evam viriyadhurena lokuttaradhammanibbattako
veditabbo. Eko "divase divase upatthanampi urena sattisarasampaticchanampi 3-
bharoyeva, mantabalena aradhessami"ti khattavijjaya 4- katapariccayatta
mantasamvidhanena rajanam aradhetva papuni, yatha so, evam cittadhurena
lokuttaradhammanibbattako veditabbo.
@Footnote: 1 abhi.vi. 35/457-7/269                     2 ka. katvati
@3 ka....sampaticchannampi                      4 Ma. khattivijjaya
    Aparo "kim imehi upatthanadihi, rajano nama jatisampannassa
thanantaram denti, tadisassa dento mayham dassati"ti jatisampattimeva nissaya
thanantaram papuni, yatha so, evam suparisuddham vimamsam nissaya vimamsadhurena
lokuttaradhammanibbattako veditabboti. Imasmim sutte vivattapadakaiddhi kathita.



             The Pali Atthakatha in Roman Book 13 page 332-335. http://84000.org/tipitaka/atthapali/read_rm.php?B=13&A=7258&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7258&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=586              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=7733              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=7632              The Pali Tipitaka in Roman Character :- http://84000.org/tipitaka/read/roman_read.php?B=18&A=7632              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com