ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                        10. Vibhangasuttavannana
    [832] Dasame kosajjasahagatoti idha bhikkhu chandam uppadetva kammatthanam
manasikaronto nisidati, athassa citte linakaro okkamati, so "linakaro me
okkanto"ti natva apayabhayena cittam tajjetva puna chandam uppadetva
kammatthanam manasi karoti. Athassa puna linakaro okkamati, so puna apayabhayena
cittam tajjetva 2- chandam uppadetva kammatthanam manasi karotiti evamassa
kosajjena vokinnatta chando kosajjasahagato nama hoti. Kosajjasampayuttoti
tasseva vevacanam.
    Uddhaccasahagatoti idha bhikkhu chandam uppadetva kammatthanam manasikaronto
nisidati, athassa cittam uddhacce patati, so buddhadhammasamghagune avajjetva cittam
hasetva tosetva kammaniyam katva puna chandam uppadetva kammatthanam manasi
karoti. Athassa puna cittam uddhacce patati, so puna buddhadhammasamghagune
avajjetva cittam hasetva tosetva kammaniyam katva chandam uppadetva
kammatthanam manasi karotiti evamassa uddhaccena  vokinnatta chando
uddhaccasahagato nama hoti.
    Thinamiddhasahagatoti idha bhikkhu chandam uppadetva kammatthanam manasikaronto
nisidati, athassa thinamiddham 3- uppajjati, so "uppannam me thinamiddhan"ti natva
udakena mukham punchitva kanne akaddhitva pagunam dhammam sajjhayitva diva
gahitam va alokasannam manasikaritva thinamiddham vinodetva puna chandam uppadetva
@Footnote: 1 cha.Ma. yo so    2 cha.Ma. tajjetva, avajjetva    3 ka. nidda
Kammatthanam manasi karoti. Athassa puna thinamiddham uppajjati, so vuttanayeneva
puna thinamiddham vinodetva chandam uppadetva kammatthanam manasi karotiti evamassa
thinamiddhena vokinnatta chando thinamiddhasahagato nama hoti.
    Anuvikkhittoti idha bhikkhu chandam uppadetva kammatthanam manasikaronto
nisidati, athassa kamagunarammane cittam vikkhipati, so "bahiddha vikkhittam me
cittan"ti natva anamatagga 1- devaduta 2- velama 3- anagatabhayasuttadini 4-
suttani 5- avajjento suttadandena cittam tajjetva kammaniyam katva puna chandam
uppadetva kammatthanam manasi karoti. Athassa puna cittam vikkhipati, so puna
suttadandena cittam kammaniyam katva chandam uppadetva kammatthanam manasi
karotiti evamassa kamavitakkavokinnatta chando bahiddha pancakamagune arabbha
anuvikkhitto anuvisato hoti.
    Yatha pure tatha pacchati kammatthanavasenapi desanavasenapi purimapacchimata
veditabba. Katham? kammatthane tava kammatthanassa abhiniveso pure nama,
arahattam paccha nama. Tattha yo bhikkhu mulakammatthane abhinivisitva atilinadisu
catusu thanesu cittassa okkamanam patisedhetva dutthagone yojitva sarento
viya caturassaghatikam otarento viya catunnam thananam ekatthanepi asajjanto
sankhare sammasitva arahattam papunati, ayampi yatha pure tatha paccha viharati
nama. Ayam kammatthanavasena purimapacchimata. Desanavasena pana kesa pure nama,
matthalungam paccha nama. Tattha yo bhikkhu kesesu abhinivisitva vannasanthanadivasena
@Footnote: 1 sam.ni. 16/124/172  2 Ma. u. 14/261/230  3 pali. celasutta, cha.Ma. celopaMa...,
@sam.maha. 19/1104/383, an. navaka. 23/224(20)/405-6 adi (sya)
@4 an. pancaka. 22/77/115 (sya)  5 cha.Ma. ayam patho na dissati
Kesadayo parigganhanto catusu thanesu asajjanto yava matthalunga bhavanam
papeti, ayampi yatha pure tatha paccha viharati nama. Evam desanavasena
purimapacchimata veditabba. Yatha paccha tatha pureti idam purimanayassa 1-
vevacanam.
    Yatha adho tatha uddhanti idam sariravasena veditabbam. Tenevaha "uddham
padatala adho kesamatthaka"ti. Tattha yo bhikkhu padatalato patthaya yava kesamattaka
dvattimsakaravasena va padangulinam aggapabbatthito yava sisakatahato, 2-
sisakatahato yava padangulinam aggapabbatthini, tava atthivasena va bhavanam papeti
catusu thanesu ekatthanepi asajjanto. Ayam yatha uddham tatha adho, yatha adho
tatha uddham viharati nama.
    Yehi akarehiti yehi kotthasehi. Yehi lingehiti yehi santhanehi.
Yehi nimittehiti yehi upatthanehi. Alokasanna suggahita hotiti yo bhikkhu
angane nisiditva alokasannam manasi karoti, kalena nimileti, kalena ummileti,
athassa yada nimilentassapi ummiletva olokentassa viya ekasadisameva
upatthati, tada alokasanna jata nama hoti. "divasanna"tipi tasseva namam.
Sa ca pana rattim uppajjamana suggahita nama hoti. Svadhitthitatipi tasseva
vevacanam, sutthu adhitthita sutthu thapita svadhitthita nama vuccati, sa atthato
suggahitayeva yo alokena thinamiddham vinodetva chandam uppadetva kammatthanam
manasi karoti, tassa divapi alokasanna suggahitayeva svadhitthita nama. Ratti
va hotu diva va, yena alokena thinamiddham vinodetva kammatthanam manasi
karoti, tasmim thinamiddhavinodane aloke uppanna sanna suggahita nama.
@Footnote: 1 cha.Ma. purimasseva                2 cha.Ma. sisakataham
Viriyadisupi eseva nayo. Imasmim sutte channam abhinnanam padakiddhi
kathitati. 1-
                       Pasadakampanavaggo dutiyo.
                         --------------



             The Pali Atthakatha in Roman Book 13 page 336-339. http://84000.org/tipitaka/atthapali/read_rm.php?B=13&A=7334&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7334&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=608              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=8038              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=7941              The Pali Tipitaka in Roman Character :- http://84000.org/tipitaka/read/roman_read.php?B=18&A=7941              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]