AtthaPali Vol.13

10. Kimilasuttavannana [986] Dasame kimilayanti ^3- evamnamake nagare. Etadavocati thero kira cintesi "ayam ^4- desana na yathanusandhika kata, yathanusandhim gamissami"ti @Footnote: ¹ Ma. adisammasanaharato ² cha.Ma. ca viharoti @³ Si. kimbilayanti ⁴ ka. sayam

--------------------------------------------------------------------------------------------- page351.

Desananusandhim ghatento etam avoca. Kayannataranti pathaviadisu kayesu annataram vadami, vayokayam vadamiti attho. Athava cakkhvayatanam .pe. Kabalikaro aharoti pancavisati rupakotthasa rupakayo nama, tesu anapanam photthabbayatane sangahitatta kayannataram hoti, tasmapi evamaha. Tasma tihati yasma catusu kayesu annataram vayokayam, pancavisati kotthase va rupakaye annataram anapanam anupassati, tasma kaye kayanupassiti attho. Evam sabbattha attho veditabbo. Vedanannataranti tisu vedanasu annataram, sukhavedanam sandhayetam vuttam. Sadhukam manasikaranti pitipatisamveditadivasena uppannam ^1- sundaram manasikaram. Kim pana manasikaro sukha vedana hotiti? na hotiti, desanasisam panetam. Yatheva Hi "aniccasannabhavananuyogamanuyutta"ti ^2- ettha sannanamena panna vutta, evamidhapi manasikaranamena jhanavedana vuttati veditabba. Etasmim hi catukke pathamapade pitisisena vedana vutta. Dutiyapade sukhanti sarupeneva vutta. Cittasankharapadadvaye "sanna ca vedana ca cetasika ete dhamma cittappatibaddha cittasankhara"ti ^3- vacanato "vitakkavicare thapetva sabbepi cittasampayuttaka dhamma cittasankhare sangahita"ti vacanato cittasankharanamena vedana vutta. Tam sabbam manasikaranamena sangahetva idha "sadhukam manasikaran"ti aha. Evam santepi yasma esa vedana arammanam na hoti, tasma vedananupassana na yujjatiti. No na yujjati, mahasatipatthanadisupi hi tam tam sukhadinam vatthum katva vedana vedayati, tam pana vedana pavattim upadaya "aham vedayami"ti voharamattam hoti, tam sandhaya "sukham vedanam vedayamano sukham vedanam @Footnote: ¹ Ma. uppannuppannam ² Ma.u. 14/147/130 ³ khu.pati. 31/174/202

--------------------------------------------------------------------------------------------- page352.

Vedayami"tiadi vuttam. Apica "pitipatisamvedi"tiadinam atthavannanayametassa pariharo vuttoyeva. Vuttam hetam visuddhimagge ^1- :- "dvihakarehi piti patisamvidita hoti, arammanato ca asammohato ca. Katham arammanato piti patisamvidita hoti? sappitike dve jhane samapajjati, tassa samapattikkhane jhanapatilabhena arammanato piti patisamvidita hoti arammanassa patisamviditatta. Katham asammohato piti patisamvidita hoti? sappitike dve jhane samapajjitva vutthaya jhanasampayuttapitim khayato vayato sammasati, tassa vipassanakkhane lakkhanappativedhena asammohato piti patisamvidita hoti. Vuttanhetam patisambhidayam ^2- "digham assasavasena cittassa ekaggatam avikkhepam pajanato sati upatthita hoti, taya satiya tena nanena sa piti patisamvidita hoti'ti. Eteneva nayena avasesapadanipi atthato veditabbani"ti. Iti yatheva jhanapatilabhena arammanato pitisukhacittasankhara patisamvidita honti, evam iminapi jhanasampayuttena vedanasankhatamanasikarapatilabhena arammanato vedana patisamvidita hoti. Tasma suvuttametam "vedanasu vedananupassi bhikkhu tasmim samaye viharati"ti. Naham ananda mutthassatissa asampajanassati ettha ayam adhippayo:- yasma "cittapatisamvedi assasissami"tiadina nayena pavatto bhikkhu kincapi assasappassasanimittam arammanam karoti, tassa pana cittassa arammane satinca sampajannanca upatthapetva pavattanato citte cittanupassiyeva namesa hoti. @Footnote: ¹ visuddhi. 2/81 (sya) ² khu.pati. 31/172/199

--------------------------------------------------------------------------------------------- page353.

Na hi mutthassatissa asampajanassa anapanassatisamadhibhavana atthi, tasma arammanato cittapatisamviditavasena "citte cittanupassi bhikkhu tasmim samaye viharati"ti. So yam tam hoti abhijjhadomanassanam pahanam, tam pannaya disva sadhukam ajjhupekkhita hotiti ettha abhijjhakamacchandanivaranameva, domanassavasena byapadanivaranam dassitam. Idam ^1- catukkam vipassanavaseneva vuttam, dhammanupassana ca nivaranapabbadivasena pancadha ^2- hoti, tassa nivaranapabbam adi, tassapi idam nivaranadvayam adi. Iti dhammanupassanaya adim dassetum abhijjhadomanassananti aha. Pahananti aniccanupassanaya niccasannam pajahatiti evam pahanakarananam ^3- adhippetam. Tam pannaya disvati tam aniccataviraganirodhapatinissaggananasankhatam pahanananam aparaya vipassanapannaya, tampi aparayati evam vipassanaparamparam dasseti. Ajjhupekkhita hotiti yancassa pathapatipannam ^4- ajjhupekkhati, yanca ekato upatthanam ajjhupekkhatiti dvidha ajjhupekkhati nama, tattha sahajatanampi ajjhupekkhana hoti, arammanassapi ajjhupekkhana. Idha arammanaajjhupekkhana adhippeta. Tasma tihanandati yasma "aniccanupassi assasissami"tiadina nayena pavatto na kevalam nivaranadidhamme, abhijjhadomanassasisena pana vuttanam dhammanam pahanakarananampi pannaya disva ajjhupekkhita hoti, tasma dhammesu dhammanupassi bhikkhu tasmim samaye viharatiti veditabbo. Evameva khoti ettha catumahapatho viya cha ayatanani datthabbani. Tasmim pamsupunjo viya chasu ayatanesu kilesa. Catuhi disahi agacchanta sakataratha viya catusu arammanesu pavatta cattaro satipatthana. Etena sakatena va @Footnote: ¹ cha.Ma. idanhi ² Ma.,ka. chabbidha @³ Si.,ka. pahanakam nanam ⁴ Si.,ka. yanca samathapatipannam

--------------------------------------------------------------------------------------------- page354.

Rathena va pamsupunjassa upahananam viya kayanupassanadihi papakanam akusalanam dhammanam upaghato veditabboti. Ekadhammavaggo pathamo. --------------

The Pali Atthakatha in Roman Book 13 page 350-354. http://84000.org/tipitaka/atthapali/read_rm.php?B=13&A=7640&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7640&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A= The Pali Tipitaka in Roman Character :- http://84000.org/tipitaka/read/roman_read.php?B=18&A= Contents of The Tipitaka Volume 18 http://84000.org/tipitaka/read/?index_18