ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                         6. Thapatisuttavannana
    [1002] Chatthe sadhuke pativasantiti sadhukanamake 1- attano bhogagamake
vasanti. Tesu isidatto sakadagami, purano sotapanno sadarasantuttho. Magge
purisam thapesunti tesam kira gamadvarena bhagavato gamanamaggo, tasma "bhagava kale
va akale va amhakam suttanam va pamattanam va gaccheyya, atha passitum 2-
labheyyama"ti maggamajjhe purisam thapesum.
    Anubandhimsuti na duratova 3- pitthito pitthito anubandhimsu, bhagava pana
sakatamaggassa majjhe janghamaggena agamasi, itare ubhosu passesu anugacchanta
agamamsu. Magga okkammati buddhanam hi kenaci saddhim gacchantanamyeva patisantharam
katum vattati, kenaci saddhim thitakanam, kenaci saddhim divasabhagam nisinnanam. Tasma
bhagava cintesi "imehi 4- saddhim gacchantassa patisantharam katum ayuttam, thitakenapi
@Footnote: 1 Si. sadhuke nama         2 cha.Ma. na
@3 Ma. purakkhatova           4 cha.Ma. me
Katum na yuttam, ime hi mayham sasane samino agataphala, imehi saddhim
nisiditvava divasabhagam patisantharam karissami"ti magga okkamma yena annataram
rukkhamulam tenupasankami.
    Pannatte asane nisiditi te kira chattupahanam kataradandam padabbhanjanatelani
ceva atthavidhanca panakam sarabhapadapallankanca gahapetva agamamsu,
abhatam pallankam 1- pannapetva adamsu, sattha tasmim nisidi. Ekamantam nisidimsuti
sesani chattupahanadini bhikkhusamghassa dethati vatva sayampi bhagavantam vanditva
emantam nisidimsu.
    Savatthiya kosalesu carikam pakkamissatitiadi sabbam majjhimappadesavaseneva
vuttam. Kasma? niyatatta. Bhagavato hi carikacaranampi arunutthapanampi niyatam,
majjhimapadeseyeva carikam carati, majjhimadese arunam upatthapetiti niyatatta
majjhimadesavaseneva vuttam. Asanne no bhagava bhavissatiti ettha na kevalam
asannattayeva tesam somanassam hoti, athakho "idani danam datum gandhamaladihi 2-
pujam katum dhammam sotum panham pucchitum labhissami"ti tesam somanassam hoti.
    Tasma tiha thapatayo 3- sambadho gharavasoti thapatayo yasma tumhakam mayi
duribhute anappakam domanassam, asanne anappakam somanassam hoti, tasmapi
veditabbametam "sambadho gharavaso"ti. Gharavasassa hi dosena tumhakam evam hoti.
Sace pana gharavasam pahaya pabbajita, athassa evam 4- vo maya saddhimyeva
gacchantanam ca agacchantanam ca tam na bhaveyyati imamattham dipento evamaha.
Tattha sakincanasapalibodhatthena sambadhata veditabba. Mahavase vasantassapi hi
@Footnote: 1 cha.Ma. pallankampi              2 ka. gandhamaladini
@3 ka. gahapatayo, evamuparipi        4 cha.Ma. atha evam
Sakincanasapalibodhatthena gharavaso sambadhova. Rajapathoti ragadosamoharajanam
apatho agamanatthananti attho. Abbhokaso pabbajjati pabbajja pana
akincanaapalibodhatthena abbhokaso. Caturatanikepi hi gabbhe dvinnam bhikkhunam
pallankena pallankam ghatetva nisinnanampi akincanaapalibodhatthena pabbajja
abbhokaso nama hoti. Alanca pana vo thapatayo appamadayati evam sambadhe
gharavase vasantanam tumhakam appamadameva katum yuttanti attho.
    Ekam purato ekam pacchato nisidapemati te kira dvepi jana sabbalankara-
patimanditesu 1- dvisu nagesu ta itthiyo evam nisidapetva ranno nagam
majjhe katva ubhosu passesu gacchanti, tasma evamahamsu. Nagopi rakkhitabboti
yatha kinci visevitam 2- na karoti, evam rakkhitabbo hoti. Tapi bhaginiyoti 3- yatha
pamadam napajjanti, evam rakkhitabba honti. Attapiti sitahasitakathitavipekkhitadini
akarontehi attapi rakkhitabbo hoti. 4- Tatha karonto hi 5- "sami dubbho
eso"ti niggahetabbo hoti. Tasma tiha thapatayoti yasma tumhe raja
niccam rajabhandam paticchapeti, tasmapi sambadho gharavaso rajapatho. Yamma
pana pamsukulikabhikkhum evam paticchapento natthi, tasma abbhokaso pabbajja.
Evam sabbatthapi alanca pana vo thapatayo appamadaya appamadameva karothati
dasseti. Muttacagoti vissatthacago. Payatapaniti agatagatanam danatthaya
dhotahattho. Vossaggaratoti nossaggasankhate cage rato. Yacayogoti
yacitabbakayutto. Danasamvibhagaratoti daneceva appamattakampi kinci laddha tatopi
samvibhage rato. 6- Appativibhattanti "idam amhakam bhavissati, idam bhikkhunan"ti
evam akatavibhagam, sabbam databbameva hutva thitanti attho.
@Footnote: 1 Si.,ka. sabbalankarapatimandita tesu   2 Ma. nisevitam   3 Ma. tatha ta bhaginiyopi
@4 cha.Ma. tehi tatha karontehi na attapi rakkhitabbo hoti   5 ka. karontehi
@6 sa.pa. 1/357/330 (sya)



             The Pali Atthakatha in Roman Book 13 page 358-360. http://84000.org/tipitaka/atthapali/read_rm.php?B=13&A=7811&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7811&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=              The Pali Tipitaka in Roman Character :- http://84000.org/tipitaka/read/roman_read.php?B=18&A=              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com