AtthaPali Vol.13

8-9. Pathamaginjakavasathasuttadivannana [1004-5] Atthame natiketi ekam talakam nissaya dvinnam culapitimahapitiputtanam dve gama, tesu ^1- ekasmim gamake. Ginjakavasatheti itthakamaye avasathe. Orambhagiyananti hetthabhagiyanam, kamabhaveyeva patisandhiggahapakananti attho. Oranti laddhanamehi va tihi maggehi pahatabbanitipi orambhagiyani. Tattha kamacchando byapadoti imani dve samapattiya va avikkhambhitani maggena va asamucchinnani nibbattivasena uddhambhagam ^2- rupabhavam arupabhavam va gantum na denti. Sakkayaditthiadini tini tattha nibbattampi anetva puna idheva nibbattapentiti sabbanipi orambhagiyaneva. Anavattidhammoti patisandhivasena anagamanasabhavo. Ragadosamohanam tanuttati ettha kadaci ^3- uppattiya ca pariyutthanamandataya cati dvedhapi tanubhavo veditabbo. Sakadagamissa hi puthujjananam viya abhinham ragadayo na uppajjanti, kadaci karahaci uppajjanti. Uppajjamana ca na puthujjananam viya bahalabahala uppajjanti, makkhikapattam viya tanuka uppajjanti. Dighabhanakatipitakamahasivatthero panaha "yasma sakadagamissa @Footnote: ¹ Ma. natiketi laddhanamake ² Ma. laddhabhavam ³ ka. ekadapi Puttadhitaro honti, orodha ca honti, tasma bahala kilesa. Idam pana bhavatanukavasena kathitan"ti tam atthakathayam "sotapannassa satta bhave thapetva atthame bhave bhavatanukam natthi, sakadagamissa dve bhave thapetva pancasu bhavesu bhavatanukam natthi, anagamissa ruparupabhavam thapetva kamabhave bhavatanukam natthi, khinasavassa kisminci bhave bhavatanukam natthi"ti vuttatta patikkhittam hoti. Imam lokanti imam kamavacaralokam sandhaya vuttam. Ayam hettha adhippayo:- sace hi manussesu sakadagamiphalam patto devesu nibbattetva arahattam sacchikaroti, iccetam kusalam. Asakkonto pana avassam manussasokam agantva sacchikaroti. Devesu sakadagamiphalam pattopi sace manussesu nibbattetva arahattam sacchikaroti, iccetam kusalam. Asakkonto pana avassam devalokam gantva sacchikarotiti. Vinipatanam vinipato, nassa vinipato dhammoti avinipatadhammo, catusu apayesu avinipatasabhavoti attho. Niyatoti dhammaniyamena niyato. Sambodhiparayanoti uparimaggattayasankhata sambodhi param ayanam assa gati patisaranam avassam pattabbati sambodhiparayano. Vihesavesati tesam tesam nanagatim nanupapattim nanabhisamparayam olokentassa kayakilamathova esa ananda tathagatassati dipeti. Cittavihesa pana buddhanam natthi. Dhammadasanti dhammamayam adasam. Yenati yena dhammadasena samannagato. Khinapayaduggativinipatoti idam nirayadinamyeva vevacanavaseneva ^1- vuttam. Nirayadayo hi vaddhisankhatato ayato apetatta apayo, dukkhassa gati patisarananti duggati, dukkatakarino ettha vivasa nipatantiti vinipato. Navamam uttanameva. @Footnote: ¹ cha.Ma. vevacanavasena

The Pali Atthakatha in Roman Book 13 page 361-362. http://84000.org/tipitaka/atthapali/read_rm.php?B=13&A=7875&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7875&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A= The Pali Tipitaka in Roman Character :- http://84000.org/tipitaka/read/roman_read.php?B=18&A= Contents of The Tipitaka Volume 18 http://84000.org/tipitaka/read/?index_18