ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 14 : PALI ROMAN An.A. (manoratha.1)

                         2. Dutiyavaggavannana
     [298] Dutiye micchaditthiti dvasatthividhayapi ditthiya 1- etam adhivacanam.
Micchaditthikassati taya ditthiya samannagatassa.
     [299] Sammaditthiti pancavidhayapi sammaditthiya etam adhivacanam.
Sammaditthikassati taya samannagatassa.
     [302] Ayoniso manasikaroti anupayamanasikaro.
     [303] Yoniso manasikaroti upayamanasikaro. Tattha ayoniso manasikaroto
pubbe anuppanna micchaditthi uppajjati, uppanna pana yava niyamokkamana
pavaddhati. Niyame okkante pavaddhita 2- nama hoti. Yoniso manasikaroto pubbe
anuppanna sammaditthi uppajjati, uppanna pana yava arahattamagga pavaddhati.
Arahattaphale patte pavaddhita nama hoti.
     [304] Micchaditthiya bhikkhave samannagata sattati ettha ekacca
micchaditthi saggavarana ceva hoti maggavarana ca, ekacca maggavaranayeva hoti,
na saggavarana, 3- ekacca neva saggavarana na maggavarana. Tattha ahetukaditthi
akiriyaditthi natthikaditthiti ayam tividha saggavarana ceva hoti maggavarana ca.
Dasavatthuka antagahika micchaditthi maggavaranava hoti na saggavarana.
Visativatthuka sakkayaditthi neva saggavarana na maggavarana. Idam pana vidhanam
patikkhipitva imasmim sutte "micchaditthiya bhikkhave samannagata"ti vacanato
antamaso visativatthukam sakkayaditthim upadaya ditthi nama saggam upanetum samattha nama
natthi, ekantam nirayasmimyeva nimujjapetiti vuttam. Yatha hi muggamasappamanapi
@Footnote: 1 cha.Ma. micchaditthiya 2 cha.Ma. vaddhita  3 cha.Ma. maggavaranava, na saggavarana
Pasanasakkhara udake pakkhitta upari pallavamana 1- nama natthi, ekantam hetthava
pavisati, evameva antamaso sakkayaditthipi saggam upanetum samattha nama natthi,
ekantam apayesuyeva nimujjapetiti.
     [305] Sammaditthiya samannagatati ettha kammassakatasammaditthi jhanasammaditthi
vipassanasammaditthi maggasammaditthi phalasammaditthiti pancavidha sammaditthi.
Tattha kammassakatasammaditthi sampattibhavam akaddhati, jhanasammaditthi rupabhave 2-
patisandhim deti, maggasammaditthi vattam viddhamseti, phalasammaditthi bhavam patibahati,
vipassanasammaditthi kim karotiti? sapi patisandhim nakaddhati. Tipitakaculabhayatthero
panaha "sabba 3- vipassanasammaditthi bhavita dittheva dhamme arahattam papetum
sakkoti, iccetam kusalam. Sace na sakkoti, saggabhave 4- deti avuso"ti. Evamayam
lokiyalokuttara sammaditthi kathita. Imasmim panatthe lokiya 5- bhavanipphadika ca 6-
veditabba.
     [306] Yanceva kayakammam yathaditthi samattam samadinnanti ettha yathaditthiti
ya ya ditthi, tassa tassa anurupam. 7- Samattanti paripunnam. Samadinnanti gahitam.
Tadetam yathaditthiyam thitam kayakammam, 8- ditthisahajatam kayakammam, ditthanulomikam
kayakammanti tividham hoti. Tattha "panam hanato adinnam adiyato micchacaram
carato natthi tatonidanam papam, natthi papassa agamo"ti yam evamladdhikassa sato
panatipataadinnadanamicchacarasankhatam kayakammam, idam yathaditthiyam thitam kayakammam
nama. "panam hanato adinnam adiyato micchacaram carato natthi tatonidanam papam, natthi
papassa agamo"ti imaya pana laddhiya imina dassanena sahajatam kayakammam ditthisahajatam
kayakammam nama. Tadeva pana samattam samadinnam gahitam paramattham ditthanulomikam
kayakammam nama. Vacikammadisupi eseva nayo. Yatha panettha "panam hanato adinnam
adiyato micchacaram carato natthi tatonidanam papan"ti yojana kata, evam
@Footnote: 1 Ma. patita upari palavamana, cha. uppilavamana 2 cha.Ma. ruparupabhave  3 cha.Ma. sace
@4 Si.,cha.Ma. satta bhave  5 cha.Ma. lokika  6 cha.Ma. va  7 Si. ya ayam ditthi,  tassa
@anurupam  8 Si.,cha.Ma. thitakayakammam
Vacikammamanokammesu "musa bhanato, pisunam kathentassa, pharusam kathentassa,
samphampalapantassa, abhijjhaluno, byapannacittassa, micchaditthikassa ca sato natthi
tatonidanam papan"ti yojana katabba.
     Ya ca cetanatiadisu ditthisahajata ca cetana cetana nama, ditthisahajatava
patthana patthana nama, cetanapatthananam vasena cittatthapana 1- panidhi nama, tehi
pana cetana ditthisampayutta 2- phassadayo sankhara nama. Ditthi hi 3- bhikkhave
papikati yasma tassa puggalassa ditthi papika lamaka. 4- Nikkhittanti ropitam.
Upadiyatiti ganhati. Katukattayati idam purimasseva vevacanam.
               "vannagandharasupeto      amboyam ahuva pure
                tameva pujam labhamano    kenambo katukapphalo.
                Pucimandaparivaro       ambo te dadhivahana
                mulam mulena samsattham      sakha sakham 5- nisevare
                asatasannivasena      tenambo katukapphalo"ti 6-
agatatthane viya hi idhapi katukanti tittikam veditabbam. Asatattayati amadhurataya.
     Imasmim pana bijupamasutte 7- "ditthiti niyatamicchaditthi gahita"ti
poranakatthera ahamsu. Tam pana patikkhipitva "sabbanipi dvasatthi ditthigatani"ti
vuttam. Anantarasutte "panatipata viramantassa adinnadana viramantassa micchacara
viramantassa natthi tatonidanam punnan"tiadina nayena 8- yatha ditthi tatha
kayakammadini 8- yojetva veditabbani, idha pana sammaditthisahajata cittatthapanava
patthanati veditabba. Sammaditthi panettha lokiyalokuttara kathita. Sesam sabbattha
uttanamevati. 9-
                          Dutiyavaggavannana.
@Footnote: 1 Ma. cittapatthana  2 Si.,cha. cetanadihi sampayutta, Ma. cetanaditthihi
@3 cha.Ma. hissa  4 cha.Ma. lamika  5 cha.Ma. sakha  6 khu.ja. 27/221-2/67 dadhivahanajataka
@(sya)  7 Si. bijopamasutte  8-8 cha.Ma. yathaditthiyam thitakayakammadini
@9 cha.Ma. uttanatthamevati



             The Pali Atthakatha in Roman Book 14 page 422-424. http://84000.org/tipitaka/atthapali/read_rm.php?B=14&A=10079&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=14&A=10079&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=181              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=884              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=812              The Pali Tipitaka in Roman Character :- http://84000.org/tipitaka/read/roman_read.php?B=20&A=812              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]