AtthaPali Vol.15

9. Gandhajatasuttavannana [80] Navame etadavocati pacchabhattam pindapatapatikkanto dasabalassa vattam dassetva attano divaviharatthanam gantva "imasmim loke mulagandho nama atthi, saragandho nama atthi, pupphagandho nama atthi. Ime pana tayopi gandha anuvatamyeva gacchanti, na pativatam. Atthi nu kho kinci gandhajatam, ^1- yassa pativatampa gandho gacchati"ti cintetva atthannam varanam gahanakaleyeva kankhuppattisamaye upasankamanassa ^2- gahitatta tamkhanamyeva divatthanato vutthaya satthu santikam gantva vanditva ekamantam nisinno uppannaya kankhaya vinodanattham etam "tinimani bhante"ti adivacanam avoca. Tattha gandhajataniti gandhajatiyo. Mulagandhoti mulavatthuko gandho, gandhasampannam va mulameva mulagandho. Tassa hi gandho anuvatam gacchati. Gandhassa pana gandho nama natthi. Saragandhapupphagandhesupi eseva nayo. Atthananda gandhajatanti ^3- ettha saranagamanadayo gunavannabhasanavasena disagamitaya gandhasadisatta gandha, tesam vatthubhuto puggalo gandhajatam nama. Gandho gacchatiti vannabhasanavasena gacchati. Silavati pancasilena va dasasilena va silava. Kalyanadhammoti teneva siladhammena kalyanadhammo sundaradhammo. Vigatamalamaccherenatiadinam attho visuddhimagge ^4- vittharitova. Disasuti catusu disasu catusu anudisasu. Samanabrahmanati samitapapabahitapapa samanabrahmana. @Footnote: ¹ cha.Ma.,i. ayam patho na dissati ² cha.Ma.,i. upasankamanavarassa @³ cha. atthananda kinci gandhajatanti ⁴ visuddhi. 1/286 chaanussatiniddesa Na pupphagandho pativatametiti vassikapupphadinam gandho pativatam na gacchati. Na candanam tagaramallika vati candanatagaramallikanampi gandho pativatam na gacchatiti attho. Devalokepi hi ^1- phutasumana nama hoti, tassa pupphitadivase gandho yojanasatam ajjhottharati. Sopi pativatam vidatthimattampi ratanamattampi gantum na sakkotiti vadanti. Satanca gandho pativatametiti satanca panditanam buddhapaccekabuddha- buddhaputtanam siladigunagandho pativatam gacchati. Sabba disa sappuriso pavayatiti ^2- sappuriso pandito siladigunagandhena sabba disa pavayati, sabba disa gandhena avattharatiti attho.

The Pali Atthakatha in Roman Book 15 page 229-230. http://84000.org/tipitaka/atthapali/read_rm.php?B=15&A=5312&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=5312&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=519 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=5952 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6111 The Pali Tipitaka in Roman Character :- http://84000.org/tipitaka/read/roman_read.php?B=20&A=6111 Contents of The Tipitaka Volume 20 http://84000.org/tipitaka/read/?index_20