Atthakatha Book 15 : PALI ROMAN
Aṅ.A. (manoratha.2)

                          9. 4. Samaṇavagga
                         1. Samaṇasuttavaṇṇanā
     [82] Catutthassa paṭhame samaṇassāti 3- samaṇassa santakāni. Samaṇakaraṇīyānīti
samaṇena kattabbakiccāni. Adhisīlasikkhāsamādānantiādīsu samādānaṃ vuccati gahaṇaṃ.
Adhisīlasikkhāya samādānaṃ gahaṇaṃ pūraṇaṃ adhisīlasikkhāsamādānaṃ. Sesapadadvayesupi 4- eseva
nayo. Ettha ca sīlaṃ adhisīlaṃ, cittaṃ adhicittaṃ, paññā adhipaññāti ayaṃ vibhāgo
veditabbo. Tattha pañcasīlaṃ sīlaṃ nāma, taṃ upādāya dasasīlaṃ adhisīlaṃ nāma, taṃ upādāya
catupārisuddhisīlaṃ adhisīlaṃ nāma. Apica sabbaṃpi lokiyaṃ sīlaṃ sīlameva, 5- lokuttaraṃ
sīlaṃ adhisīlaṃ, tadeva sikkhitabbato sikkhāti vuccati, kāmāvacaracittaṃ pana cittaṃ nāma,
@Footnote: 1 cha.Ma.,i. evamevaṃ  2 Ma. uppannapasādena   3 cha.Ma. samaṇayānīti
@4 cha.Ma. sesapadadvayepi, i. sesapadadvaye   5 cha.Ma. sīlaṃ nāma
Taṃ upādāya rūpāvacaraṃ adhicittaṃ nāma, taṃpi upādāya arūpāvacaraṃ adhicittaṃ nāma.
Apica sabbaṃpi lokiyaṃ cittaṃ cittameva, lokuttaraṃ cittaṃ adhicittaṃ nāma. Paññāyapi
eseva nayo. Tasmāti yasmā imāni tīṇi samaṇakaraṇīyāni, tasmā. Tibboti bahalo.
Chandoti kattukamyatākusalacchando. Iti imasmiṃ suttante tisso sikkhā
lokiyalokuttarā kathitāti.


             The Pali Atthakatha in Roman Book 15 page 238-239.
http://84000.org/tipitaka/atthapali/read_rm.php?B=15&A=5541
             อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=5541
             อ่านอรรถกถาแปลไทย :-
http://84000.org/tipitaka/attha/attha.php?b=20&i=521
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=6057
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=6203
             The Pali Tipitaka in Roman Character :-
http://84000.org/tipitaka/read/roman_read.php?B=20&A=6203
             Contents of The Tipitaka Volume 20
http://84000.org/tipitaka/read/?index_20