AtthaPali Vol.15

5. Paṭhamaājānīyasuttādivaṇṇanā [97] Pañcame aṅgehīti guṇaṅgehi. Rājārahoti rañño araho anucchaviko. Rājabhoggoti rañño upabhogabhūto. Rañño aṅganti rañño hatthapādādi- aṅgasamatāya aṅganteva saṅkhyaṃ gacchati. Vaṇṇasampannoti sarīravaṇṇena sampanno. Balasampannoti kāyabalena sampanno. ^6- Javasampannoti balajavena sampanno. ^6- Āhuneyyoti āhutisaṅkhātaṃ piṇḍapātaṃ paṭiggahetuṃ yutto. Pāhuneyyoti pāhunakabhattassa anucchaviko. Dakkhiṇeyyoti dasavidhadānavatthupariccāgavasena saddhādānasaṅkhātāya dakkhiṇāya anucchaviko. Añjalīkaraṇīyoti añjalīpaggahaṇassa anucchaviko. Anuttaraṃ puññakkhettaṃ lokassāti sabbalokassa asadisaṃ puññaviruhanaṭṭhānaṃ. Vaṇṇasampannoti guṇavaṇṇena sampanno. Balasampannoti viriyabalena sampanno. Javasampannoti ñāṇajavena sampanno. Thāmavāti ñāṇathāmena samannāgato. @Footnote: ¹ cha.Ma.,i. ārammaṇe sammā ṭhapīyati ² cha.Ma. kandaro ³ Ma. nadinitambhotipi, @cha. nitambhotipi ⁴ cha. nadikuñjotipi ⁵ Sī. kussubbhāti, ṭīkā.,Ma. kusumbhāti @^6-6 cha.Ma.,i. ime pāṭhā na dissanti Daḷhaparakkamoti thiraparakkamo. Anikkhittadhuroti aṭṭhapitadhuro, ^1- aggaphalaṃ arahattaṃ appatvā viriyadhuraṃ na nikkhipissāmīti evaṃ paṭipanno. Imasmiṃ sutte catusaccavasena sotāpattimaggo, sotāpattimaggena ca ^2- ñāṇajavasampannatā kathitāti.

The Pali Atthakatha in Roman Book 15 page 250-251. http://84000.org/tipitaka/atthapali/read_rm.php?B=15&A=5806 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=5806 อ่านอรรถกถาแปลไทย :- http://84000.org/tipitaka/attha/attha.php?b=20&i=536 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6454 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6631 The Pali Tipitaka in Roman Character :- http://84000.org/tipitaka/read/roman_read.php?B=20&A=6631 Contents of The Tipitaka Volume 20 http://84000.org/tipitaka/read/?index_20