Atthakatha Book 15 : PALI ROMAN
An.A. (manoratha.2)

                      6. Appassutasuttavannana
     [6] Chatthe anupapannoti anupagato. Suttantiadisu ubhatovibhanganiddesa-
khandhakaparivarasuttanipatamangalasuttaratanasuttanalakasuttatuvattakasuttani, annampi ca
suttanamakam tathagatavacanam suttanti veditabbam. Sabbampi sagathakam suttam geyyanti
veditabbam, visesena samyuttake sakalopi sagathavaggo. Sakalampi abhidhammapitakam,
niggathakasuttam, yanca annampi atthahi angehi asangahitam buddhavacanam, tam
veyyakarananti veditabbam. Dhammapadam theragatha therigatha suttanipate nosutta-
namika suddhikagatha ca gathati veditabba. Somanassananamayikagathapatisamyutta
dveasiti suttanta udananti veditabba. "vuttamidam 1- bhagavata"tiadinayappavatta
dasuttarasatasuttanta itivuttakanti veditabba. Apannakajatakadini pannasadhikani
panca jatakasatani jatakanti veditabbani. "cattarome bhikkhave acchariya abbhutadhamma
anande"tiadinayappavatta sabbepi acchariyaabbhutadhammapatisamyutta suttanta
abbhutadhammanti veditabbam. Culavedallamahavedallasammaditthisakkapanhasankharabhajaniya-
mahapunnamasuttadayo sabbepi vedanca tutthinca laddha laddha pucchitasuttanta
vedallanti veditabba. Na atthamannaya na dhammamannayati atthakathanca palinca
ajanitva. Dhammanudhammapatipannoti navalokuttaradhammassa anurupadhammam sahasilakam 2-
pubbabhagapatipadam na patipanno hoti. Imina upayena sabbavaresu attho
veditabbo. Pathamavare panettha appassutadussilo kathito, dutiye appassuta-
khinasavo, tatiye bahussutadussilo, catutthe bahussutakhinasavo.
     Silesu asamahitoti silesu aparipurakari. Silato ca sutena cati
silabhagena ca sutabhagena ca "ayam dussilo appassuto"ti evantam garahantiti attho.
@Footnote: 1 cha. vuttanhetam   2 cha.Ma. sahasilam
Tassa sampajjate sutanti tassa puggalassa yasma tena sutena sutakiccam katam,
tasma tassa sutam sampajjati nama. Nassa sampajjateti sutakiccassa akatatta
na sampajjati. Dhammadharanti sutadhammanam adharabhutam. Sappannanti supannam. Nekkham
jambonadassevati jambunadam vuccati jatisuvannam, tassa jambunadassa nekkham viya,
pancasuvannaparimanam suvannaghatikam viyati attho.


             The Pali Atthakatha in Roman Book 15 page 282-283.
http://84000.org/tipitaka/atthapali/read_rm.php?B=15&A=6518&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=6518&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=20&i=52
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=210
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=221
             The Pali Tipitaka in Roman Character :-
http://84000.org/tipitaka/read/roman_read.php?B=20&A=221
             Contents of The Tipitaka Volume 20
http://84000.org/tipitaka/read/?index_20