AtthaPali Vol.15

8. Vesarajjasuttavannana [8] Atthame vesarajjaniti ettha sarajjapatipakkho vesarajjam, catusu thanesu sarajjabhavam paccavekkhantassa uppannasomanassamayananassetam namam. Asabhanthananti setthatthanam uttamatthanam. Asabha va pubbabuddha, tesam thananti attho. Apica gavasatajetthako usabho, gavasahassajetthako vasabho. Vajasatajetthako va usabho, vajasahassajetthako vasabho, sabbagavasettho sabbaparissayasaho seto pasadiko mahabharavaho asanisatasaddehipi asanisahassasaddehipi ^1- asampakampiyo nisabho, so idha usabhoti adhippeto. Idampi hi tassa pariyayavacanam. Usabhassa idanti asabham. Thananti catuhi padehi pathavim uppiletva vavatthanam. Idam pana asabham viyati asabham. Yathapi hi ^2- nisabhasankhato usabho catuhi padehi pathavim uppiletva acalatthanena titthati, evam tathagatopi catuhi vesarajjapadehi @Footnote: ¹ cha.Ma. ayam patho na dissati ² cha.Ma. yatheva hi Atthaparisapathavim uppiletva sadevake loke kenaci paccatthikena paccamittena akampiyo acalatthanena titthati. Evam titthamano ca ^1- tam asabhanthanam patijanati upagacchati na paccakkhati, attani aropeti. Tena vuttam "asabhanthanam patijanati"ti. Parisasuti atthasu parisasu. Sihanadam nadatiti setthanadam sihanadam ^2- nadati, sihanadasadisam va nadam nadati. Ayamattho sihanadasuttena dassetabbo. Yathapi ^3- siho sahanato ca hananato ca sihoti vuccati, evam tathagato lokadhammanam sahanato parappavadananca hananato sihoti vuccati. Evam vuttassa sihassa nadam sihanadam. Tattha yatha hi ^4- siho sihabalena samannagato sabbattha visarado vigatalomahamso sihanadam nadati, evam tathagatasihopi tathagatabalehi samannagato atthasu parisasu visarado vigatalomahamso "iti rupan"tiadina nayena nanavidhadesanavilasasampannam sihanadam nadati. Tena vuttam "parisasu sihanadam nadati"ti. Brahmacakkam pavattetiti ettha brahmanti settham uttamam visuddham. Cakkasaddo panayam:- sampattiyam lakkhane ca rathange iriyapathe dane ratanadhammura- cakkadisu ca dissati dhammacakke idha mato tanca dvedha vibhavaye. "cattarimani bhikkhave cakkani, yehi samannagatanam devamanussanan"tiadisu ^5- hi ayam sampattiyam dissati. "padatalesu cakkani jatani"ti ^6- ettha lakkhane. "cakkamva vahato padan"ti ^7- ettha rathange. "catucakkam navadvaran"ti ^8- ettha iriya- pathe. "dadam bhunja ca ma ca ^9- pamado, cakkam vattaya sabbapaninan"ti ^10- ettha dane. @Footnote: ¹ cha. titthamanova ² cha.Ma. abhitanadam ³ cha.Ma. yatha va ⁴ cha. ayam saddo na dissati @⁵ an.catukka. 21/31/37 cakkasutta ⁶ di.maha. 10/35/15 dvattimsamahapurisalakkhana @⁷ khu.dha. 25/1/15 cakkhupalattheravatthu ⁸ sam.sa. 15/29/18 catucakkasutta @⁹ cha.Ma. ayam saddo na dissati ¹⁰ khu.ja. 27/1110/234 gandharavagga (sya) "dibbam cakkaratanam paturahosi"ti ^1- ettha ratanacakke. "maya pavattitam cakkan"ti ^2- ettha dhammacakke. "icchahatassa posassa, cakkam bhamati matthake"ti ^3- ettha uracakke. "khurapariyantena cepi cakkena"ti ^4- ettha paharanacakke. "asanivicakkan"ti ^5- ettha asanimandale. Idha panayam dhammacakke mato. Tam panetam dhammacakkam duvidham hoti pativedhanananca desananananca. Tattha pannapabhavitam attano ariyaphalavaham pativedhananam, karunapabhavitam savakanam ariyaphalavaham desanananam. Tattha pativedhananam uppajjamanam uppannanti duvidham. Tanhi abhinikkhamanato yava arahattamagga uppajjamanam, phalakkhane uppannannama. Tusitabhavanato va yava mahabodhipallanke arahattamagga ^6- uppajjamanam, phalakkhane uppannannama. Dipankarato patthaya va yava bodhipallanke arahattamagga uppajjamanam, phalakkhane uppannannama. Desanananampi pavattamanam pavattanti duvidham. Tanhi yava annakondannassa ^7- sotapattimagga pavattamanam, phalakkhane pavattam nama. Tesu pativedhananam lokuttaram, desanananam lokiyam. Ubhayampi panetam annehi asadharanam, buddhanamyeva orasam nanam. Sammasambuddhassa te patijanatoti "aham sammasambuddho, sabbe dhamma maya abhisambuddha"ti evam patijanato. ^8- Anabhisambuddhati ^9- ime nama dhamma taya anabhisambuddha. Tatra vatati tesu "anabhisambuddha"ti evam dassitadhammesu. Sahadhammenati sahetuna sakaranena vacanena. Nimittametanti ettha puggalopi dhammopi nimittanti adhippeto. Tam puggalam na passami, yo mam paticodessati. Tam dhammam na passami, sandassetva ^10- "ayam nama dhammo taya anabhisambuddho"ti @Footnote: ¹ di.Ma. 10/23/150 cakkaratana, Ma.u. 14/256/223 balapanditasutta @² khu.su. 25/563/448 selasutta ³ khu.ja. 27/104,796/34,180 @mittavindukajataka (sya) ⁴ di.Si. 9/116/52 puranakassapavada @⁵ di.pa. 11/61/36 udumbarikasutta, sam.ni. 16/162/219 asanisutta @⁶ Ma. arahattuppatti ⁷ cha.Ma. annasikondannassa ⁸ cha.Ma. patijanato tava @⁹ ka. na ca abhisambuddhati ¹⁰ cha.Ma. yam dassetva Mam paticodessatiti ayamettha attho. Khemappattoti khemam patto. Sesapadadvayam imasseva vevacanam. Sabbametam ^1- vesarajjananameva sandhaya vuttam. Dasabalassa hi "ayam nama dhammo taya anabhisambuddho"ti codakam puggalam va codanakaranam anabhisambuddhadhammam va apassato "sabhavabuddhoyeva vata ^2- samano aham buddhosmiti vadami"ti paccavekkhantassa balavataram somanassam uppajjati, tena sampayuttam nanam vesarajjam nama. Tam sandhaya "khemappatto"tiadimaha. Evam sabbattha attho veditabbo. Antarayika dhammati ettha pana antarayam karontiti antarayika. Te atthato sancicca vitikkanta satta apattikkhandha. Sancicca vitikkantam hi antamaso dukkatadubbhasitampi maggaphalanam antarayam karoti. Idha pana methunadhamma adhippeta. ^3- Methunam sevato hi yassa kassaci nissamsayameva maggaphalanam antarayo hoti. Yassa kho pana te atthayati ragakkhayadisu yassa atthaya. Dhammo desitoti asubhabhavanadidhammo kathito. Tatra vata manti tasmim aniyyanikadhamme mam. Sesam vinaye vuttanayeneva ^4- veditabbam. Vadapathati vadayeva. Puthuti bahu. Sitati upanibaddha abhisankhata. Athava puthussitati puthubhavam sita upagata, puthuhi va sitatipi puthussita. Yam nissitati etarahipi yam vadapatham nissita. Na te bhavantiti te vadapatha na bhavanti bhijjanti vinassanti. Dhammacakkanti desanananassapi pativedhananassapi etam namam. Tesu desanananam lokiyam, pativedhananam lokuttaram. Kevaliti sakalalokuttara- samannagato. ^5- Tadisanti tathavidham. @Footnote: ¹ cha.Ma. sabbampetam ² Ma. ca ³ cha.Ma. methunadhammo adhippeto @⁴ cha.Ma. sesam vuttanayeneva ⁵ Ma. sakalo kusalasamannagato, cha. sakalagunasamannagato

The Pali Atthakatha in Roman Book 15 page 283-286. http://84000.org/tipitaka/atthapali/read_rm.php?B=15&A=6550&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=6550&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=72 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=291 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=314 The Pali Tipitaka in Roman Character :- http://84000.org/tipitaka/read/roman_read.php?B=20&A=314 Contents of The Tipitaka Volume 20 http://84000.org/tipitaka/read/?index_20