AtthaPali Vol.15

2. Silasuttavannana [12] Dutiye sampannasilati paripunnasila. Sampannapatimokkhati paripunna- patimokkha. Patimokkhasamvarasamvutati patimokkhasamvarasilena samvuta pihita upeta hutva viharatha. Acaragocarasampannati acarena ca gocarena ca sampanna samupagata bhavatha. Anumattesu vajjesuti anuppamanesu dosesu. Bhayadassavinoti tani anumattani vajjani bhayato dassanasila. Samadaya sikkhatha sikkhapadesuti sabbattha sikkhakotthasesu tam tam samadatabbam ^3- samadaya gahetva sikkhatha. "sampannasilanam .pe. Sikkhapadesu"ti ettakena dhammakkhanena ^4- sikkhattaye samadapetva ceva patiladdhagunesu ca vannam kathetva idani uttarim katabbattham ^5- dassento kimassatiadimaha. Tattha kimassati kim bhaveyya. @Footnote: ¹ Ma. na nibbinnam pariccattam vigatantam ² cha.Ma. arahattamaggasankhatam @³ cha.Ma. sabbasikkhakotthasesu samadatabbam ⁴ Ma. dhammena ⁵ cha.Ma. uttari katabbam Yatancareti yatha caranto yato hoti samyato, ^1- evam careyya. Esa nayo sabbattha. Accheti nisideyya. Yatametam ^2- pasarayeti yam angapaccangam pasareyya, tam yatam passaddhameva ^3- katva pasareyya. Uddhanti upari. Tiriyanti majjham. Apacinanta adho. Ettavata atita paccuppanna anagata ca pancakkhandha kathita. Yavatati paricchedavacanam. Jagato gatiti lokassa nipphatti. Samavekkhita ca dhammanam, khandhanam udayabbayanti etesam sabbaloke atitadibhedanam pancakkhandhadhammanam udayanca vayanca samavekkhita, "pancannam khandhanam ^4- udayam passanto pancavisati lakkhanani passati, vayam passanto pancavisati lakkhanani passati"ti vuttehi samapannasaya lakkhanehi samma avekkhita hoti. Cetosamathasamicinti cittasamathassa anucchavikam patipadam. Sikkhamananti patipajjamanam, purayamananti attho. Pahitattoti pesitatto. Ahuti kathayanti. Sesamettha uttanameva. Imasmim pana sutte silamissakam kathetva gathasu khinasavo kathito.

The Pali Atthakatha in Roman Book 15 page 290-291. http://84000.org/tipitaka/atthapali/read_rm.php?B=15&A=6713&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=6713&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=135 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=556 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=540 The Pali Tipitaka in Roman Character :- http://84000.org/tipitaka/read/roman_read.php?B=20&A=540 Contents of The Tipitaka Volume 20 http://84000.org/tipitaka/read/?index_20