ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                         6. Donasuttavannana
     [36] Chatthe antara ca ukkattham antara ca setabyanti ettha ukkatthati
ukkahi dhariyamanahi mapitatta evamladdhavoharam nagaram. Setabyanti atite
kassapassa sammasambuddhassa jatanagaram. Antarasaddo pana karanakkhanacitta-
vemajjhavivaradisu vattati. "tadanantaram 1- ko janeyya annatra tathagata"ti 2- ca,
"jana sangamma mantenti, manca tanca kimantaran"ti 3- ca adisu hi karane.
"addasa mam bhante annatara itthi vijjantarikaya bhajanam dhovanti"tiadisu 4- khane.
"vassantarato na santi kopa"tiadisu 5- citte. "antara vosanamapadi"tiadisu 6-
vemajjhe. "api cayam tapoda dvinnam mahanirayanam antarikaya agacchati"tiadisu 7-
vivare. Svayamidha vivare vattati. Tasma ukkatthaya ca setabyassa ca vivareti
evamettha attho datthabbo. Antarasaddena payuttatta 8- upayogavacanam katam. Edisesu
ca thanesu akkharacintaka "antara gamanca nadinca yati"ti evam ekamettha
antarasaddam payunjanti, 9- so dutiyapadenapi yojetabbo hoti, ayojiyamane
upayogavacanam na papunati. Idha pana yojetva evam vuttoti. 10-
     Addhanamaggapatipanno hotiti addhanasankhatam maggam patipanno hoti,
dighamagganti attho. Kasma patipannoti? tamdivasam kira bhagava idam addasa
"mayi tam maggam patipanne donabrahmano mama padacetiyani passitva padanupadiko hutva
mama nisinnatthanam agantva panham pucchissati, athassaham ekam saccadhammam 11-
desissami, brahmano tini samannaphalani pativijjhitva dvadasapadasahassaparimanam
@Footnote: 1 cha.Ma. tadantaram           2 an. chakka. 22/315/391 dhammikavagga (sya)
@3 sam. sa. 15/228/242 kulagharanisutta    4 Ma. Ma. 13/149/122 latukikopamasutta
@5 khu. u. 25/20/119 bhaddiyasutta      6 Ma.mu. 12/307-8/273-4 mahasaropamasutta
@7 vi.mahavi. 1/231/164 parajikakanda    8 cha.Ma. pana yuttatta
@9 cha.Ma. payujjanti      10 cha.Ma. vutto   11 Si. catusaccadhammam
Donagajjitam nama vannam vannetva 1- mayi parinibbute sakalajambudipe
uppannam mahakalaham vupasametva dhatuyo bhajessati"ti. Imina karanena
patipanno. Donopi sudam brahmanoti donabrahmanopi tayo vede pagune
katva pancasate manavake sippam vacento tamdivasam patova vutthaya sarirapatijagganam
katva satagghanikam 2- nivasetva pancasatagghanikam ekamsavaragatam 3- katva
amuttayannasutto rattavattika 4- upahana arohitva pancasatamanavakaparivaro
tameva maggam patipajji. Tam sandhayetam vuttam.
     Padesuti padehi akkantatthanesu. Cakkaniti lakkhanacakkani. Kim pana
bhagavato gacchantassa akkantatthane padam pannayatiti? na pannayati. Kasma?
sukhumatta mahabalavatta mahajananuggahena ca. Buddhananhi sukhumacchavitaya
akkantatthanam tulapicuna 5- patitthitatthanam viya hoti, padavalanjo na pannayati.
Yatha ca balavato vatajasindhavassa paduminipattepi akkantamattameva hoti, evam maha-
balavataya tathagatena akkantatthanam akkantamattameva hoti, na tattha padavalanjo
pannayati. Buddhananca anupadam mahajanakayo gacchati, tassa 6- satthu padavalanjam
disva madditum avisahantassa gamanavicchedo bhaveyya. Tasma akkantaakkantatthane
yopi padavalanjo bhaveyya, so antaradhayateva. Dono pana brahmano tathagatassa
adhitthanavasena passi. Bhagavapi yassa padacetiyam dassetukamo hoti, tam arabbha
"asuko nama passatu"ti adhitthati. Tasma magandiyabrahmano viya ayampi
brahmano tathagatassa adhitthanavasena addasa.
     Pasadikanti pasadajanakam. Itaram tasseva vevacanam. Uttamadamathasamathamanuppattanti
ettha uttamadamatho nama arahattamaggo, uttamasamatho nama arahattamaggasamadhi,
@Footnote: 1 Si. gajjitva, cha.Ma.vatva       2 cha.Ma. satagghanakam       3 Ma. ekamsam
@4 Ma. amuttayannamutto santappitika    5 cha.Ma. tulapicuno    6 Ma. tatthassa
Tadubhayam pattanti attho. Dantanti nibbisevanam. Guttanti gopitam.
Santindriyanti 1- rakkhitindariyam. Naganti chandadihi agacchanato, pahinakilese puna
anagacchanato, agum akaranato, balavantatthenati catuhi karanehi nagam.
     Devo no bhavam bhavissatiti ettha "devo no bhavan"ti ettavatapi puccha
nitthita bhaveyya, ayam pana brahmano "anagate mahesakkho eko devaraja
bhavam 2- bhavissati"ti  anagatavasena puccham 3- karonto 4- evamaha. Bhagavapissa
pucchasabhageneva kathento na kho aham brahmana devo bhavissamiti aha. Esa
nayo sabbattha. Asavananti kamasavadinam catunnam. Pahinati bodhipallanke
sabbannutananadhigameneva pahina. Anupalitto lokenati tanhaditthilepanam
pahinatta sankharalokasankhatena lokena anupalitto. Buddhoti catunnam saccanam
buddhatta buddho iti mam dharehi.
     Yenati yena asavena. Devupapatyassati devupapatti assa mayham bhaveyya.
Vihangamoti akasacaro gandhabbakayikadevo. Viddhastati vidhamita. Vinalikatati
vigatanala vigatabandhana kata. Ugganti 5- sundaram. Toyena na upalippatiti udakato
ratanamattam accuggamma thitam saram sobhayamanam bhamaraganam hasayamanam toyena na lippati.
Tasma buddhosmi brahmanati desanapariyosane tini maggaphalani papunitva
dvadasahi padasahassehi donagajjitam nama vannam kathesi, tathagate ca parinibbute
jambudipatale uppannam mahakalaham vupasametva dhatuyo bhajesiti.



             The Pali Atthakatha in Roman Book 15 page 336-338. http://84000.org/tipitaka/atthapali/read_rm.php?B=15&A=7777&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=7777&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=322              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2133              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2115              The Pali Tipitaka in Roman Character :- http://84000.org/tipitaka/read/roman_read.php?B=20&A=2115              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]