ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                         14. 4. Puggalavagga
                        1. Samyojanasuttavannana
     [131] Catutthassa pathame upapattipatilabhiyaniti yehi antara upapattim patilabhati.
Bhavapatilabhiyaniti upapattibhavassa patilabhaya paccayani. Sakadagamissati idam
appahinasamyojanesu ariyesu uttamakotiya gahitam. Yasma pana antaraparinibbayissa
@Footnote: 1 cha.Ma. silam     2 Si. balina
Antara upapatti natthi, yam pana so tattha jhanam samapajjati, tam kusalatta
"upapattibhavassa paccayo"tveva sankhyam gacchati. Tasmassa "upapattipatilabhiyani
samyojanani pahinani, bhavapatilabhiyani samyojanani appahinani"ti vuttam. Orambhagiyesu
ca appahinam upadaya sakadagamissa avisesena "orambhagiyani samyojanani
appahinani"ti vuttam. Sesamettha uttanameva.
                        2. Patibhanasuttavannana
     [132] Dutiye yuttapatibhano no muttapatibhanoti panham kathento yuttameva
katheti, sigham pana na katheti, sanikameva kathetiti attho. Imina nayena sabbapadani
veditabbani.
                       3. Ugghatitannusuttavannana
     [133] Tatiye catunnampi puggalanam imina suttena viseso veditabbo:-
              "katamo ca puggalo ugghatitannu, yassa puggalassa saha
         udahatavelaya dhammabhisamayo hoti, ayam vuccati puggalo ugghatitannu.
         Katamo ca puggalo vipacitannu, yassa puggalassa vittharena atthe
         vibhajiyamane dhammabhisamayo hoti, ayam vuccati puggalo vipacitannu.
         Katamo ca puggalo neyyo, yassa puggalassa uddesato paripucchato
         yonisomanasikaroto kalyanamitte sevato bhajato payirupasato anu-
         pubbena dhammabhisamayo hoti, ayam vuccati puggalo neyyo. Katamo
         ca puggalo padaparamo, yassa puggalassa bahumpi sunato bahumpi
         bhanato bahumpi dharayato bahumpi vacayato na taya jatiya dhamma-
         bhisamayo hoti, ayam vuccati puggalo padaparamoti 1-
@Footnote: 1 abhi. pu. 36/151/152 catukkapuggalapannatti
                       4. Utthanaphalasuttavannana
     [134] Catutthe utthanaviriyeneva divasam vitinametva tassa nissandaphalamattam
kincideva labhitva jivikam kappeti, tam pana utthanam agamma kinci punnaphalam
na patilabhati, ayam utthanaphalupajivi na kammaphalupajivi nama. Catummaharajike
pana deve adim katva sabbepi deva utthanaviriyena vina punnaphalasseva upajivanato
kammaphalupajivino na utthanaphalupajivino nama. Rajarajamahamattadayo utthanaphalupajivino
ca kammaphalupajivino ca. Nerayikasatta neva utthanaphalupajivino na kammaphalupajivino.
Imasmim sutte punnaphalameva kammaphalanti adhippetam, tanca tesam natthi.
                        5. Savajjasuttavannana
     [135] Pancame pathamo andhabalaputhujjano, dutiyo antarantara kusalakarako
lokiyaputhujjano, tatiyo sotapanno, sakadagamianagaminopi eteneva sangahita.
Catuttho khinasavo. So hi ekanteneva anavajjo.
                        6-7. Silasuttadivannana
     [136-137] Chatthe pathamo lokiyamahajano, dutiyo sukkhavipassako sotapanno
ca sakadagami ca, tatiyo anagami. So hi yasma tamkhanikampi upapattinimittakam
jhanam patilabhatiyeva, tasma sukkhavipassakopi samadhismim paripurakariyeva. Catuttho
khinasavoyeva. So hi sabbesam liladinam paccanikanam pahinatta sabbattha paripurakari
nama. Sattamepi chatthe vuttanayeneva puggalaparicchedo veditabbo.
                        8. Nikkatthasuttavannana
     [138] Atthame nikkatthakayoti niggatakayo. 1- Anikkatthacittoti
anupavitthacitto. Kayeneva gamato nikkhanto, cittena aranne vasantopi gamameva
pavitthoti vuttam hoti. Imina nayena sabbattha attho veditabbo.
@Footnote: 1 Ma. vigatakayo
                        9. Dhammakathikasuttavannana
     [139] Navame asahitanti atthena asamyuttam. Na kusala hotiti accheka 1-
hoti. Sahitasahitassati atthanissitassa va anissitassa va. Evam sabbattha attho
veditabbo.
                         10. Vadisuttavannana
     [140] Dasame atthato pariyadanam gacchatiti atthakatham pucchito pariyadanam
parikkhayam gacchati, kathetum na sakkoti. No byanjanatoti byanjanam panassa pavattati
na pariyadiyati. Eseva nayo sabbatthati.
                         Puggalavaggo catuttho.
                        ----------------



             The Pali Atthakatha in Roman Book 15 page 379-382. http://84000.org/tipitaka/atthapali/read_rm.php?B=15&A=8741&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=8741&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=525              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6110              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6263              The Pali Tipitaka in Roman Character :- http://84000.org/tipitaka/read/roman_read.php?B=20&A=6263              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]