AtthaPali Vol.15

15. 5. Ābhāvagga 1. Ābhāsuttavaṇṇanā [141] Pañcamassa paṭhame ābhāsanavasena candova candābhā. Sesapadesupi eseva nayo. 2-5. Pabhāsuttādivaṇṇanā [142-145] Dutiyādīsupi pabhāsanavasena candova candappabhā. Ālokanavasena candova candāloko. Obhāsanavasena candova candobhāso. Pajjotanavasena candova candapajjoto. Evaṃ sabbattha padesupi attho veditabbo. @Footnote: ¹ Ma. ananacchavikā, cha. na chekā 6. Paṭhamakālasuttavaṇṇanā [146] Chaṭṭhe kālāti yuttappayuttakālā. ^1- Kālena dhammassavananti yuttappattakāle dhammassavanaṃ. Dhammasākacchāti pañhāpucchanavissajjanavasena pavattā saṃsandanakathā. 7. Dutiyakālasuttavaṇṇanā [147] Sattame kālāti tasmiṃ tasmiṃ kāle dhammassavanādivasena pavattānaṃ kusaladhammānaṃ etaṃ adhivacanaṃ. Te vibhāvissanti ^2- ceva anuparivattissanti ^3- ca. Āsavānaṃ khayanti arahattaṃ. Aṭṭhamaṃ uttānameva. 9-10. Sucaritasuttādivaṇṇanā [149-150] Navame saṇhavācāti ^4- mudukavācā. Mantabhāsāti mantasaṅkhātāya paññāya paricchinditvā kathitakathā. Dasame sīlasāroti sārasampāpakaṃ sīlaṃ. Sesesupi eseva nayo. Ābhāvaggo pañcamo. Tatiyapaṇṇāsako niṭṭhito. -------------- @Footnote: ¹ Ma. yuttappattakālā ² cha.Ma. te bhāviyanti @³ cha.Ma. anuparivattiyanti ⁴ cha.Ma. saṇhā vācāti

The Pali Atthakatha in Roman Book 15 page 382-383. http://84000.org/tipitaka/atthapali/read_rm.php?B=15&A=8802 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=8802 อ่านอรรถกถาแปลไทย :- http://84000.org/tipitaka/attha/attha.php?b=20&i=526 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6123 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6274 The Pali Tipitaka in Roman Character :- http://84000.org/tipitaka/read/roman_read.php?B=20&A=6274 Contents of The Tipitaka Volume 20 http://84000.org/tipitaka/read/?index_20