ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                         17. 2. Patipadavagga
                        1. Sankhittasuttavannana
     [161] Dutiyassa pathame 1- sukhapatikkhepena dukkha. Patipajjitabbato patipada
etissati dukkhapatipada. 1- Asighappavattataya garubhavena dandha abhinna etissati
dandhabhinna. Imina neyena sabbapadesupi attho veditabbo.
                        2. Vittharasuttavannana
     [162] Dutiye abhikkhananti abhinham. Anantariyanti anantaravipakadayakam
maggasamadhim. Asavanam khayayati arahattaphalatthaya. Pancindriyaniti
vipassanapancamani pancindriyani. Pannindriyanti hi ettha vipassanapannava
pannindriyanti adhippeta. 2- Sesamettha palivasena uttanameva.
     Imasam pana patipadanam ayam vibhagakatha:- idha bhikkhu pubbe akatabhiniveso
pubbabhage rupapariggahe kilamati, arupapariggahe kilamati, paccayapariggahe kilamati tisu
thanesu kilamati, maggamagge kilamati. Evam pancasu thanesu kilamanto vipassanam
papunati. Vipassanam patva udayabbayanupassane bhanganupassane bhayatupatthane
adinavanupassane nibbidanupassane muncitukamyatanane sankharupekkhanane
anulomanane gotrabhunaneti imesu navasu vipassanananesupi kilamitva lokuttaramaggam
papunati. Tassa so lokuttaramaggo evam dukkhena garubhavena sacchikatatta dukkhapatipado
dandhabhinno nama jato. Yo pana pubbabhage pancasu nanesu kilamanto aparabhage navasu
vipassanananesu akilamitva maggam sacchikaroti, tassa so maggo evam dukkhena
agarubhavena sacchikatatta dukkhapatipado khippabhinno nama jato. Imina upayena
itarapi dve veditabba.
@Footnote: 1-1 Si. sukhapatikkhepena dukkha, patipajjitabbato patipada      2 cha.Ma. adhippetam
     Gonapariyesakaupamahi ceta vibhavetabba:- ekassa hi purisassa cattaro
gona palayitva atavim pavittha. So sakantake sagahane 1- vane te pariyesanto
gatamaggeneva kicchena kasirena gantva gahanatthaneyeva niline gonepi kicchena
kasirena addasa. Eko kicchena gantva 2- abbhokase thite khippameva addasa.
Aparo agahanena abbhokasamaggena gantva gahanatthane niline kicchena kasirena
addasa. Aparo abbhokasamaggeneva sukhena gantva abbhokase thiteyeva khippam
addasa. Tattha cattaro gona viya cattaro ariyamagga datthabba. Gone pariyesanto
puriso viya yogavacaro, gahanamaggena kicchena kasirena gamanam viya pubbabhage
pancasu nanesu kilamato dukkhapatipada. Gahanatthane nilinanam kiccheneva
dassanam viya aparabhage navasu nanesu kilamantassa ariyamagganam dassanam. Imina
upayena sesaupamapi yojetabba.
                         3. Asubhasuttavannana
     [163] Tatiye asubhanupassi kaye viharatiti attano karajakaye "yatha etam, tatha
idan"ti imina nayena bahiddha ditthanam dasannam asubhanam upasamharanavasena asubhanupassi
viharati, attano kayam asubhato patikulato nanena passatiti attho. Ahare
patikulasanniti 3- navannam patikulanam vasena kavalinkarahare patikulasanni. Sabbaloke
anabhiratisanniti sabbasmimpi tedhatuke lokasannivase anabhirataya ukkanthitasannaya
samannagato. Sabbasankharesu aniccanupassiti sabbepi tebhumikasankhare
aniccato anupassanto. Maranasannati maranam arabbha uppannasanna. Ajjhattam
supatthita hotiti niyakajjhatte sutthu upatthita hoti. Ettavata balavavipassana
kathita. Sekhabalaniti sikkhanakanam balani. Sesamettha palivasena uttanameva.
"asubhanupassi"tiadini pana dukkhaya patipadaya dassanattham vuttani,
@Footnote: 1 Ma. sakalagahane     2 cha.Ma. aparo abbhokasamaggena sukhena gantva
@3 ka. anabhiratasanniti
Pathamajjhanadini sukhaya. Asubhadini hi patikularammanani, tesu pana pakatiyava
sampiyayamanam 1- cittam alliyati. Tasma tani bhavento dukkhapatipadam patipanno
nama hoti. Pathamajjhanadini  panitasukhani, tasma tani patipanno sukhapatipadam patipanno
nama hoti.
     Ayampanettha sabbasadharana upama:- sangamavacarapuriso hi phalakakotthakam
katva pancavudhani sannayhitva sangamam pavisati, so antara vissamitukamo
phalakakotthakam patipavisitva vissamati ceva panabhojanadini ca patisevati. Tato puna
sangamampi pavisitva kammam karoti. Tattha sangamo viya kilesasangamo datthabbo,
phalakakotthako viya panca nissayabalani, sangamam pavisanapuriso viya yogavacaro,
pancavudhasannaho viya vipassanapancamani indriyani, sangamam pavisanakalo viya
vipassanaya kammakaranakalo, vissamitukamassa phalakakotthakam pavisitva vissamanapana-
bhojanani patisevanakalo viya vipassanaya kammam karontassa cittuppadassa
nirassadakkhane panca balani nissaya cittam sampahamsanakalo, vissamitva khaditva
pivitva ca puna sangamapavisanakalo viya pancahi balehi cittam sampahamsetva puna
vipassanaya kammam karontassa vivattetva arahattaggahanakalo veditabbo. Imasmim
pana sutte balani ceva indriyani ca missakaneva kathitani. 2-
                        4. Pathamakhamasuttavannana
     [164] Catutthe akkhamati anadhivasikapatipada. 3- Khamati adhivasikapatipada.
Damati indriyadamanapatipada. Samati akusalavitakkanam vupasamanapatipada. Rosantam
patirosatiti ghattentam patighatteti. Bhandantam patibhandatiti paharantam patippaharati.
Pancamachatthani uttanatthaneva.
@Footnote: 1 Ma. pakatiya samanam    2 cha.Ma. kathitaniti    3 Ma. anadhivasakapatipada
                     7. Mahamoggallanasuttavannana
     [167] Sattame mahamoggallanattherassa hetthima tayo magga sukhapatipada
dandhabhinna ahesum, arahattamaggo dukkhapatipado khippabhinno. Tasma evamaha
"yayam patipadadukkha khippabhinna, imam me patipadam agamma anupadaya asavehi
cittam vimuttan"ti.
                        8. Sariputtasuttavannana
     [168] Atthame dhammasenapatittherassa hetthima tayo magga sukhapatipada
dandhabhinna ahesum, arahattamaggo sukhapatipado khippabhinno. Tasma "yayam
patipada sukha khippabhinna"ti aha. Imesu pana dvisupi suttesu missikava
patipada kathitati veditabba.
                        9. Sasankharasuttavannana
     [169] Navame pathamadutiyapuggala sukkhavipassaka sasankharena sampayogena
sankharanimittam upatthapenti. Tesu eko vipassanindriyanam balavatta idheva
kilesaparanibbanena parinibbayati, eko indriyanam dubbalataya idha asakkonto
anantare attabhave tadeva mulakammatthanam patilabhitva sasankharena sampayogena
sankharanimittam upatthapetva kilesaparinibbanena parinibbayati, tatiyacatuttha
samathayanika. Tesam eko asankharena appayogena indriyanam balavatta idheva kilese
khepeti, eko indriyanam dubbalatta idha asakkonto anantare attabhave tadeva
mulakammatthanam patilabhitva asankharena appayogena kilese khepetiti veditabbo.
                        10. Yuganaddhasuttavannana
     [170] Dasame samathapubbangamanti samatham pubbangamam purecarikam katva. Maggo
sanjayatiti pathamo lokuttaramaggo nibbattati. So tam magganti
Ekacittakkhanikamaggasseva asevanadini nama natthi, dutiyamaggadayo pana uppadento
tameva asevati bhaveti bahulikarotiti vuccati. Vipassanapubbangamanti vipassanam
pubbangamam purecarikam katva. Samatham bhavetiti, pakatiya vipassanalabhi vipassanaya
thatva samadhim uppadetiti attho.
     Yuganaddham bhavetiti yuganaddham katva bhaveti. Tattha teneva cittena samapattim
samapajjitva teneva sankhare sammasitum na sakka. Ayam pana yavata samapattiyo
samapajjati, tavata sankhare sammasati. Yavata sankhare sammasati, tavata samapattiyo
samapajjatiti. Katham? pathamajjhanam samapajjati, tato vutthaya sankhare sammasati, sankhare
sammasitva dutiyajjhanam samapajjati. Tato vutthaya puna sankhare sammasati. Sankhare
sammasitva tatiyajjhanam .pe. Nevasannanasannayatanasamapattim samapajjati, tato
vutthaya sankhare sammasati. Evamayam 1- samathavipassanam yuganaddham bhaveti nama.
     Dhammuddhaccaviggahitanti samathavipassanadhammesu dasavipassanupakkilesasankhatena
uddhaccena viggahitam, suggahitanti attho. So avuso samayoti imina sattanam
sappayanam patilabhakalo kathito. Yantam cittanti yasmim samaye tam vipassanavithim
okkamitva pavattam cittam. Ajjhattameva santitthatiti vipassanavithim paccotaritva
tasmimyeva gocarajjhattasankhate arammane santitthati. Sannisidatiti arammanavasena
samma nisidati. Ekodi hotiti ekaggam hoti. Samadhiyatiti 2- samma adhiyati
sutthapitam hoti. Sesamettha uttanatthamevati.
                         Patipadavaggo dutiyo.
@Footnote: 1 Ma. evamassa     2 Si. santitthati  patitthati



             The Pali Atthakatha in Roman Book 15 page 387-391. http://84000.org/tipitaka/atthapali/read_rm.php?B=15&A=8891&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=8891&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=528              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=6198              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=6355              The Pali Tipitaka in Roman Character :- http://84000.org/tipitaka/read/roman_read.php?B=20&A=6355              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]