AtthaPali Vol.16

9. Khippanisantisuttavaṇṇanā [169] Navame khippaṃ nisāmayati upadhārayatīti khippanisanti. ^5- Suggahitaṃ katvā gaṇhātīti suggahitaggāhī. Atthakusaloti aṭṭhakathāya cheko. Dhammakusaloti pāliyaṃ cheko. Niruttikusaloti niruttivacanesu cheko. Byañjanakusaloti akkharappabhede cheko. Pubbāparakusaloti atthapubbāparaṃ dhammapubbāparaṃ padapubbāparaṃ ^6- akkharapubbāparaṃ ^7- anusandhipubbāparanti imasmiṃ pañcavidhe pubbāpare cheko. Tattha atthapubbāparakusaloti heṭṭhā atthena upari atthaṃ jānāti, upari atthena heṭṭhā atthaṃ jānāti. Kathaṃ? so hi heṭṭhā atthaṃ ṭhapetvā upari atthe vutte "heṭṭhā attho atthī"ti jānāti. Upari atthaṃ ṭhapetvā heṭṭhā atthe @Footnote: ¹ cha. codetabbo. evamuparipi ² cha.Ma. puggalaṃ pana upaparikkhitvā @³ cha.Ma. upadahātabboti ⁴ cha.Ma. upanetabbo ⁵ Sī.,Ma. khippanisantī @ ⁶ cha.Ma. ayaṃ pāṭho na dissati ⁷ cha.Ma. byañjanapubbāparaṃ Vuttepi "upari attho atthī"ti jānāti. Ubhato ṭhapetvā majjhe atthe vutte "ubhato attho atthī"ti jānāti. Majjhe atthaṃ ṭhapetvā ubhatobhāgesu atthesu vuttesu ^1- "majjhe attho atthī"ti jānāti. Dhammapubbāparādīsupi eseva nayo. Anusandhipubbāpare pana sīlaṃ ādiṃ katvā āraddhe suttante matthake chasu abhiññāsu āgatāsu "yathānusandhiṃ yathānupadacchedaṃ ^2- suttanto gato"ti jānāti. Diṭṭhivasena āraddhe upari saccesu āgatesupi "yathānusandhinā gato"ti jānāti. Kalahabhaṇḍanavasena āraddhe upari sāraṇīyadhammesu āgatesupi, dvattiṃsatiracchānakathā- vasena āraddhe upari dasakathāvatthūsu ^3- āgatesupi "yathānusandhinā gato"ti jānātīti.

The Pali Atthakatha in Roman Book 16 page 65-66. http://84000.org/tipitaka/atthapali/read_rm.php?B=16&A=1457 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=1457 อ่านอรรถกถาแปลไทย :- http://84000.org/tipitaka/attha/attha.php?b=22&i=169 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=4666 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=4723 The Pali Tipitaka in Roman Character :- http://84000.org/tipitaka/read/roman_read.php?B=22&A=4723 Contents of The Tipitaka Volume 22 http://84000.org/tipitaka/read/?index_22