AtthaPali Vol.16

8. Pancangikasuttavannana [28] Atthame ariyassati vikkhambhanavasena pahinakilesehi araka thitassa. Bhavanam desessamiti bruhanam vaddhanam pakasayissami. Imameva kayanti imam karajakayam. Abhisandetiti temeti senheti, sabbattha pavattapitisukham karoti. Parisandetiti samantato sandeti. Paripuretiti vayuna bhastam viya pureti. Parippharatiti samantato phusati. Sabbavato kayassati tassa bhikkhuno sabbakotthasavato kayassa kinci upadinnakasantatipatitthane chavimamsalohitanugatam anumattampi thanam pathamajjhanasukhena aphuttham nama na hoti. Dakkhoti cheko patibalo nhaniyacunnani katunceva yojetunca sandetunca. Kamsathaleti yena kenaci lohena katabhajane. Mattikabhajanam pana thiram na hoti. Sandentassa ^1- bhijjati. Tasma tam na dasseti. Paripphosakam paripphosakanti sincitva sincitva. Sanneyyati vamahatthena kamsathalam gahetva dakkhinahatthena pamanayuttam udakam sincitva sincitva parimaddento pindam kareyya. Sinehanugatati udakasinehena anugata. Sinehaparetati udakasinehena pariggahita. ^2- Santarabahirati saddhim antopadesena ceva bahippadesena ca, sabbatthakameva udakasinehena phutthati attho. Na ca paggharatiti ^3- na bindu bindu udakam paggharati, sakka hoti hatthenapi dvihipi angulihi gahetum ovattikayapi katunti attho. Dutiyajjhanasukhaupamayam ubbhitodakoti ubbhinnaudako, na hettha ubbhijjitva uggacchanaudako, antoyeva pana uppajjanaudakoti attho. Ayamukhanti agamanamaggo. Devoti megho. Kalena kalanti kale kale, anvaddhamasam va anudasaham vati attho. Dharanti vutthim. Nanuppaveccheyyati na paveseyya, na vasseyyati attho. Sita varidhara ubbhijjitvati sita varidhara tam rahadam purayamana @Footnote: ¹ cha.Ma. sannentassa ² ka. parigata ³ cha.Ma. na ca pagghariniti Ubbhijjitva. Hettha uggacchanaudakam hi uggantva bhijjantam udakam khobheti, catuhi disahi pavisanaudakam puranapannatinakatthadandakadihi udakam khobheti. Vutthiudakam dharanipatapubbulakehi udakamva khobheti, sannisinnameva pana hutva iddhinimmitamiva uppajjamanam udakam imam padesam pharati, imam na pharatiti natthi. Tena aphutthokaso nama na hoti. Tattha rahado viya karajakayo, udakam viya dutiyajjhanasukham, sesam purimanayeneva veditabbam. Tatiyajjhanasukhaupamayam uppalani ettha santiti uppalini. Sesapadadvayepi eseva nayo. Ettha ca setarattanilesu yankinci uppalameva, unakasatapattam pundarikam, satapattam padumam. Pattaniyamam va vinapi setam padumam, rattam pundarikanti ayamettha vinicchayo. Udakanuggataniti udakato na uggatani. Antonimuggaposiniti udakatalassa anto nimugganiyeva hutva posanti ^1- vaddhantiti attho. Sesam purimanayeneva veditabbam. Catutthajjhanasukhaupamayam parisuddhena cetasa pariyodatenati ettha nirupakkilesatthena parisuddham, pabhassaratthena pariyodatam veditabbam. Odatena vatthenati idam utupharanattham vuttam. Kilitthavatthena hi utupharanam na hoti, tamkhanam dhotaparisuddhena utupharanam balavam hoti. Imissa hi upamaya vattham viya karajakayo, utupharanam viya catutthajjhanasukham. Tasma yatha sunhatassa purisassa parisuddham vattham sasisam parupitva nisinnassa sarirato utu sabbameva vattham pharati, na koci vatthassa apphatthokaso hoti, evam catutthajjhanasukhena bhikkhuno karajakayassa na koci okaso apphuttho hotiti evamettha attho datthabbo. Catutthajjhanacittameva va vattham viya, tamsamutthanarupam utupharanam viya. Yatha hi katthaci katthaci odatavatthe kayam aphusantepi tamsamutthanena utuna sabbatthakameva kayo phuttho hoti, evam catutthajjhanasamutthapitena sukhumarupena ^2- sabbatthakameva bhikkhuno kayo phuttho hotiti evamettha attho datthabbo. @Footnote: ¹ Si. pusanti ² Ma. sukhumasukhena Paccavekkhananimittanti paccavekkhanananameva. Suggahitam hotiti yatha tena jhanavipassanamagga sutthu gahita honti. Evam paccavekkhananimittam aparaparena paccavekkhananimitteneva sutthu gahitam hoti. Anno va annanti anno eko annam ekam, attanoyeva hi atta na pakato hoti. Thito va nisinnanti thitakassapi nisinno pakato hoti, tenevam vuttam. Sesesupi eseva nayo. Udakamanikoti samekhala udakacati. Samatittikoti samabharito. Kakapeyyati mukhavattiyam nisiditva kakena givam anametvava patabbo. Subhumiyanti samabhumiyam. "subhume sukkhette vihatakhanuke bijani patitthapeyya"ti ^1- ettha pana mandabhumi subhumiti agata. Catummahapatheti dvinnam mahamagganam vinivijjhitva gatatthane. Ajannarathoti vinitaassaratho. Odhastapatodoti yatha ratham abhiruhitva thitena sakka hoti ganhitum, evam alambanam nissaya tiriyato thapitapatodo. Yoggacariyoti assacariyo. Sveva assadamme saretiti assadammasarathi. Yenicchakanti yena yena maggena icchati. Yadicchakanti yam yam gatim icchati. Sareyyati ujukam purato peseyya. Paccasareyyati patinivatteyya. Evam hettha pancahi angehi samapattiparikammam kathetva imahi tihi upamahi pagunasamapattiya anisamsam dassetva idani khinasavassa abhinnapatipatim dassetum so sace akankhatitiadimaha. Tam uttanatthamevati.

The Pali Atthakatha in Roman Book 16 page 10-12. http://84000.org/tipitaka/atthapali/read_rm.php?B=16&A=205&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=205&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=28 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=528 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=522 The Pali Tipitaka in Roman Character :- http://84000.org/tipitaka/read/roman_read.php?B=22&A=522 Contents of The Tipitaka Volume 22 http://84000.org/tipitaka/read/?index_22