AtthaPali Vol.16

2. Migasālāsuttavaṇṇanā [44] Dutiye kathaṃ kathaṃ nāmāti kena kena nāma kāraṇena. Aññeyyoti ājānitabbo. Yatra hi nāmāti yasmiṃ nāma dhamme. Samasamagatikāti ^4- samabhāveneva samagatikā. Bhavissantīti jātā. Sakadāgāmī satto ^5- tusitaṃ kāyaṃ upapannoti sakadāgāmī puggalo hutvā tusitabhavaneyeva nibbatto. Kathaṃ kathaṃ nāmāti kena kena nu kho kāraṇena, kiṃ nu kho jānitvā desito, udāhu ajānitvāti. @Footnote: ¹ cha.Ma. uppannabhojanāni ² cha.Ma. nupalippati lokenāti ³ cha.Ma. viññassanti @⁴ ṭīkā. samasamagatiyāti ⁵ cha.Ma. sakadāgāmipatto Thero kāraṇaṃ ajānanto evaṃ kho panetaṃ bhagini bhagavatā byākatanti āha. Ambakā ambakasaññāti ^1- itthī hutvā itthīsaññāyaeva ^2- samannāgatā. Ke ca purisapuggalaparopariyañāṇeti ettha purisapuggalaparopariyañāṇaṃ vuccati purisapuggalānaṃ tikkhamuduvasena indriyaparopariyañāṇaṃ. Tasmā kā ca bālā migasālā, ke ca purisapuggalānaṃ indriyaparopariyañāṇe appaṭihatavisayā sammāsambuddhā, ubhayametaṃ dūre suvidūreti ayamettha saṅkhePo. Idāni migasālāya attano dūrabhāvaṃ dassento chayime ānandāti- ādimāha. Sorato hotīti pāpato suṭṭhu orato virato hoti. Sūratotipi pāṭho. Abhinandanti sabrahmacārī ekattavāsenāti tena saddhiṃ ekato vāsena sabrahmacārī abhinandanti tussanti. Ekantavāsenātipi pāṭho. Satatavāsenāti attho. Savanenapi akataṃ hotīti sotabbayuttakaṃ assutaṃ hoti. Bāhusaccenapi akataṃ hotīti ettha bāhusaccaṃ vuccati viriyaṃ, viriyena kattabbayuttakaṃ akataṃ hotīti attho. Diṭṭhiyāpi appaṭividdhaṃ hotīti diṭṭhiyā paṭivijjhitabbaṃ appaṭividdhaṃ pītipāmojjaṃ na labhati. Hānagāmīyeva hotīti arihānimeva ^3- gacchati. Pamāṇikāti puggalesu pamāṇaggāhakā. Paminantīti pametuṃ tuletuṃ ārabhanti. Eko hīnoti eko guṇehi hīno. Eko paṇītoti eko guṇehi paṇīto. Tañhīti taṃ pamāṇakaraṇaṃ. Abhikkantataroti sundarataro. Paṇītataroti uttamataro. Dhammasoto nibbahatīti sūraṃ hutvā pavattamānaṃ vipassanāñāṇaṃ nibbahati, ariyabhūmiṃ sampāpeti. Tadanantaraṃ ko jāneyyāti taṃ antaraṃ taṃ kāraṇaṃ aññatra tathāgatena ko jāneyyāti attho. @Footnote: ¹ Sī. ambakā ambakapaññāti, cha.Ma. ammakā ammakasaññāti ² Sī. itthipaññāya @³ cha.Ma. parihānimeva Kodhamānoti kodho ca māno ca. Lobhadhammāti lobhoyeva. Vacīsaṅkhārāti ^1- allāpasallāpavasena vacanāneva. Yo vā panassa mādisoti yo vā pana aññopi mayā sadiso sammāsambuddhoyeva assa, so puggalesu pamāṇaṃ gaṇheyyāti attho. Khaññatīti guṇakhaṇanaṃ pāpuṇāti. Ime kho ānanda cha puggalāti dve soratā, dve adhigatakodhamānalobhadhammā, dve adhigatakodhamānavacī- saṅkhārāti ime cha puggalā. Gatinti ñāṇagatiṃ. Ekaṅgahīnāti ekena ^2- guṇaṅgena hīnā. Pūraṇo sīlena visesī ahosi, isidatto paññāya. Pūraṇassa sīlaṃ isidattassa paññāṭṭhāne ṭhitaṃ, isidattassa paññā pūraṇassa sīlaṭṭhāne ṭhitāti.

The Pali Atthakatha in Roman Book 16 page 124-126. http://84000.org/tipitaka/atthapali/read_rm.php?B=16&A=2804 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=2804 อ่านอรรถกถาแปลไทย :- http://84000.org/tipitaka/attha/attha.php?b=22&i=315 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=8199 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=8170 The Pali Tipitaka in Roman Character :- http://84000.org/tipitaka/read/roman_read.php?B=22&A=8170 Contents of The Tipitaka Volume 22 http://84000.org/tipitaka/read/?index_22