AtthaPali Vol.16

2. Migasalasuttavannana [44] Dutiye katham katham namati kena kena nama karanena. Anneyyoti ajanitabbo. Yatra hi namati yasmim nama dhamme. Samasamagatikati ^4- samabhaveneva samagatika. Bhavissantiti jata. Sakadagami satto ^5- tusitam kayam upapannoti sakadagami puggalo hutva tusitabhavaneyeva nibbatto. Katham katham namati kena kena nu kho karanena, kim nu kho janitva desito, udahu ajanitvati. @Footnote: ¹ cha.Ma. uppannabhojanani ² cha.Ma. nupalippati lokenati ³ cha.Ma. vinnassanti @⁴ tika. samasamagatiyati ⁵ cha.Ma. sakadagamipatto Thero karanam ajananto evam kho panetam bhagini bhagavata byakatanti aha. Ambaka ambakasannati ^1- itthi hutva itthisannayaeva ^2- samannagata. Ke ca purisapuggalaparopariyananeti ettha purisapuggalaparopariyananam vuccati purisapuggalanam tikkhamuduvasena indriyaparopariyananam. Tasma ka ca bala migasala, ke ca purisapuggalanam indriyaparopariyanane appatihatavisaya sammasambuddha, ubhayametam dure suvidureti ayamettha sankhePo. Idani migasalaya attano durabhavam dassento chayime anandati- adimaha. Sorato hotiti papato sutthu orato virato hoti. Suratotipi patho. Abhinandanti sabrahmacari ekattavasenati tena saddhim ekato vasena sabrahmacari abhinandanti tussanti. Ekantavasenatipi patho. Satatavasenati attho. Savanenapi akatam hotiti sotabbayuttakam assutam hoti. Bahusaccenapi akatam hotiti ettha bahusaccam vuccati viriyam, viriyena kattabbayuttakam akatam hotiti attho. Ditthiyapi appatividdham hotiti ditthiya pativijjhitabbam appatividdham pitipamojjam na labhati. Hanagamiyeva hotiti arihanimeva ^3- gacchati. Pamanikati puggalesu pamanaggahaka. Paminantiti pametum tuletum arabhanti. Eko hinoti eko gunehi hino. Eko panitoti eko gunehi panito. Tanhiti tam pamanakaranam. Abhikkantataroti sundarataro. Panitataroti uttamataro. Dhammasoto nibbahatiti suram hutva pavattamanam vipassanananam nibbahati, ariyabhumim sampapeti. Tadanantaram ko janeyyati tam antaram tam karanam annatra tathagatena ko janeyyati attho. @Footnote: ¹ Si. ambaka ambakapannati, cha.Ma. ammaka ammakasannati ² Si. itthipannaya @³ cha.Ma. parihanimeva Kodhamanoti kodho ca mano ca. Lobhadhammati lobhoyeva. Vacisankharati ^1- allapasallapavasena vacananeva. Yo va panassa madisoti yo va pana annopi maya sadiso sammasambuddhoyeva assa, so puggalesu pamanam ganheyyati attho. Khannatiti gunakhananam papunati. Ime kho ananda cha puggalati dve sorata, dve adhigatakodhamanalobhadhamma, dve adhigatakodhamanavaci- sankharati ime cha puggala. Gatinti nanagatim. Ekangahinati ekena ^2- gunangena hina. Purano silena visesi ahosi, isidatto pannaya. Puranassa silam isidattassa pannatthane thitam, isidattassa panna puranassa silatthane thitati.

The Pali Atthakatha in Roman Book 16 page 124-126. http://84000.org/tipitaka/atthapali/read_rm.php?B=16&A=2804&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=2804&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=315 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=8199 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=8170 The Pali Tipitaka in Roman Character :- http://84000.org/tipitaka/read/roman_read.php?B=22&A=8170 Contents of The Tipitaka Volume 22 http://84000.org/tipitaka/read/?index_22