ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 16 : PALI ROMAN An.A. (manoratha.3)

                        12. Dhammikasuttavannana
     [54] Dvadasame sabbasoti sabbesu. Sattasu avasesuti 5- sattasu parivenesu.
Paribhasatiti paribhavati bhayam upadamseti. Vihimsatiti vihetheti. Vitudatiti vijjhati.
Roseti vacayati vacaya ghatteti. Pakkamantiti disa pakkamanti. Na santhahantiti 6- na
patitthahanti. Rincantiti chaddenti vissajjenti. Pabbajeyyamati nihareyyama.
Handati. Vavassaggatthe nipato. Alanti yuttametam, yam tam pabbajeyyunti attho.
Kinte iminati kim tava imina jatibhumiyam vasena. Tiradassim sakunanti disakakam.
Muncantiti disadassanattham vissajjenti. Samantati avidure. Samantatipi patho,
samantatoti attho. Abhinivesoti pattharitva thitasakhanam niveso. Mulasantanakananti
mulanam niveso.
     Alhakathalikati tandulalhakassa bhattapacanathalika. Khuddamadhunti khuddakamakkhikahi
katam dandakamadhum. Anelakanti niddosam. Na ca sudam annamannassa
@Footnote: 1 Si. jangamanam  2 Si.,Ma. niddhunatiti  3 cha.Ma. vanbhupanibandhananiti
@4 Si.,ka. kuddarajanoti  5 cha.Ma. viharesuti  6 cha.Ma. na santhantiti
Phalani himsantiti annamannassa kotthase phalani na himsanti. Attano
kotthase mulam va tacam va pattam va chindanto nama natthi, attano attano
sakhaya hettha patitaneva paribhunjanti. Annassa kotthasato annassa
kotthasam parivattitva gatampi "na amhakam sakhaya phalan"ti natva no khadanti.
Yavadattham bhakkhitvati kanthappamanena khaditva. Sakham bhanjitvati chattappamana-
mattam chinditva chayam katva pakkami. Yatra hi namati yo hi nama.
Pakkamissatiti pakkanto. Nadasiti devataya anubhavena phalameva na ganhi.
Evam hi sa adhitthasi.
     Tenupasankamiti janapadavasihi gantva "maharaja rukkho phalam na ganhi,
amhakam nu kho doso tumhakan"ti vutte "neva mayham doso atthi, na
janapadanam, amhakam vijite adhammo nama na vattati, kena nu kho karanena
rukkho na phalito, sakkam upasankamitva pucchissami"ti cintetva yena sakko
devanamindo tenupasankami. Pavattesiti parivattesi. Ummulamakasiti uddhamulam
akasi. Api nu tvanti api nu tava. Atthitayevati atthitayaeva. Sacchaviniti
samanacchavini pakatitthane thitani. Na paccakkosatiti na patikkosati. Rosantanti
ghattentam. Bhandantanti paharantam.
     Sunettoti netta vuccanti akkhini, tesam sundarataya sunetto. Titthakaroti
sugatiogahanatitthassa karako. Vitaragoti vikkhambhanavasena vigatarago. Pasavatiti
patilabhati. Ditthisampannanti dassanasampannam, sotapannanti attho. Khantinti attano
gunakhananam. Yathamam sabrahmacarisuti yatha imam sabrahmacarisu akkosanaparibhasanam,
annam evarupam gunakhantim na vadamiti attho. Na no samasabrahmacarisuti 1- ettha
samajano 2- nama sakajano vuccati. Tasma na no sakesu samanabrahmacarisu cittani
padutthani bhavissantiti ayamettha attho.
@Footnote: 1 Si.,ka. amasabrahmacarisuti  2 Si.,ka. amajano
     Jotipalo ca govindoti namena jotipalo thanena 1- mahagovindo.
Sattapurohitoti renuadinam sattannam rajunam purohito. Abhiseka 2- atitamseti
ete cha sattharo atitamse abhiseka ahesum. Niramagandhati kodhamagandhena
niramagandha. Karune vimuttati 3- karunajjhane vimutta, 4- karunaya ca  karuna-
pubbabhage ca thita. Yeteti ete. Ayameva va patho. Na sadhurupam asideti sadhusabhavam
na ghatteyya. Ditthitthanappahayinanti dvasatthiditthigatappahayinam. Sattamoti
arahattato patthaya sattamo. Avitaragoti avigatarago. Etena anagamibhavam patikkhipati.
Pancindriya muduti panca vipassanindriyani muduni. Tassa hi tani sakadagamim
upadaya muduni nama honti. Vipassanati sankharapariggahananam. Pubbeva upahannatiti
pathamataranneva upahannati. Akkhatoti gunakhananena akkhato anupahato hutva. Sesam
sabbattha uttanamevati.
                         Dhammikavaggo pancamo.
                        Pathamapannasako nitthito.
                        ----------------
@Footnote: 1 Ma. dhanena  2 Si. ahimsete. evamuparipi, cha.Ma. ahimsaka  3 cha.Ma. karunedhimuttati
@4 cha.Ma. adhimutta



             The Pali Atthakatha in Roman Book 16 page 132-134. http://84000.org/tipitaka/atthapali/read_rm.php?B=16&A=2984&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=2984&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=22&i=325              เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=8664              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=8607              The Pali Tipitaka in Roman Character :- http://84000.org/tipitaka/read/roman_read.php?B=22&A=8607              Contents of The Tipitaka Volume 22 http://84000.org/tipitaka/read/?index_22

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]