AtthaPali Vol.16

2. Dutiyapannasaka 6. Mahavagga 1. Sonasuttavannana [55] Chatthassa pathame sonoti sukhumalasonatthero. Sitavaneti evamnamake susane. Tasmim kira patipatiya panca sankamanasalasatani mapitani, tesu thero attano sappayasankamanam gahetva samanadhammam karoti. Tassa araddhaviriyassa hutva cankamato padatalani bhijjimsu, jannuhi cankamato jannukanipi hatthatalanipi bhijjimsu, chiddani ahesum. Evam araddhaviriyo viharanto okasanimittamattakampi dassetum nasakkhi. Tassa viriyena kilamitakayassa cankamanakotiyam ^1- pasanaphalake nisinnassa yo vitakko udapadi, tam dassetum athakho ayasmatotiadi vuttam. Tattha araddhaviriyati paripunnapaggahitaviriya. Na anupadaya asavehi cittam vimuccatiti sace hi aham ugghatitannu va assam vipacitannu va neyyo va, nuna ^2- me cittam vimucceyya. Addha panasmi padaparamo, yena na me cittam vimuccatiti sannitthanam katva samvijjanti kho panatiadini cintesi. Tattha bhogati upayogatthe paccattam. Pataruhositi therassa cittavaram ^3- natva "ayam sono ajja sitavane padhanabhumiyam nisinno imam vitakkam vitakketi, gantvassa vitakkam sahottham ^4- ganhitva vinopamam kammatthanam kathessami"ti sammukhe ^5- pakato ahosi. Pannatte asaneti padhanikabhikkhu attano vasanatthane ovaditum agatassa buddhassa bhagavato nisidanattham yathalabhena asanam pannapetvava padhanam karonti, annam alabhamana puranapannanipi santharitva upari sanghatim pannapenti. Theropi asanam pannapetvava padhanam akasi. Tam sandhaya vuttam "pannatte asane"ti. @Footnote: ¹ cha.Ma. kotiyam ² Ma. tena @³ cha.Ma. cittacaram ⁴ cha.Ma. sahottham ⁵ cha.Ma. pamukhe Tam kim mannasiti sattha "imassa bhikkhuno avasesakammatthanehi attho natthi, ayam gandhabbasippe cheko cinnavasi, attano visaye kathiyamanam khippameva sallakkhessati"ti vinopamam kathetum "tam kim mannasi"tiadimaha. Vinaya tantissare kusalata nama vinaya vadanakusalata, so ca tattha kusalo. Matapitaro hissa "amhakam putto annam sippam sikkhanto kayena kilamissati, idam pana sayane nisinneneva sakka ugganhitun"ti gandhabbasippameva ugganhapesum. Tassa:- "satta sara tayo gama mucchana ekavisati thana ekunapannasa iccete saramandalan"ti- adikam gandhabbasippam sabbameva pagunam ahosi. Accayatati atiayata kharamucchana. Saravatiti sarasampanna. Kammannati kammakkhama kammayogga. Atisithilati mandamucchana. Same gune patitthitati majjhime sare thapetva mucchita. Accaraddhanti atigalham. Uddhaccaya samvattatiti uddhatabhavaya samvattati. Atilinanti atisithilam. kosajjayati kusitabhavatthaya. Viriyasamatam adhitthahiti ^1- viriyasampayuttam samatham adhitthaha, viriyam samathena yojehiti attho. Indriyananca samatam pativijjhati saddhadinam indriyanam samatam samabhavam adhitthahi. Tattha saddham pannaya, pannanca saddhaya, viriyam samadhina, samadhinca viriyena yojayata ^2- indriyanam samata adhitthita nama hoti. Sati pana sabbatthika, sa sadapi ^3- balavatiyeva vattati, tanca pana tesam yojanavidhanam visuddhimagge ^4- pakasitameva. Tattha ca nimittam ganhahiti tasmim ca samabhave sati yena adase mukhabimbeneva nimittena uppajjitabbam, tam samathanimittam vipassananimittam magganimittam phalanimittanca ganhahi nibbattehiti evamassa sattha arahatte pakkhipitva kammatthanam kathesi. @Footnote: ¹ cha.Ma. viriyasamatham adhitthahati ² Si.,Ma. yojita @³ cha.Ma. sada ⁴ visuddhi. 1/164 pathavikasinaniddesa Tattha ca nimittam aggahesiti samathanimittanca vipassananimittanca aggahesi. Chatthananiti cha karanani. Adhimutto hotiti pativijjhitva paccakkham katva thito hoti. Nekkhammadhimuttotiadi sabbam arahattavaseneva vuttam. Arahattanhi sabbakilesehi nikkhantatta nekkhammam, teheva pavivittatta paviveko, byapajjha- bhavato abyapajjham, tanhakkhayante uppannatta tanhakkhayo, upadanakkhayante uppannatta upadanakkhayo, sammohabhavato asammohoti vuccati. Kevalam saddhamattakanti pativedhavirahitam kevalam pativedhapannaya asammissakam saddhamattakam. Paticayanti punappunam karanena vaddhim. Vitaragattati maggapativedhena ragassa vigatattayeva nekkhammasankhatam arahattam pativijjhitva sacchikatva thito hoti, phalasamapattiviharena viharati, tanninnamanasoyeva ca hotiti attho. Sesapadesupi eseva nayo. Labhasakkarasilokanti catupaccayalabhanca tesamyeva sukatabhavanca vannabhanananca. Nikamayamanoti icchamano patthayamano. Pavivekadhimuttoti pavivekadhimutto ahanti evam arahattam byakarotiti attho. Silabbataparamasanti silanca vattanca paramasitva gahitaggahanamattam. Sarato paccagacchantoti sarabhavena jananto. ^1- Abyapajjhadhimuttoti abyapajjham arahattam byakaroti iminava nayena sabbatthanesu attho datthabbo. Apicettha "nekkhammadhimuttoti imasminneva arahattam kathitam, sesesu pancasu nibbanan"ti eke vadanti. Apare "asammohadhimuttoti ettheva nibbanam kathitam, sesesu arahattan"ti vadanti. Ayam panettha saro:- sabbesveva tesu arahattampi nibbanampi kathitamevati. Bhusati balavanto dibbarupasadisa. Nevassa cittam pariyadiyantiti etassa @Footnote: ¹ Ma. gacchanto Khinasavassa cittam gahetva thatum na sakkonti. Kilesa hi uppajjamana cittam ganhanti nama. Amissikatanti kilesa hi arammanena saddhim cittam missam karonti, ^1- tesam abhava amissikatam. Thitanti patitthitam. Anenjappattanti acalappattam. Vayancassanupassatiti tassa cesa ^2- cittassa uppadampi vayampi passati. Bhusa vatavutthiti balava vatakkhandho. Neva sankampeyyati ekabhagena caletum na sakkuneyya. Na sampakampeyyati thunam viya sabbabhagato kampetum na sakkuneyya. Na sampavedheyyati vedhetva pavedhetva caletum ^3- na sakkuneyya. Nekkhammamadhimuttassati arahattam pativijjhitva thitassa khinasavassa. Sesapadesupi arahattameva kathitam. Upadanakkhayassa cati upayogatthe samivacanam. Asammohanca cetasoti cittassa ca asammoham adhimuttassa. Disva ayatanuppadanti ayatananam uppadanca vayanca disva. Samma cittam vimuccatiti samma hetuna nayena imaya vipassanapatipattiya phalasamapattivasena cittam vimuccati, nibbanarammane adhimuccati. Athava imina khinasavassa patipada kathita. Tassa hi ayatanuppadam disva imaya vipassanaya adhigatassa ariyamaggassanubhavena sabbakilesehi samma cittam vimuccati. Evam tassa sammavimuttassa .pe. Na vijjati. Tattha santacittassati nibbutacittassa. Sesamettha uttanatthamevati.

The Pali Atthakatha in Roman Book 16 page 135-138. http://84000.org/tipitaka/atthapali/read_rm.php?B=16&A=3038&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=3038&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=326 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=8830 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=8810 The Pali Tipitaka in Roman Character :- http://84000.org/tipitaka/read/roman_read.php?B=22&A=8810 Contents of The Tipitaka Volume 22 http://84000.org/tipitaka/read/?index_22