ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 16 : PALI ROMAN An.A. (manoratha.3)

                        9. Nibbedhikasuttavannana
     [63] Navame anibbiddhapubbe appadalitapubbe lobhakkhandhadayo nibbijjhati
padaletiti nibbedhikapariyayo, nibbijjhanakarananti attho. Nidanasambhavoti kame
nideti uppadanasamatthataya niyyadetiti nidanam. Sambhavati tatoti sambhavo, nidanameva
sambhavo nidanasambhavo. Vemattatati nanakaranam.
     Kamagunati kamayitabbatthena kama, bandhanatthena guna "antagunan"tiadisu
viya. Cakkhuvinneyyati cakkhuvinnanena passitabba. Itthati pariyittha va hontu
ma va, ittharammanabhutati attho. Kantati kamaniya. Manapati manavaddhanaka.
Piyarupati piyajatika. Kamupasamhitati arammanam katva uppajjamanena kamena
upasanhita. Rajaniyati raguppattikaranabhuta. Nete kamati na ete kamanatthena
kama nama honti. Sankapparagoti sankappavasena uppannarago. Kamoti ayam
kamappahanaya patipannehi pahatabbo. Kamanatthena kama nama. Citraniti
citravicitrarammanani.
@Footnote: 1 cha.Ma. sukhasannicita  2 cha.Ma. abhido addharattanti
     Phassoti sahajataphasso. Kamayamanoti kamam kamayamano. Tajjam tajjanti
tajjatikam tajjatikam. Punnabhagiyanti dibbe kame patthetva sucaritaparipuriya
devaloke nibbattassa attabhavo punnabhagiyo nama, duccaritaparipuriya apaye
nibbattassa attabhavo apunnabhagiyo nama. Ayam vuccati bhikkhave kamanam
vipakoti ayam duvidhopi kamapatthanam nissaya uppannatta kamanam vipakoti
vuccati. So imam nibbedhikanti so bhikkhu imam chattimsaya thanesu 1- nibbijjhanakam
setthacariyam janati. Kamanirodhanti kamanam nirodhena evam laddhanamam. Imasminhi
thane brahmacariyasankhato maggova kamanirodhoti vutto.
     Samisati kilesamisasampayutta. Imina nayena sabbatthanesu 2- attho veditabbo.
Apicettha voharavepakkanti voharavipakam. Kathasankhato hi voharo sannaya
vipako nama. Yatha yatha nanti ettha namiti nipatamattameva. Iti yasma yatha
yatha sanjanati, tatha tatha evamsanni ahosinti katheti, tasma voharavepakkati
attho.
     Avijjati atthasu thanesu annanabhuta bahala avijja. 3- Nirayam gamentiti
nirayagamaniya, niraye nibbattipaccayati attho. Sesesupi eseva nayo. Cetanahanti
cetanam aham. Idha sabbasangahika vidahanacetana 4- gahita. Cetayitvati dvarappavatta-
cetana. Manasati cetanasampayuttena cittena. Nirayavedaniyanti niraye vipakadayakam.
Sesesupi eseva nayo. Adhimattanti balavadukkham. Dandhaviragiti garukam na khippam
sanikam vigacchanakadukkham. Urattalim kandatiti uram taletva rodati. Pariyetthinti
pariyesanam. Ekapadam dvipadanti ekapadamantam va dvipadamantam  va, ko mantam janatiti
attho. Sammohavepakkanti sammohavipakam. Dukkhassa hi sammoho nissandavipako nama.
@Footnote: 1 Ma. chattimsayatanesu  2 Si. sabbavaresu
@3 Si. balavaavijja  4 cha.Ma. samvidahanacetana
Dutiyapadepi eseva nayo. Pariyesanapi hi tassa nissandavipakoti. Imasmim sutte
vattavivattam kathitam.



             The Pali Atthakatha in Roman Book 16 page 148-150. http://84000.org/tipitaka/atthapali/read_rm.php?B=16&A=3347&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=3347&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=22&i=334              เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=9611              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=9676              The Pali Tipitaka in Roman Character :- http://84000.org/tipitaka/read/roman_read.php?B=22&A=9676              Contents of The Tipitaka Volume 22 http://84000.org/tipitaka/read/?index_22

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com