บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Aniccanupassisuttavannana [16] Chatthe aniccati evam pannaya pharanto anupassatiti aniccanupasSi. Aniccati evam sanna assati aniccasanni. Aniccati evam nanena patisamvidita assati aniccapatisamvedi. Satatanti sabbakalam. Samitanti yatha purimacittena pacchimacittam samitam samupagatam ghattitam hoti, evam. Abbokinnanti nirantaram annena cetasa asammissam. Cetasa adhimuccamanoti cittena sannitthapayamano. Pannaya pariyogahamanoti vipassanananena anupavisamano. Apubbam acarimanti apure apaccha ekakkhaneyeva. Idha samasisi kathito. So catubbidho hoti rogasamasisi vedanasamasisi iriyapathasamasisi jivitasamasisiti. Tattha yassa annatarena rogena phutthassa sato rogavupasamo ca asavakkhayo ca ekappahareneva hoti, ayam rogasamasisi nama, yassa pana annataram vedanam vedayato vedanavupasamo ca asavakkhayo ca ekappahareneva hoti, ayam vedanasamasisi nama. Yassa pana thanadisu iriyapathesu annatarasamangino vipassantassa iriyapathassa pariyosananca asavakkhayo ca ekappahareneva hoti, ayam iriyapathasamasisi nama. Yassa pana upakkamato va sarasato 2- va jivitapariyadananca asavakkhayo @Footnote: 1 Si. cangavare, cha.Ma. cankavare 2 Ma. pariyadanato Ca ekappahareneva hoti, ayam jivitasamasisi nama. Ayamidha adhippeto. Tattha kincapi asavapariyadanam maggacittena, jivitapariyadanam cuticittena hotiti ubhinnam ekakkhane sambhavo nama natthi. Yasma panassa asavesu khinamattesu paccavekkhana- varanantarameva jivitapariyadanam gacchati, antaram na pannayati, tasma evam vuttam. Antaraparinibbayiti yo pancasu suddhavasesu yattha katthaci uppanno nibbattakkhane va thokam atikkamitva va vemajjhe thatva va arahattam papunati, tassetam namam. Upahaccaparinibbayiti yo tattheva ayuvemajjham atikkamitva arahattam papunati. Asankharaparinibbayiti yo tesamyeva puggalanam asankharena 1- appayogena kilese khepeti. Sasankharaparinibbayiti yo sasankharena sampayogena kilese khepeti. Uddhamsoto akanitthagamiti yo hettha catusu suddhavasesu yattha katthaci nibbattitva tato cuto anupubbena akanitthe uppajjitva arahattam papunati.The Pali Atthakatha in Roman Book 16 page 163-164. http://84000.org/tipitaka/atthapali/read_rm.php?B=16&A=3639&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=3639&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=16 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=246 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=253 The Pali Tipitaka in Roman Character :- http://84000.org/tipitaka/read/roman_read.php?B=22&A=253 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]