AtthaPali Vol.16

2. Vassakarasuttavannana [22] Dutiye abhiyatukamoti abhibhavanatthaya yatukamo. Vajjiti vajjirajano. Evammahiddhiketi evam mahatiya rajiddhiya samannagate. Etena nesam samaggabhavam katheti. Evammahanubhaveti evam mahantena rajanubhavena samannagate. Etena nesam hatthisippadisu katasikkhatam katheti, yam sandhaya vuttam "sikkhita vatime licchavikumara susikkhita vatime licchavikumara, yatra hi nama sukhumena talacchiggalena asanam atipatayissanti ponakhanuponkham aviradhitan"ti. ^1- Ucchejjissamiti ^2- ucchindissami. @Footnote: ¹ sam.maha. 19/115/394 valasutta ² cha.Ma. ucchecchamiti Vinasessamiti adassanam nayissami. Anayabyasananti avuddhinceva natibyasananca. Apadessamiti papayissami. Iti kira so thananisajjadisu imam yuddhakathameva katheti, "gamanasajja hotha"ti ca balakayam anapeti. Kasma? gangaya tire ekam pattanagamam nissaya addhayojanam ajatasattuno vijitam, addhayojanam licchavinam. Tatra pabbatapadato mahagghagandhabhandam otarati. Tam sutva "ajja yami, sve yami"ti ajatasattuno samvidahantasseva licchavino samagga sammodamana puretaram agantva sabbam ganhanti. Ajatasattu paccha agantva tam pavuttim natva kujjhitva gacchati. Te puna samvaccharepi tatheva karonti. Athakho so balavaghatajato, tada evamakasi. Tato cintesi "ganena saddhim yuddham nama bhariyam, ekopi moghappaharo nama natthi. Ekena kho pana panditena saddhim mantetva karonto niraparadho hoti, pandito ca satthara sadiso natthi, sattha ca avidure dhuravihare vasati, handaham pesetva pucchami. Sace me gatena koci attho bhavissati, sattha tunhi bhavissati. Anatthe pana sati `kim ranno tattha gatena'ti vakkhati"ti. So vassakaram brahmanam pesesi. Brahmano gantva bhagavato tamattham arocesi. Tena vuttam athakho raja .pe. Apadessami vajjiti. Bhagavantam vijamanoti thero vattasise thatva bhagavantam vijati, bhagavato pana sitam va unaham va natthi. Bhagava brahmanassa vacanam sutva tena saddhim amantetva therena saddhim mantetukamo kinti te ananda sutantiadimaha. Tam vuttatthameva. @Footnote: ¹ cha.Ma. kira ² Ma.,ka. atthayojanam ³ cha.Ma. mahagghabhandam @⁴ Ma. kenaci ⁵ cha.Ma. bijayamanoti Ekamidahanti idam bhagava pubbe vajjinam imassa vajjisattakassa desitabhavappakasanattham aha. Akaraniyati akattabba, aggahetabbati attho. Yadidanti nipatamattam. Yuddhassati karanatthe samivacanam, abhimukham yuddhena gahetum na sakkati attho. Annatra upalapanayati thapetva upalapanam. Upalapana nama "alam vivadena, idani samagga homa"ti hatthiassarathahirannasuvannadini pesetva sangahakaranam, evanhi sangaham katva kevalam vissasena sakka ganhitunti attho. Annatra mithubhedati thapetva mithubhedam. Imina "annamannam bhedam katvapi sakka ete gahetun"ti dasseti. Idam brahmano bhagavato imaya kathaya nayam labhitva aha. Kim pana bhagava brahmanassa imaya kathaya nayalabham na ^1- janatiti? ama janati. Jananto kasma kathesi? anukampaya. Evam kirassa ahosi "maya akathitepi katipahena gantva sabbe ganhissati, kathite pana samagge bhindanto tihi samvaccharehi ganhissati. Ettakampi jivitameva varam. Ettakanhi jivanta attano patitthabhutam punnam karissantiti. Abhinanditvati cittena nanditva. Anumoditvati "yava subhasitamidam bhota gotamena"ti vacaya anumoditva. Pakkamiti ranno santikam gato. Rajapi tameva pesetva sabbe bhinditva gantva anayabyasanam papesi.

The Pali Atthakatha in Roman Book 16 page 170-172. http://84000.org/tipitaka/atthapali/read_rm.php?B=16&A=3803&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=3803&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=20 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=291 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=291 The Pali Tipitaka in Roman Character :- http://84000.org/tipitaka/read/roman_read.php?B=22&A=291 Contents of The Tipitaka Volume 22 http://84000.org/tipitaka/read/?index_22