AtthaPali Vol.16

9. Danamahapphalasuttavannana [52] Navame sapekkhoti satanho. Patibaddhacittoti vipake baddhacitto. Sannidhipekkhoti nidhanapekkho hutva. Peccati paralokam gantva. Tam kammam khepetvati tam kammavipakam khepetva. Iddhinti vipakiddhim. Yasanti parivarasampadam. Adhipateyyanti ^1- jetthabhavakaranam. Aganta itthattanti itthabhavam ime pancakkhandhe puna aganta, na tatrupapattiko na uparupapattiko, hetthagamiyeva hotiti attho. Sahu dananti danannametam sadhu bhaddakam sundaram. Tani mahayannaniti tani sappinavanitadadhimadhuphanitadihi nitthanagatani ^2- mahadanani. Cittalankaram cittaparikkharanti samathavipassanacittassa alankarabhutanceva parivarabhutanca. Brahmakayikanam devanam sahabyatanti na sakka tattha danena uppajjitum. Yasma pana tam samathavipassanacittassa alankarabhutam, tasma tena danalankatena cittena jhananceva ariyamagganca nibbattetva jhanena tattha uppajjati. Anagami hotiti jhananagami nama hoti. Anaganta itthattanti puna itthabhavam na aganta, uparupapattiko va tatrupapattiko va hutva tattheva parinibbayati. Iti imesu danesu pathamam tanhuttariyadanam, dutiyam cittikaradanam, tatiyam hirottappadanam, catuttham niravasesadanam, pancamam dakkhineyyadanam, chattham somanassupavicaradanam, sattamam alankaraparivaradanam namati.

The Pali Atthakatha in Roman Book 16 page 186. http://84000.org/tipitaka/atthapali/read_rm.php?B=16&A=4141&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4141&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=49 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1306 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1334 The Pali Tipitaka in Roman Character :- http://84000.org/tipitaka/read/roman_read.php?B=22&A=1334 Contents of The Tipitaka Volume 22 http://84000.org/tipitaka/read/?index_22