ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 16 : PALI ROMAN An.A. (manoratha.3)

                        7. Bhavanasuttavannana
     [71] Sattame ananuyuttassati na yuttappayuttassa hutva viharato. Seyyathapi
bhikkhave kukkutiya andaniti ima kanhapakkhasukkapakkhavasena dve upama vutta.
Tasu kanhapakkhaupama atthassa asadhika, itara sadhikati sukkapakkhaupamayaeva
attho veditabbo. Seyyathapiti opammatthe nipato. Apiti sambhavanatthe.
Ubhayenapi seyyathapi nama bhikkhaveti dasseti. Kukkutiya andani attha va
dasa va dvadasa vati ettha pana kincapi kukkutiya vuttappakarato
unadhikanipi andani honti, vacanasilitthataya panetam vuttam. Evanhi loke
silitthavacanam hoti. Tanassuti tani assu, bhaveyyunti attho. Kukkutiya samma
adhisayitaniti taya janettiya kukkutiya pakkhe pasaretva tesam upari sayantiya
samma adhisayitani. Samma pariseditaniti kalena kalam utum ganhapentiya
sutthu samantato seditani, usmikataniti vuttam hoti. Samma paribhavitaniti kalena
kalam sutthu samantato paribhavitani, kukkutagandham ganhapitaniti attho.
     Kincapi tassa kukkutiyati tassa kukkutiya imam tividhakiriyakaranena
appamadam katva kincapi na evam iccha uppajjeyya. Athakho bhabbava teti
athakho te kukkutapotaka vuttanayena sotthina abhinibbhijjitum bhabbava. Te hi
yasma taya kukkutiya evam tihakarehi tani andani paripaliyamanani na
putini honti. Yopi nesam allasineho, so pariyadanam gacchati, kapalam tanukam
Hoti, padanakhasikha ca mukhatundakanca kharam hoti, kukkutapotaka sayampi parinamam
gacchanti. Kapalassa tanutta bahiddha aloko anto pannayati, tasma "ciram
vata mayam sankutitahatthapada sambadhe sayimha, ayanca bahi aloko dissati,
ettha dani no sukhaviharo bhavissati"ti nikkhamitukama hutva kapalam padena
paharanti, givam pasarenti, tato tam kapalam dvedha bhijjati. Atha te pakkhe
vidhunanta tamkhananurupam viravanta nikkhamantiyeva. Nikkhamanta ca gamakkhettam
upasobhayamana vicaranti.
     Evameva khoti idam opammasampatipadanam. Tam evam atthena samsanditva
veditabbam:- tassa kukkutiya andesu adhisayanaditividhakiriyakaranam viya hi
imassa bhikkhuno bhavanam anuyuttakalo, kukkutiya tividhakiriyasampadanena andanam
aputibhavo viya bhavanam anuyuttassa bhikkhuno tividhanupassanasampadanena vipassana-
nanassa aparihani, tassa kukkutiya tividhakiriyakaranena andanam allasineha-
pariyadanam viya tassa bhikkhuno  tividhanupassanasampadanena bhavattayanugatanikanti-
sinehapariyadanam, andakapalanam tanubhavo viya bhikkhuno avijjandakosassa
tanubhavo, kukkutapotakanam nakhatundakanam thaddhabhavo viya bhikkhuno vipassana-
nanassa tikkhakharavippasannasurabhavo, kukkutapotakanam parinamakalo viya bhikkhuno
vipassanananassa parimanakalo vaddhikalo gabbhagahanakalo, kukkutapotakanam
padanakhasikhaya va mukhatundakena va andakosam padaletva pakkhe papphotetva
sotthina abhinibbhidakalo viya tassa bhikkhuno vipassanananagabbham ganhapetva
vicarantassa tajjatikam utusappayam va bhojanasappayam va puggalasappayam
dhammassavanasappayam va labhitva ekasane nisinnasseva vipassanam vaddhentassa
anupubbadhigatena arahattamaggena avijjandakosam padaletva abhinnapakkhe
papphotetva sotthina arahattappattakalo veditabbo.
     Yatha pana kukkutapotakanam parinatabhavam natva matapi andakosam bhindati,
evam tatharupassa bhikkhuno nanaparipakam natva satthapi:-
            "ucchinda sinehamattano   kumudam saradikamva    panina
             santimaggameva  bruhaya   nibbanam  sugatena desitan"ti- 1-
adina nayena obhasam pharitva gathaya avijjandakosam paharati. So gatha-
pariyosane avijjandakosam bhinditva arahattam papunati. Tato patthaya yatha te
kukkutapotaka gamakkhettam upasobhayamana tattha vicaranti, evam ayampi mahakhinasavo
nibbanarammanam phalasamapattim appetva samgharamam upasobhayamano vicarati.
     Phalagandassati vaddhakissa. Eso 2- hi olambakasankhatabalam dharetva 3- darunam
gandam haratiti phalagandoti vuccati. Vasijateti vasidandakassa gahanatthane. Ettakam
va me ajja asavanam khinanti pabbajitassa hi pabbajjasankhepena uddesena
paripucchaya yonisomanasikarena vattapatipattiya 4- niccakalam asava khiyanti. Evam
khiyamananam pana nesam "ettakam ajja khinam ettakam hiyyo"ti evamassa nanam
na hotiti attho. Imaya upamaya vipassananisamso dipito.
     Hemantikenati hemantasamayena. Patippassambhantiti 5- thirabhavena parihayanti.
Evameva khoti ettha mahasamuddo viya sasanam datthabbam, nava viya yogavacaro,
navaya mahasamudde pariyayanam viya imassa bhikkhuno unapancavassakale
acariyupajjhayanam santike vicaranam, navaya mahasamuddaudakena khajjamananam
bandhananam tanubhavo viya bhikkhuno pabbajjasankhepena uddesaparipucchadihiyeva
samyojananam tanubhavo, navaya thale ukkhittakalo viya bhikkhuno nissayamuttakassa
kammatthanam gahetva aranne vasanakalo, diva vatatapena samsussanam viya
@Footnote: 1 khu.dha. 25/285/66 sariputtattherassa saddhiviharikavatthu  2 cha.Ma. so
@3 cha.Ma. caretva  4 cha.Ma. vattapatipattiya ca  5 Ma. parihayantiti
Vipassanananena tanhasinehassa samsussanam, rattim himodakena temanam viya
kammatthanam nissaya uppannena pitipamojjena cittatemanam, rattindivam vatatapehi
ceva himodakena ca paripakkaparitintanam 1- bandhananam dubbalabhavo viya vipassana-
nanapitipamojjehi samyojananam bhiyyoso mattaya dubbalabhavo, pavussakamegho viya
arahattamaggananam, meghavutthiudakena navaya antoputibhavo viya araddhavipassakassa
rupasattakadivasena vipassanam vaddhentassa okkhayamane pakkhayamane kammatthane
ekadivasam utusappayadini laddha ekapallankena nisinnassa arahattaphaladhigamo,
putibandhanaya navaya kinci kalam thanam 2- viya khinasamyojanassa arahato mahajanam
anugganhantassa yavatayukam thanam, putibandhanaya navaya anupubbena bhijjitva
apannattikabhavupagamo viya khinasavassa upadinnakakkhandhabhedena anupadisesaya
nibbanadhatuya parinibbutassa apannattikabhavupagamoti imaya upamaya samyojananam
dubbalata dipita.



             The Pali Atthakatha in Roman Book 16 page 205-208. http://84000.org/tipitaka/atthapali/read_rm.php?B=16&A=4586&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4586&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=22&i=68              เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1915              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1972              The Pali Tipitaka in Roman Character :- http://84000.org/tipitaka/read/roman_read.php?B=22&A=1972              Contents of The Tipitaka Volume 22 http://84000.org/tipitaka/read/?index_22

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]