AtthaPali Vol.16

3. Gahapativagga 1. Pathamauggasuttavannana [21] Tatiyassa pathame pannatte asane nisiditi tassa kira ghare pancannam bhikkhusatanam panca asanasatani niccam pannattaneva honti. Tesu annatarasmim asane nisidi. Te ^1- sunahiti te sunahi, tam va atthavidham acchariyam abbhutadhammam ^2- sunahi. Cittam pasiditi "buddho nu kho na buddho nu kho"ti vitakkamattampi na uppajji, ayameva buddhoti cittuppado pasanno anavilo ahosi. Sakani va natikulaniti attano yapanamattam dhanam gahetva natigharani gacchatu. Kassa vo dammiti katarapurisassa tumhe dadami, arocetha me attano adhippayam. Appativibhattati "ettakam dassami ettakam na dassami, idam dassami idam na dassami"ti cittam uppadentena hi pativibhatta nama hoti, mayham pana na evam. Athakho samghika viya ganasantaka viya ca silavantehi saddhim sadharanayeva. Sakkaccamyeva payirupasamiti sahattha upatthahami, cittikarena upasankamami. @Footnote: ¹ cha.Ma. tam ² cha.Ma. acchariyadhamma Anacchariyam kho pana mam bhanteti bhante yam mam devata upasankamitva evam arocenti, idam na acchariyam. Yam panaham tatonidanam cittassa unnatim nabhijanami, etam ^1- acchariyanti vadati. Sadhu sadhu bhikkhuti ettha kincapi bhikkhum amanteti, upasakasseva pana veyyakaranasampahamsane esa sadhukaroti veditabbo.

The Pali Atthakatha in Roman Book 16 page 245-246. http://84000.org/tipitaka/atthapali/read_rm.php?B=16&A=5496&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=5496&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=94 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=2741 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=2833 The Pali Tipitaka in Roman Character :- http://84000.org/tipitaka/read/roman_read.php?B=22&A=2833 Contents of The Tipitaka Volume 22 http://84000.org/tipitaka/read/?index_22