AtthaPali Vol.16

9-10. Kathavatthusuttadvayavannana [69-70] Navame tiracchanakathanti aniyyanikatta saggamokkhamagganam tiracchana- bhutam katham. Tattha rajanam arabbha "mahasammato mandhata dhammasoko evammahanubhavo"ti- adina nayena pavattakatha rajakatha. Esa nayo corakathadisu. Tesu "asuko raja abhirupo dassaniyo"tiadina nayena gehassitakatha tiracchanakatha hoti, "sopi nama evammahanubhavo khayam gato"ti evam pavatta pana kammatthanabhave titthati. Coresupi "muladevo evammahanubhavo, maghadevo evammahanubhavo"ti tesam kammam paticca "aho sura"ti gehassitakathati tiracchanakatha. Yuddhesupi bharatayuddhadisu "asukena Asuko evam marito evam viddho"ti kammassadavaseneva katha tiracchanakatha, "tepi nama khayam gata"ti evam pavatta pana sabbattha kammatthanameva hoti. Apica annadisu "evam vannasampannam rasasampannam ^1- khadimha bhunjimha pivimha paribhunjimha"ti kamarasassadavasena kathetum na vattati, satthakam pana katva "pubbe evam vannadisampannam annam panam vattham yanam malam gandham silavantanam adamha, cetiyapujam akamha"ti ^2- kathetum vattati. Natikathadisupi "amhakam nataka sura samattha"ti va "pubbe mayam evam vicitrehi yanehi vicarimha"ti va assadavasena vattum na vattati, satthakam pana katva "tepi no nataka khayam gata"ti va "pubbe mayam evarupa upahana samghassa adamha"ti va kathetabbam. Gamakathapi ^3- sunivitthadunnivitthasubhikkhadubbhikkhadi- vasena va "asukagamavasino sura samattha"ti va evam assadavasena na vattati, satthakam pana katva "saddha pasanna"ti va "khayavayam gata"ti va vattum vattati. Nigamanagarajanapadakathasupi eseva nayo. Itthikathapi vannasanthanadini paticca assadavasena na vattati, "saddha pasanna khayam gata"ti evameva vattati. Surakathapi "nandamitto ^4- nama yodho suro ahosi"ti assadavaseneva na vattati, "saddho ahosi khayam gato"ti evameva vattati. Surakathanti paliyam pana anekavidham majjakatham assadavasena kathetum na vattati, adinavavaseneva vattum vattati. Visikhakathapi "asukavisikha sunivittha dunnivittha"ti ^5- assada- vaseneva na vattati, "saddha pasanna khayam gata"ti vattati. Kumbhatthanakatha nama kutatthanakatha udakatitthakatha vuccati. Kumbhadasikatha va. Sapi "pasadika naccitum gayitum cheka"tiassadavaseneva na vattati, "saddha pasanna"tiadina nayeneva vattati. @Footnote: ¹ cha.Ma. vannavantam rasavantam phassasampannam ² cha.Ma. cetiyam pujimhati @³ Ma. gamakathadisu ⁴ cha.Ma. nandimitto ⁵ cha.Ma. dunnivittha sura samatthati Pubbapetakatha nama atitanatikatha. Tattha vattamananatikathasadisova vinicchayo. Nanattakatha nama purimapacchimakathavimutta avasesa nanasabhava tiracchanakatha. Lokakkhayika nama "ayam loko kena nimmito, asukena nama nimmito, kako seto atthinam setatta, balaka ratta lohitassa rattatta"ti evamadika lokayatavitandasallapakatha. Samuddakkhayika nama kasma samuddo sagaroti, sagaradevena khatatta sagaro, khato meti hatthamuddaya niveditatta samuddoti evamadika niratthaka samuddakkhayanakatha. Bhavoti vuddhi, abhavoti hani. Iti bhavo iti abhavoti yam va tam va niratthakakaranam vatva pavattita katha itibhavabhavakatha nama. Tejasa tejanti attano tejasa tesam tejam. Pariyadiyeyyathati khepetva tittheyyatha. ^1- Tatridam vatthum:- eko pindapatiko mahatheram pucchi "bhante tejasa tejam pariyadiyamana bhikkhu kim karonti"ti. Thero aha:- avuso kincideva atape thapetva yatha chaya hettha na otarati, uddhamyeva gacchati tatha karontiti.

The Pali Atthakatha in Roman Book 16 page 353-355. http://84000.org/tipitaka/atthapali/read_rm.php?B=16&A=7956&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=7956&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=67 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1902 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1962 The Pali Tipitaka in Roman Character :- http://84000.org/tipitaka/read/roman_read.php?B=22&A=1962 Contents of The Tipitaka Volume 22 http://84000.org/tipitaka/read/?index_22