ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 17 : PALI ROMAN Khuddaka.A. (paramatthajo.)

                        7. Tirokuddasuttavannana
                           nikkhepappayojanam
         idani "tirokuddesu titthanti"tiadina ratanasuttanantaram nikkhittassa
tirokuddassa 1- atthavannanakkamo anuppatto, tassa idha nikkhepappayojanam vatva
atthavannanam karissama.
         Tattha idam hi tirokuddam iminanukkamena bhagavata avuttampi yayam
ito pubbe nanappakarena kusalakammapatipatti dassita, tattha pamadam apajjamano
nirayatiracchanayonihi kilitthatarepi 2- thane uppajjamano yasma evarupesu petesu
uppajjati, tasma  na ettha pamado karaniyoti dassanattham, yehi ca bhutehi
upaddutaya vesaliya upaddavavupasamanattham ratanasuttam vuttam, tesu ekaccani
evarupaniti dassanattham va vuttanti. Idamassa idha nikkhepappayojanam veditabbam.
                           Anumodanakatha
         yasma panassa atthavannana:-
             yena yattha yada yasma       tirokuddam  pakasitam
             pakasayittha 3- tam sabbam       kariyamana yathakkamam
             sukata hoti tasmaham         karissami tatheva tanti. 4-
         Kena panetam pakasitam, kattha kada kasma cati. Vuccate:- bhagavata
pakasitam, tanca 5- pana rajagahe dutiyadanadivase 6- ranno magadhassa anumodanattham.
Imassa ca atthassa vibhavanattham ayamettha vittharakatha veditabba:-
         ito dvanavutikappe kasi nama nagaram ahosi, tattha jayaseno
nama raja, tassa sirima nama devi, tassa kucchiyam pusso nama bodhisatto
nibbattitva anupubbena sammasambodhim abhisambujjhi. Jayaseno raja "mama
putto abhinikkhamitva buddho jato, mayhameva buddho, mayham dhammo, mayham samgho"ti
mammattam 7- uppadetva sabbakalam sayameva upatthahati, annesam okasam na deti.
@Footnote: 1 cha.Ma., i. tirokuddasuttassa  2 cha.Ma. visitathatarepi  3 cha.Ma., i. pakasetvana
@4 cha.Ma., i. tam  5 cha.Ma., i. tam kho  6 cha.Ma., i. dutiyadivase  7 cha.Ma., i. mamattam
         Bhagavato kanitthabhataro vematika tayo bhataro cintesum "buddha nama
sabbalokahitatthaya uppajjanti, na cekasseva atthaya, amhakanca pita annesam
okasam na deti, kathannu mayam labheyyama bhagavantam upatthatun"ti. Tesam etadahosi
"handa mayam kinci upayam karoma"ti. Te paccantam kuppitam viya karapesum. Tato
raja "paccanto kuppito"ti sutva tayopi putte paccantam vupasamanattham pesesi.
Te paccantam vupasametva agata, raja tuttho varam adasi "yam icchatha, tam
ganhatha"ti. Te "mayam bhagavantam upatthatum icchama"ti ahamsu. Raja "etam
thapetva annam ganhatha"ti aha. Te "mayam annena anatthika"ti ahamsu.
"tenahi paricchedam katva ganhatha"ti. Te satta vassani yacimsu, raja nadasi.
Evam cha panca cattari tini dve ekam samvaccharam, satta masani cha panca
cattari yava temasam yacimsu. Raja "ganhatha"ti adasi.
         Te varam labhitva paramatuttha bhagavantam upasankamitva vanditva ahamsu
"icchama mayam bhante bhagavantam temasam upatthatum, adhivasetu no bhante bhagava
imam temasam vassavasan"ti. Adhivasesi bhagava tunhibhavena. Tato te attano
janapadesu niyuttakapurisassa lekham pesesum "imam temasam amhehi bhagava
upatthatabbo, viharam adim katva sabbam bhagavato upatthanasambharam sampadehi"ti. 1-
So tam sabbam sampadetva lekham patipesesi. 2- Te kasayavatthanivattha hutva
addhateyyehi purisasahassehi veyyavaccakarehi bhagavantam sakkaccam upatthahamana
janapadam netva viharam niyyadetva vassam vasapesum.
         Tesam bhandagariko eko gahapatiputto sapajapatiko saddho ahosi
pasanno, so buddhappamukhassa  samghassa danavattam sakkaccam adasi. Janapade
niyuttakapuriso tam gahetva janapadehi ekadasamattehi purisasahassehi saddhim
sakkaccameva danam pavattapesi. Tattha keci janapada patihatacitta ahesum, te
danassa antarayam katva deyyadhamme attanapi khadimsu, puttanampi adamsu 3-
@Footnote: 1 cha.Ma., i. karohiti  2 cha.Ma., i. sampadetva lekham patinivedesi.
@3 cha.Ma., i. puttanampi adamsuti na dissati.
Bhattasalanca aggina dahimsu. Pavarite rajaputta bhagavato mahantam sakkaram katva
bhagavantam purakkhitva 1- pituno sakasameva agamamsu. Tattha gantvava bhagava parinibbayi.
Raja ca rajaputta ca janapade niyuttakapuriso ca bhandagariko ca anupubbena
kalam katva saddhim parisaya sagge uppajjimsu, patihatacitta jana nirayesu
uppajjimsu. 2- Evam tesam dvinnam gananam saggato saggam nirayato nirayam
upapajjantanam dvanavuti kappa vitivatta.
         Atha imasmim bhaddakappe kassapabuddhakale te patihatacitta jana
petesu uppanna. Tada manussa attano natakanam petanam atthaya danam
datva uddisanti "idam amhakam natinam hotu"ti. Te sampattim labhanti. Atha
imepi peta tam disva bhagavantam kassapam upasankamitva pucchimsu "kinnukho bhante
mayampi evarupam sampattim labheyyama"ti. Bhagava aha "idani na labhatha, apica
kho 3- anagate gotamo nama buddho bhavissati, tassa bhagavato kale bimbisaro
nama raja bhavissati, so tumhakam ito dvanavutikappe nati ahosi, so
buddhassa danam datva tumhakam uddisissati, tada labhissatha"ti. Evam vutte kira
tesam petanam tam vacanam "sve labhissatha"ti vuttam viya ahosi.
         Atha ekasmim buddhantare vitivatte amhakam bhagava loke uppajji.
Tepi tayo rajaputta tehi addhateyyehi purisasahassehi saddhim devalokato
cavitva magadharatthe brahamnakulesu uppajjitva anupubbena isipabbajjam
pabbajitva gayasise tayo jatila ahesum, janapade niyuttakapuriso raja ahosi
bimbisaro, bhandagariko gahapatiputto visakho nama mahasetthi ahosi, tassa
pajapati dhammadinna nama setthidhita ahosi. Evam sabbapi avasesa parisa
bimbisararanno eva parivara hutva nibbatta. 4-
         Amhakampi bhagava loke uppajjitva sattasattaham atikkamitva
anupubbena baranasim agamma dhammacakkam pavattetva pancavaggiye adim katva
@Footnote: 1 cha.Ma., i. purakkhatva  2 cha.Ma., i. nibbattimsu
@3 cha.Ma., i. kho saddo na dissati  4 i. nibbatti.
Yava addhateyyasahassaparivare tayo jatile vinetva rajagaham agamasi. Tattha ca
tadahupasankamantamyeva rajanam bimbisaram sotapattiphale patitthapesi ekadasanahutehi 1-
magadhakehi brahmanagahapatikehi saddhim. Atha ranna svatanaya bhattena nimantito
bhagava adhivasetva dutiyadivase sakkena devanamindena purato purato gacchantena:-
                  "danto dantehi saha puranajatilehi
                   vippamutto vippamuttehi.
                   Singinikkhasuvanno 2-
                   rajagaham pavisi bhagava"ti 3-
         evamadihi gathahi abhitthaviyamano rajagaham pavisitva ranno
nivesane mahadanam sampaticchi. Te peta "idani raja amhakam danam uddisissati,
idani amhakam 4- danam 4- uddisissati"ti asaya samparivaretva 5-
atthamsu.
         Raja danam datva "kattha nukho bhagava vihareyya"ti bhagavato
viharatthanameva cintesi, na tam danam kassaci uddisi. Peta chinnasa hutva
rattim ranno nivesane ativiya bhimsanakam vissaramakamsu. Raja bhayasamvegasantasamapajjitva
6- tato pabhataya rattiya bhagavato arocesi "evarupam saddamassosim, kinnukho me
bhante bhavissati"ti. Bhagava aha "ma bhayi maharaja, na te kinci papakam
bhavissati, apica kho te purananataka petesu uppanna sanati, te ekam
buddhantaram tameva paccasimsamana 7- vicaranti `buddhassa danam datva amhakam
uddisissati'ti, na tesam tvam hiyyo 8- uddisi, te chinnasa tatharupam
vissaramakamsu"ti.
         So aha "idani pana me bhante dinne labheyyun"ti. Ama
maharajati. Tenahi me bhante adhivasetu bhagava ajjatanaya danam, tesam
uddisissamiti. Bhagava adhivasesi. Raja nivesanam gantva mahadanam patiyadetva
bhagavato kalamarocapesi. Bhagava rajantepuram gantva pannatte asane nisidi
saddhim bhikkhusamghena. Te 9- peta "api nama ajja labheyyama"ti gantva
@Footnote: 1 cha.Ma. ekadasanavutehi  2 cha.Ma. singinikkhasavanno
@3 vinaYu. maha. 4/58/49 bimbisarasamagamakatha  4-4 cha.Ma., i. ime patha na dissanti
@5 cha.Ma., i. parivaretva  6 cha.Ma....samapajji  7 cha.Ma. paccasisamana  8 Si. hiyo
@9 cha.Ma. tepi kho, i. tepi
Tirokuddadisu atthamsu. Bhagava tatha akasi, yatha te sabbeva ranno pakata
ahesum. Raja dakkhinodakam dento "idam me natinam hotu"ti uddisi, tamkhananneva
tesam petanam padumasanchanna pokkharaniyo nibbattimsu. Te tattha nahatva ca
pivitva ca patippassaddhadarathakilamathapipasa suvannavanna ahesum. Atha raja
yagukhajjakabhojanadini 1- datva uddisi, tesam tamkhananneva dibbayagukhajjakabhojanani
nibbattimsu. Te tani paribhunjitva pinindriya ahesum. Atha raja vatthasenasanadini
2- datva uddisi, tesam dibbavatthadibbayanadibbapasadapaccattharanaseyyadi-
alankaravidhayo nibbattimsu. Sapi tesam sampatti yatha sabbava pakata ahosi, 3-
tatha bhagava adhitthasi. Raja ativiya attamano ahosi. Tato bhagava bhuttavi
pavarito ranno magadhassa anumodanattham "tirokuddesu titthanti"ti ima gatha
abhasi.
         Ettavata ca "yena yattha yada yasma, tirokuddam pakasitam,
pakasayitva tam sabban"ti ayam matika sankhepato vittharato ca vibhatta hoti.
                          Pathamagathavannana
         [1] Idani imassa tirokuddassa yathakkamam atthavannanam karissama.
Seyyathidam? pathamagathaya tava tirokuddati kuddanam parabhaga vuccanti. Titthantiti
Nisajjadipatikkhepato thanakappanavacanametam. Tena yatha pakaraparabhaganca
pabbataparabhaganca gacchantam "tiropakaram tiropabbatam asajjamano gacchati"ti vadanti,
evamidhapi kuddaparabhagesu titthante "tirokuddesu titthanti"ti aha.
Sandhisinghatakesu cati tattha 4- sandhiyoti catukkonaracchayo 5- vuccanti
gharasandhibhittisandhialokasandhiyo capi. Singhatakati tikonaraccha vuccanti,
tadekajjham katva purimena saddhim samsandhento "sandhisinghatakesu ca"ti aha.
Dvarabahasu titthantita nagaradvaragharadvaranam baha nissaya titthanti. Agantvana
sakam gharanti ettha sakam gharam nama pubbanatigharampi attano 6- samikabhavena
ajjhavutthapubbagharampi,
@Footnote: 1 cha.Ma., i. bhojanani  2 cha.Ma., i. atha vatthasenasanani  3 cha.Ma., i. hoti
@4 cha.Ma., i. ettha  5 cha.Ma. catukkonaraccha  6 cha.Ma. attana
Tadubhayampi yasma te sakagharasannaya agacchanti, tasma "agantvana sakam
gharan"ti aha.
                          Dutiyagathavannana
         [2] Evam bhagava pubbe anajjhavutthapubbampi pubbanatigharam
bimbisaranivesanam sakam gharasannaya agantva tirokuddasandhisinghatakadvarabahasu
thite issamacchariyaphalam anubhavante, appekacce dighamassukesandhakaravadane
sithilabandhanavilambamanakisapharusakalakangapaccange tattha tattha 1- thapitavanadahadaddhatala-
rukkhasadise, appekacce pipasaraninimmathanena 2- udarato utthaya mukhato
viniccharantaya aggijalaya paridayhamanasarire, appekacce
sucichiddanumattakanthabilataya pabbatakarakucchitaya ca laddhapi 3- panabhojanam yavadattham
bhunjitumasamatthataya khuppipasarasato 4- annam rasamavindamane, appekacce annamannassa
annesam va sattanam pabhinnagandapilakamukha paggharitarudirapubbalasikadim laddha amatamiva
sayamane ativiya duddasikavirupabhayanakasarire bahu pete ranno nidassento:-
                   "tirokuddesu titthanti    sandhisinghatakesu ca
                    dvarabahasu titthanti   agantvana sakam gharan"ti
vatva puna tehi katassa kammassa darunabhavam dassento "pahute annapanamhi"ti
dutiyam gathamaha.
         Tattha pahuteti anappake bahumhi, yavadatthiketi vuttam hoti.
Bakarassa hi pakaro labbhati "pahu santo na bharati"tiadisu 5- viya. Keci pana
"bahute"iti ca "bahuke"iti ca pathanti. Pamadapatha ete. Anne ca panamhi
ca annapanamhi. Khajje ca bhojje ca khajjabhojje, etena asitapitakhayitasayita-
vasena catubbidham aharam dasseti. Upatthiteti upagamma thite, sajjite
patiyatte samohiteti vuttam hoti. Na tesam koci sarati, sattananti tesam
pittivisaye 6- uppannanam sattanam koci mata va putto va pita va na
@Footnote: 1 cha.Ma., i. thitavana...  2 cha.Ma., i. jighacchapipasaraninimmathanena  3 cha.Ma. laddhampi
@4 cha.Ma., i. khuppipasaparete
@5 khu.su. 25/98/355 parabhavasutta. 6 cha.Ma. pettivisaye
Sarati. Kimkarana?  kammapaccaya,  attana katassa adanadanapatisedhanadibhedassa
kadariyakammassa paccaya. Tanhi tesam kammam natinam saritum na deti.
                          Tatiyagathavannana
         [3] Evam bhagava anappakepi annapanadimhi paccupatthite "api nama
amhe uddissa kinci dadeyyun"ti 1- natinam 2- paccasimsantanam vicaratam tesam
petasattanam tehi katassa atikatukadukkhavipakassa kammassa paccayena kassaci natino
anussaranamattabhavam dassento:-
                "pahute annapanamhi      khajjabhojje  upatthite
                 na tesam koci sarati      sattanam  kammapaccaya"ti
vatva puna ranno pittivisayupapanne natake uddissa dinnam danam pasamsanto
"evam dadanti natinan"ti tatiyagathamaha.
         Tattha evanti upamavacanam, tassa dvidha sambandho:- tesam sattanam
kammapaccaya asarantepi kisminci dadanti natinam, ye evam anukampaka hontiti
ca, yatha taya maharaja dinnam, evam sucim panitam kalena kappiyam panabhojanam
dadanti natinam, ye honti anukampakati ca. Tattha 3- dadantiti denti
uddisanti niyyadenti. Natinanti matito ca pitito ca sambandhanam. Yeti
yekeci putta va dhitaro va bhataro va. Hontiti bhavanti. Anukampakati
atthakama hitesino. Sucinti vimalam dassaneyyam manoramam dhammikam dhammaladdham.
Panitanti uttamam settham. Kalenati natipetanam tirokuddadisu agantva
thitakalena. Kappiyanti anucchavikam 4- patirupam ariyanam paribhogaraham. Panabhojananti
pananca bhojananca panabhojanam. Idha panabhojanamukhena sabbopi deyyadhammo
adhippeto.
                       Catutthagathapubbaddhavannana
         [4] Evam bhagava ranna magadhena petabhutanam natinam anukampaya
dinnam panabhojanam pasamsanto:-
@Footnote: 1 Si. dajjati, i. dajjanti  2 cha.Ma., i. nati
@3 cha.Ma., i. ayam saddo na dissati  4 i. anucchaviyam
          "evam dadanti natinam      ye honti anukampaka
           sucim panitam kalena       kappiyam panabhojanan"ti.
Vatva puna yena pakarena dinnam tesam dinnam hoti, tam dassento "idam vo
natinam hotu"ti catutthagathaya pubbaddham 1- aha. Tam tatiyagathaya pubbaddhena
sambandhitabbam:-
          "evam dadanti natinam,     ye honti anukampaka.
           Idam vo natinam hotu,    sukhita hontu natayo"ti.
Tena "idam vo natinam hotuti evam dadanti, no annatha"ti ettha akaratthena
evam saddena databbakaranidassanam katam hoti.
         Tattha idanti deyyadhammanidassanam. Voti "kacci pana vo anuruddha
samagga sammodamana"ti ca, "yehi vo ariya"ti evamadisu 2- viya kevalam
vipatamattam, na samivacanam. Natinam hotuti pittivisaye 3- uppannanam natakanam
hotu. Sukhita hontu natayoti te pattivisayupapanna natayo idam paccanubhavanta
sukhita hontuti.
                 Catutthagathaparaddhapancamagathapubbaddhavannana
        #[4-5] evam bhagava yena pakarena pittivisayupapannanam natinam
databbam, tam dassento  "idam vo natinam hotu, sukhita hontu natayo"ti
vatva puna yasma "idam vo natinam hotu"ti  vuttepi na annena katam kammam
annassa phaladam hoti, kevalantu tatha uddissa diyyamanam 4- tam vatthum natinam
kusalakammassa paccayo hoti. Tasma yatha tesam tasmimyeva vatthusmim tamkhanam 5-
phalanibbattakam kusalakammam hoti, tam dassento "te ca tattha"ti catutthagathaya
pacchimaddham "pahute annapanamhi"ti pancamagathaya pubbaddhanca aha.
         Tesam attho:- te natipeta yattha tam danam diyyati, 6- tattha
samantato agantva samagantva, samodhaya va ekajjham hutvati vuttam hoti,
@Footnote: 1 cha.Ma., i. pubbaddham, evamuparipi  2 Ma.mu. 12/326/290 culagosingasutta,-
@ vinaYu. maha. 5/466/248 pacinavamsadayagamanakatha 3 cha.Ma. pettivisaye, evamuparipi
@4 i., Si., Ma. uddissamanam  5 cha.Ma., i. tamkhane, evamuparipi  6 cha.Ma. diyati
Samma 1- agata samagata "idam 2- no natayo amhakam atthaya danam
uddisissanti"ti etadattham samagata 3- hutvati vuttam hoti. Pahute annapanamhita
tasmim attano 4- uddissa diyyamane pahute 4- annapanamhi. Sakkaccam anumodareti
abhisaddahanta kammaphalam avijahanta cittikaram avikkhittacitta hutva "idam no
danam hitaya sukhaya hotu"ti modanti anumodanti, pitisomanassajata hontiti.
                  Pancamagathaparaddhachatthagathapubbaddhavannana
         [5-6] Evam bhagava yatha pittivisayupapannanam tamkhanam phalanibbattakam
kusalakammam hoti, tam dassento:-
          "te ca tattha samagantva         natipeta samagata
           pahute annapanamhi             sakkaccam anumodare"ti
vatva puna natake nissaya nibbattam kusalakammaphalam paccanubhontanam tesam nati
arabbha thomanakaram dassento "ciram jivantu"ti pancamagathaya pacchimaddham 5-
"amhakanca kata puja"ti chatthagathaya pubbaddhanca 5- aha.
         Tesam attho:- ciram jivantuti ciram jivino dighayuka hontu. No
natiti amhakam nataka. Yesam hetuti ye nissaya yesam karana. Labhamhaseti 6-
labhama. Attana tamkhanam patiladdhasampattim apadisanta  bhananti petananhi attano
anumodanena, dayakanam uddesena, dakkhineyyasampadaya cati tihi angehi dakkhina
samijjhati, tamkhanam phalanibbattika hoti. Tattha dayaka visesahetu. Tenahamsu
"yesam hetu labhamhase"ti. Amhakanca kata pujati "idam no natinam hotu"ti
evam imam danam uddisantehi amhakanca kata puja. Dayaka ca anipphalati
yamhi santane pariccagamayam kammam katam, tassa tattheva phaladanato dayaka ca
anipphalati.
@Footnote: 1 Si., i. samam  2 cha.Ma., i. ime no...  3 cha.Ma. samma agata
@4 cha.Ma., i. attano uddissamane pahute  5-5 cha.Ma. pacchimaddham, pubbaddhanca
@6 cha.Ma. labhama seti evamuparipi
         Etthaha:- "kimpana pittivisayupapanna eva natayo labhanti, udahu
annepi labhanti"ti? vuccate:- bhagavata evetam byakatam janussonina nama 1-
brahmanena putthena, kimettha amhehi vattabbam atthi. Vuttanhetam:-
         "mayamassu bho gotama brahmana nama danani dema, saddhani
    karoma `idam  danam petanam natisalohitanam upakappatu, idam danam peta
    natisalohita paribhunjantu'ti, kacci tam bho gotama danam petanam
    natisalohitanam upakappati? kacci te peta natisalohita tam danam
    paribhunjanti"ti. Thane kho brahmana upakappati, no atthaneti.
         Katamampana tam bho gotama thanam, katamam atthananti? idha brahmana
    Ekacco panatipati hoti .pe. Micchaditthiko hoti, so kayassa
    bheda parammarana nirayam upapajjati. Yo nerayikanam sattanam aharo,
    tena so tattha yapeti, tena so tattha titthati. Idam kho brahmana
    atthanam, yattha thitassa tam danam na upakappati.
         Idha pana brahmana ekacco panatipati hoti .pe. Micchaditthiko
    hoti, so kayassa bheda parammarana tiracchanayonim upajjati. Yo
    tiracchanayonikanam sattanam aharo, tena so tattha yapeti, tena so
    tattha titthati. Idampi kho brahmana atthanam, yattha thitassa tam danam
    na upakappati.
         Idha pana brahmana ekacco panatipata pativirato hoti .pe.
    Sammaditthiko hoti, so kayassa bheda parammarana manussanam sahabyatam
    upapajjati .pe. Devanam sahabyatam upapajjati. Yo devanam aharo,
    tena so tattha yapeti, tena so tattha titthati. Idampi kho brahmana
    atthanam, yattha thitassa tam danam na upakappati.
         Idha pana brahmana ekacco panatipati hoti. .pe.
    Micchaditthiko hoti, so kayassa bheda parammarana pettivisayam upapajjati.
@Footnote: 1 cha.Ma., i. ayam saddo  na dissati
    Yo pettivisayikanam sattanam aharo, tena so tattha yapeti, tena so
    tattha titthati. Yam va panassa ito anuppavecchanti mittamacca va
    natisalohita va, tena so tattha yapeti, tena so tattha titthati.
    Idampi kho brahmana thanam, yattha thitassa tam danam upakappatiti.
         Sace pana bho gotama so peto natisalohito tam thanam anupapanno
    hoti, ko tam danam paribhunjatiti? annepissa brahmana peta
    natisalohita tam thanam upapanna honti, te tam danam paribhunjantiti.
         Sace pana bho gotama so ceva peto natisalohito tam thanam
    anupapanno hoti, annepissa peta natisalohita tam thanam
    anupapanna honti, ko tam danam paribhunjatiti? atthanam kho etam
    brahmana anavakaso, yantam thanam vivittam assa imina dighena addhuna
    yadidam petehi natisalohitehi. Apica brahmana dayakopi anipphalo"ti. 1-
                    Chatthagathaparaddhasattamagathavannana
   #[6-7] evam bhagava ranno magadhassa pittivisayupapannanam pubbanatinam
    danasampattim nissaya rajanam thomento 2- "ete te maharaja nati imaya
    danasampadaya attamana evam thomenti"ti dassento:-
                "ciranjivantu no nati        yesam hetu labhamhase
                 amhakanca kata puja       dayaka ca anipphala"ti
vatva puna tesam pittivisayupapannanam annassa kasigorakkhadino sampattipatilabha-
karanassa abhavam ito dinnena yapanabhavanca dassento "na hi tattha kasi
atthi"ti chatthagathaya pacchimaddhanca 3- "vanijja tadisi"ti imam sattamagathanca aha.
         Tatrayam atthavannana:- na hi maharaja tattha pittivisaye kasi
atthi, yam nissaya te peta sampattim patilabheyyum. Gorakkhettha na vijjatiti na
kevalam kasi 4- eva, gorakkhapi ettha pittivisaye na vijjati, yam nissaya te
@Footnote: 1 an. dasaka. 24/177/221-23 janussonisutta  2 cha.Ma., i. sampattim nissaya
@thomento  3 cha.Ma. pacchimaddham  4 Si. kasi
Sampattim patilabheyyum. Vanijja tadisi natthiti vanijjapi tadisi natthi, ya tesam
sampattipatilabhahetu bhaveyya. Hirannena kayakayanti 1- hirannena kayavikkayampi tattha
tadisam natthi, yam tesam sampattipatilabhahetu bhaveyya. Ito dinnena yapenti,
peta kalagata tahinti kevalantu 2- ito natihi va mittamaccehi va dinnena
yapenti, attabhavam gamenti. Petati pittivisayupapanna satta. Kalagatati 3-
attano  maranakalena gata, 4- "kalakata"ti va patho, katakala katamaranati
attho. Tahinti tasmim pittivisaye.
                       Atthamanavamagathadvayavannana
         [8-9] Evam "ito dinnena yapenti, peta kalagata tahin"ti
vatva idani upamahi tamattham pakasento "unnamevudakam 5- vutthan"ti idam
gathadvayamaha.
         Tassattho:- yatha unnate thale ussade 6- bhumibhage meghehi
abhivuttham udakam ninnam pavattati, yo yo bhumibhago ninno onato, 7- tam tam
pavattati gacchati papunati, evameva ito dinnam danam petanam upakappati
nibbattati, patubhavatiti attho. Ninnamiva hi udakappavattiya thanam petaloko
danupakappanaya. Yathaha "idampi kho brahmana thanam, yattha thitassa tam danam
upakappati"ti. 8- Yatha ca  kandarapadarasakhapasakhakusubbhamahakusubbhasannipatehi 9-
varivaha mahanajjo pura hutva sagaram paripurenti, evampi ito dinnam danam
pubbe vuttanayeneva petanam upakappatiti.
                          Dasamagathavannana
         [10] Evam bhagava "ito dinnena yapenti, peta kalagata
tahin"ti imam attham upamahi pakasetva puna yasma te peta "ito kinci
@Footnote: 1 Si., i. kyakkayanti, Ma. kayokayanti 2 cha.Ma., i. kevalam pana
@3 Ma. kalankatati  4 Ma., i. kata  5 cha.Ma., i. unname udakam  6 Si. ussade
@7 cha.Ma. onato evamuparipi  8 an. dasaka. 24/177/223 janussonisutta
@9 cha.Ma. kandarapadarasakhapasakhakusobbhamahasobbhasannipatehi,
@i. kandarapadarasakhapasakhakusobbhamahasobbhasannipatehi
Lacchama"ti asabhibhuta natigharam agantvapi "idam nama no detha"ti yacitum
asamattha, tasma tesam imani anussaranavatthuni anussaranto kulaputto dakkhinam
dajjati dassento "adasi me"ti imam gathamaha.
         Tassattho:- "idam nama me dhanam va dhannam va adasi"ti ca,
"idannama me kiccam attana yogamapajjanto 1- akasi"ti  ca, "asuko 2- me
matito va pitito va sambandhatta nati"ti ca, sinehavasena tanasamatthataya
"mitta"ti  ca, "asuko me saha pamsukiliko sakha"ti ca evam sabbamanussaranto
petanam dakkhinam dajja, danam niyyadeyyati. Aparo patho "petanam dakkhina
dajja"ti. Tassattho:- daditabbati. 3- Dajja, ka sa? petanam dakkhina, tena
"adasi me"tiadina nayena pubbe katamanussaram anussaratati vuttam hoti.
Karanavacanappasangatthe 4- paccattavacanam veditabbam.
                        Ekadasamagathavannana
         [11] Evam bhagava petanam dakkhinaniyyadane 5- karanabhutani
anussaranavatthuni dassento
                   "adasi me akasi me      natimitta sakha ca me
                    petanam dakkhinam dajja      pubbe katamanussaran"ti
vatva puna ye natimaranena runnasokadipara eva hutva titthanti, na tesam
atthaya kinci denti, tesam tam runnasokadi kevalam attaparitapanameva hoti, na
petanam kinci attham nipphadetiti dassento "na hi runnam va"ti imam gathamaha.
         Tattha runnanti rodana roditattam assupatanam, etena kayaparissamam
dasseti. Sokoti socana socitattam, etena cittaparissamam dasseti. Ya vannati
ya va 6- runnasokehi anna. Paridevanati natibyasanena phutthassa lalapana,
"kaham ekaputtaka piyamanapati evamadina nayena gunasamvannana, etena
vaciparissamam dasseti.
@Footnote: 1 cha.Ma. uyyogamapajjanto  2 cha.Ma. amu  3 cha.Ma. databbati
@4 cha.Ma., i. karanavacanappasange  5 cha.Ma. dakkhinaniyyatane  6 cha.Ma. ca
                         Dvadasamagathavannana
         [12] Evam bhagava "runnam va soko va ya vanna paridevana,
sabbampi tam petanamatthaya na hoti, kevalantu attanam paritapenta, 1- evam
titthanti natayo"ti runnadinam niratthakabhavam dassetva puna ya magadharajena
dakkhina dinna, tassa satthikabhavam 2- dassento "ayanca kho dakkhina"ti
imam gathamaha.
         Tassattho:- ayanca kho maharaja dakkhina taya ajja attano
natiganam uddissa dinna, sa yasma samgho anuttaram punnakkhettam lokassa,
tasma samghamhi suppatitthita assa petajanassa digharattam hitaya sukhaya upakappati
sampajjati phalatiti vuttam hoti. Upakappatiti ca thanaso upakappati, tamkhananneva
upakappati, na cireneva. Yatha hi tamkhananneva patibhantam "thanaso etam tathagatam
patibhati"ti vuccati, evamidhapi tamkhananneva upakappanta "thanaso upakappati"ti
vutta. Yam thanam 3- "idam kho brahmana thanam, yattha thitassa tam danam upakappati"ti 4-
vuttam, tattha khuppipasikavantasaparadattupajivinijjhamatanhikadibhedabhinne
thane upakappatiti vuttam, yatha kahapanam dento "kahapanam 5- so deti"ti 5-
loke vuccatiti. 6- Imasminca atthavikappe upakappatiti patubhavati, nibbattatiti
vuttam hoti.
                         Terasamagathavannana
         [13] Evam bhagava ranna dinnaya dakkhinaya satthakabhavam dassento:-
            "ayanca kho dakkhina dinna   samghamhi suppatitthita
             digharattam hitayassa         thanaso upakappati"ti
vatva puna yasma idam dakkhinam dentena ranna natinam natihi kattabba-
kiccakaranavasena natidhammo nidassito, bahujjanassa pakato 8- kato. 8- Nidassanam
@Footnote: 1 cha.Ma. paritapanamattameva, i. paritapanamatteva  2 cha.Ma. satthakabhavam
@3 Si., i. yam va pana tam, cha.Ma. yam va tam  4 an. dasaka. 24/177/223
@5-5 cha.Ma. kahapanaso detiti  7 cha.Ma. vccati  8-8 cha.Ma. pakatikato
Va kato, tumhehipi natinam evameva natihi kattabbakiccakaranavasena natidhammo
paripuretabbo, na niratthakehi runnadihi atta paritapetabboti ca pete
dibbasampattim adhigamentena petanam puja ca kata ulara, buddhappamukhanca
bhikkhusamgham annapanadihi santappentena bhikkhunam balamanuppadinnam, anukampadiguna-
parivaranca cagacetanam nibbattenatena anappakam punnam pasutam, tasma bhagava imehi
yathabhuccagunehi rajanam sampahamsento:-
                   "so natidhammo ca ayam nidassito
                    petanapuja ca kata ulaRa.
                    Balanca bhikkhunamanuppadinnam
                    tumhehi punnam pasutam anappakan"ti
imaya gathaya desanam pariyosapeti.
         Athava "so natidhammo ca ayam nidassito"ti imina gathapadena
bhagava rajanam dhammiya kathaya sandasseti. Natidhammanidassanameva hi ettha
sandassanam. Petanapuja ca kata ularati imina samadapesi. Ularati
pasamsanameva hi ettha punappunam pujakaranena samadapanam. Balanca bhikkhunamanuppadinnanti
imina samuttejeti. Bhikkhunam balanuppadanameva hi ettha evam danam,
balanuppadanatati tassa ussahavaddhanena samuttejanam. Tumhehi punnam pasutam
anappakanti imina sampahamseti. Punnapasavanakittanameva 1- hi ettha tassa
yathabhuccagunasamvannanabhavena sampahamsanajanato sampahamsananti veditabbam.
         Desanapariyosane ca pittivisayupapattiadinavasamvannanena samvigganam
yoniso padahatam caturasitiya panasahassanam dhammabhisamayo ahosi. Dutiyadivasepi
bhagava devamanussanam idameva tirokuddam desesi. Evam yava sattamadivasa tadiso
eva dhammabhisamayo ahositi.
                   Paramatthajotikaya  khuddakapathatthakathaya
                     tirokuddasuttavannana  nitthita.
@Footnote: 1 cha.Ma. punnappasutakittanameva



             The Pali Atthakatha in Roman Book 17 page 177-191. http://84000.org/tipitaka/atthapali/read_rm.php?B=17&A=4684&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=17&A=4684&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=8              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=155              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=171              The Pali Tipitaka in Roman Character :- http://84000.org/tipitaka/read/roman_read.php?B=25&A=171              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com