AtthaPali Vol.2

{494} Rajavaggassa pathamasikkhapade. Orakoti parittako. Uparipasadavaragatoti pasadavarassa upari gato. Ayyanam vahasati ayyanam karana. Tehi jatapitatta janamiti vuttam hoti. {497} Pitaram patthetiti antaram passitva ghatetum icchati. Rajantepuram hatthisammaddantiadisu hatthihi sammaddo etthati hatthisammaddam. Hatthisambadhanti attho. Assarathasammaddapadesupi eseva nayo. Sammatanti keci pathanti. Tam na gahetabbam. Ranno antepure hatthisammaddantipi patho. Tattha hatthinam sammaddam hatthisammaddanti attho. Ranno antepure hatthisammaddo atthiti vuttam hoti ^1-. @Footnote: ^1. amhakam matiya dve atthavikappa vannetabba. sammaddanti etthati @sammaddam. hatthinam sammaddam hatthisammaddam. hatthiakinnanti attho. kintam. @ranno antepuram. athava hatthihi hatthinam karana sutthu majjanti etthati @hatthisammadam. agatagate hatthino disva paribbhamanta viya attanam sanjanantiti @attho. Esa nayo sesapadesupi. Rajaniyaniti tasmim antepure idisani rupadini. {498} Muddhabhisittassati muddhani abhisittassa. Anikkhantarajaketi anikkhanto raja itoti anikkhantarajakam. Tasmim anikkhantarajake sayanighareti attho. Ratanam vuccati mahesi. Nibhatanti nikkhantam. Anibhatam ratanam itoti anibhataratanakam. Tasmim anibhataratanake ^1- sayanighareti attho. Sesamettha uttanameva. Kathinasamutthanam kayavacato kayavacacittato ca samutthati kiriyakiriyam nosannavimokkham acittakam pannattivajjam kayakammam vacikammam ticittam tivedananti. Antepurasikkhapadam pathamam.

The Pali Atthakatha in Roman Book 2 page 480-481. http://84000.org/tipitaka/atthapali/read_rm.php?B=2&A=10132&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10132&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1