ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

                 Sattarasakandavannana
         parajikanantarassa    ayam dani bhavissati
         sanghadisesakandassa    anuttanatthavannana.
     {678} Uddositanti bhandamalo. Mayyo evam avacati ayyo
ma evam avaca. Apinvayyati apinu ayya. Accavadathati
atikkamitva vadatha akkosathati vuttam hoti. {679} Usuyavadikati
manusuyavasena kodhusuyavasena vivadamana. Yasma pana sa atthato
attakarika hoti tasma usuyavadika nama attakarika vuccatiti
padabhajane vuttam. Ettha ca attoti voharikavinicchayo vuccati
yam pabbajita adhikaranantipi vadanti. Dutiyam va pariyesatiti sakkhim
va sahayam va pariyesati dukkatam. Gacchati vati upassayo va
hotu bhikkhacaramaggo va yattha thitaya attam karissamiti cittam
uppajjati tato voharikanam santikam gacchantiya padavare padavare
dukkatam. Ekassa arocetiti dvisu janesu yassa kassaci ekassa
katham yo koci voharikanam aroceti. Dutiyassa arocetiti
Etthapi eseva nayo. Ayam panettha asammohatthaya vittharakatha.
Yattha katthaci antamaso bhikkhuniupassayam agatepi voharike
disva bhikkhuni attano katham aroceti bhikkhuniya dukkatam.
Upasako attano katham aroceti bhikkhuniya thullaccayam. Pathamam
upasako attano katham aroceti bhikkhuniya dukkatam. Atha sa
attano katham aroceti thullaccayam. Bhikkhuni upasakam vadati mama
ca tava ca katham tvamyeva arocehiti. So attano va katham
pathamam arocetu bhikkhuniya va pathamarocane dukkatam dutiyarocane
thullaccayam. Upasako bhikkhunim vadati mama ca tava ca katham tvamyeva
arocehiti etthapi eseva nayo. Bhikkhuni kappiyakarakena
kathapeti. Tattha kappiyakarako va bhikkhuniya katham pathamam arocetu
itaro va attano katham kappiyakarako va ubhinnampi katham itaro
va ubhinnampi katham arocetu yatha va tatha va arociyamane
pathame arocane bhikkhuniya dukkatam dutiye thullaccayam.
Yatha va tatha va arocitam pana ubhinnampi katham sutva
voharikehi vinicchaye kate attapariyosanam nama hoti tasmim
attapariyosane bhikkhuniya jayepi parajayepi sanghadiseso. Sace pana
gatigatam adhikaranam hoti sutapubbam voharikehi atha te bhikkhuninca
attakarakanca disvava tumhakam kathanakiccam natthi janama mayam
etamatthanti sayameva vinicchinitva denti. Evarupe attapariyosanepi
bhikkhuniya anapatti. Pathamam apatti etassati pathamapattiko.
Vitikkamakkhaneyeva apajjitabboti attho. Tam pathamapattikam.
Padabhajane pana adhippayamattam dassetum saha vatthujjhacara
apajjati asamanukasanayati vuttam. Ayanhettha attho. Saha
vatthujjhacara bhikkhuni apajjati na tatiyaya samanubhasanaya ayam
pathamameva saha vatthujjhacarena apajjitabbatta pathamapattikoti.
Bhikkhunisanghato nissaretiti nissaraniyo. Tam nissaraniyam.
Padabhajane pana adhippayamattam dassetum sanghamha nissariyatiti
vuttam. Tattha yam apanna bhikkhuni sanghato nissariyati so
nissaraniyoti evamattho datthabbo. Na hi soeva dhammo
sanghamha kenaci nissariyati tena pana dhammena bhikkhuni nissariyati
tasma so nissaretiti nissaraniyo. Akaddhiyamana gacchatiti
attakarakamanussehi sayam va agantva dutam va pesetva ehiti
vuccamana voharikanam santikam gacchati. Tato attakarako attano
va katham pathamam arocetu bhikkhuniya va neva pathamarocane
dukkatam na dutiyarocane thullaccayam. Amaccehi vinicchinitva kate
attapariyosanepi anapattiyeva. Sacepi attakarako bhikkhunim
vadati mama ca tava ca katham tvameva kathehiti. Kathentiyapi katham
sutva kate attapariyosanepi anapattiyeva. Arakkham yacatiti
dhammikarakkham yacati anapatti. Idani yatha yacitarakkha dhammika
hoti tam dassetum anuddissa acikkhatiti aha. Tattha atitam
arabbha atthi uddissa acikkhana atthi anuddissa acikkhana
Anagatam arabbhapi atthi uddissa acikkhana atthi anuddissa
acikkhana. Katham atitam arabbha uddissa acikkhana hoti. Bhikkhuniupassaye
gamadaraka dhuttadayo va yekeci anacaram va acaranti
rukkham va chindanti phalaphalam va haranti parikkhare va acchindanti.
Bhikkhuni voharike upasankamitva amhakam upassaye idam nama katanti
vadati. Kenati vutte asukena ca asukena cati acikkhati. Evam
atitam arabbha uddissa acikkhana hoti. Sa na vattati. Tance
sutva te voharika tesam dandam karonti sabbam bhikkhuniya giva
hoti. Dandam ganhissantiti adhippayepi sati givayeva hoti. Sace
pana tassa dandam ganhathati vadati pancamasakamatte gahite
parajikam hoti. Kenati vutte pana asukenati vattum amhakam
na vattati tumheyeva janissatha kevalam hi mayam rakkham yacama
tam no detha avahatabhandanca aharapethati vattabbam. Evam
anuddissa acikkhana hoti. Sa vattati. Evam vutte sacepi te
voharika karake gavesitva tesam dandam karonti. Sabbam
sapateyyampi gahitam bhikkhuniya neva giva na apatti. Parikkharam
harante disva tesam anatthakamataya cora corati vattumpi na vattati.
Evam vuttepi hi yam tesam dandam karonti sabbampi bhikkhuniya giva
hoti. Attano vacanakaram pana imina me parikkharo gahito tam
aharapehi ma cassa dandam karohiti vattum vattati.
Dasadasivapiadinam atthaya attam karonti. Ayam akappiyaatto nama
Na vattati. Katham anagatam arabbha uddissa acikkhana hoti.
Vuttanayeneva parehi anacaradisu katesu bhikkhuni voharike evam
vadati amhakam upassaye idancidanca karonti rakkham no detha
ayatim akaranatthayati. Kena evam katanti vutte asukena ca
asukena cati acikkhati. Evam anagatam arabbha uddissa acikkhana
hoti. Sapi na vattati. Tesam hi dande kate purimanayeneva
sabbam bhikkhuniya giva. Sesam purimasadisameva. Sace pana voharika
bhikkhuniupassaye evarupam anacaram karontanam imam nama
dandam karomati bherincarapetva anaya atitthamane pariyesitva
dandenti bhikkhuniya neva giva na apatti. Yo cayam bhikkhuninam
vutto bhikkhunampi eseva nayo. Bhikkhunopi hi uddissa acikkhana
na vattati. Yam tatha acikkhite dandam karonti sabbam giva
hoti. Vuttanayeneva dandam ganhapentassa parajikam.
Yo pana dandam karissantiti janantopi anuddissa katheti.
Te ca pariyesitva dandam karontiyeva na doso. Viharasimaya
rukkhadini chindantanam vasipharasuadini gahetva pasanehi kottetum
na vattati. Sace dhara bhijjati karapetva databba.
Upadhavitva tesam parikkhare ganhanti. Tampi na katabbam.
Lahuparivattam hi cittam theyyacetanaya uppannaya mulacchejjampi
gaccheyya. Sesam uttanameva. Kathinasamutthanam kiriya nosannavimokkham
acittakam pannattivajjam kayakammam vacikammam ticittam tivedananti.
                  Sattarasake pathamasikkhapadam.



             The Pali Atthakatha in Roman Book 2 page 516-520. http://84000.org/tipitaka/atthapali/read_rm.php?B=2&A=10864&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10864&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=25              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=782              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=796              The Pali Tipitaka in Roman Character :- http://84000.org/tipitaka/read/roman_read.php?B=1&A=796              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]