บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{692} Tatiye. Atikkamentiyati ettha ekam padam atikkamentiya thullaccayam dutiye atikkantamatte sanghadiseso. Aparikkhittassa gamassa upacaranti ettha parikkheparahatthanam ekena padena atikkamati thullaccayam dutiyena atikkantamatte sanghadiseso. Api cettha sakagamato nikkhamantiya gamantarapaccaya anapatti. Nikkhamitva pana gamantaram gacchantiya padavare padavare dukkatam. Ekena padena itarassa gamassa parikkhepe va upacare va atikkante thullaccayam dutiyena atikkantamatte sanghadiseso. Tato nikkhamitva puna sakagamam pavisantiyapi eseva nayo. Sace pana khandapakarena va vaticchiddena va bhikkhuni viharabhumimyeva sakka hoti pavisitum evam pavisamana kappiyabhumim nama pavittha hoti tasma vattati. Sacepi hatthipitthiadihi va iddhiya va pavisati vattatiyeva. Padasa gamanameva hi idhadhippetam. Teneva pathamam padam atikkamentiyatiadimaha. Dve gama bhikkhuniviharena sambaddhavatika honti. Yasmim game bhikkhuniviharo tattha pindaya caritva puna viharam pavisitva sace viharamajjhena itarassa maggo atthi gantum vattati. Tato pana gamato teneva maggena paccagantabbam. Sace gamadvarena nikkhamitva agacchati. Purimanayeneva apattibhedo veditabbo. Sakagamato kenaci karaniyena bhikkhunihi saddhim nikkhantaya puna pavisanakale hatthi va muccati ussarana va hoti itara bhikkhuniyo sahasa gamam pavisanti yava anna bhikkhuni agacchati tava bahidvare thatabbam. Sace na agacchati dutiyika bhikkhuni pakkanta nama hoti pavisitum vattati. Pubbe mahagamo hoti majjhe bhikkhuniviharo. Paccha tam gamam cattaro jana labhitva visum visum vatiparikkhepam katva vibhajitva bhunjanti. Viharato ekam gamam Gantum vattati. Tato aparam gamadvarena va vaticchiddena va pavisitum na vattati. Puna viharameva paccagantum vattati. Kasma. Viharassa catuggamasadharanatta. Antaravasako temiyatiti yattha yatha timandalapaticchadanam hoti evam nivatthaya bhikkhuniya vassakale titthena va atitthena va otaritva yattha katthaci uttarantiya ekadvangulamattampi antaravasako temiyati. Sesam nadilakkhanam nadinimittakathaya avibhavissati. Evarupam nadititthena va atitthena va otaritva uttaranakale pathamam padam uddharitva tire thapentiya thullaccayam dutiyapaduddhare sanghadiseso. Setuna gacchati anapatti. Padasa otaritva uttaranakale setum arohitva uttarantiyapi anapatti. Setuna pana gantva uttaranakale padasa gacchantiya apattiyeva. Yananavaakasagamanadisupi eseva nayo. Orimatirato paratirameva akkamantiya anapatti. Rajanakammattham gantva darusankaddhanadikiccena dve tisso ubhayatiresu vicaranti vattati. Sace panettha kaci kalaham katva itaram tiram gacchati apatti. Dve ekato uttaranti eka majjhe nadiya kalaham katva nivattitva orimatirameva agacchati apatti. Itarissa pana ayam pakkantatthane thita hoti tasma paratiram gacchantiyapi anapatti. Nahayitum va patum va otinna tameva tiram paccuttarati anapatti. Saha arunuggamanati ettha sace sajjhayam va Padhanam va annam va kinci kammam kurumana pure arunamyeva dutiyikaya santikam gamissamiti abhogam karoti ajanantiya eva cassa aruno uggacchati anapatti. Atha pana yava arunuggamana idheva bhavissamiti abhogena va anabhogena va viharassa ekadese acchati. Dutiyikaya hatthapasam na otarati arunuggamane sanghadiseso. Hatthapasoyeva hi idha pamanam. Hatthapasatikkame ekagabbhopi na rakkhati. Agamake aranneti ettha nikkhamitva bahi indakhila sabbametam arannanti evam vuttalakkhanameva arannam. Tam panetam kevalam gamabhavena agamakanti vuttam na vijjhatavisadisataya. Tadise aranne okkante dassanupacare vijahite sacepi savanupacaro atthi apatti. Tena vuttam atthakathayam sace bhikkhunisu mahabodhianganam pavisantisu eka bahi titthati tassapi apatti. Lohapasadam pavisantisupi parivenam pavisantisupi eseva nayo. Mahacetiyavandanadisu eka uttaradvarena nikkhamitva gacchati tassapi apatti. Thuparamam pavisantisu eka bahi titthati tassapi apattiti. Ettha ca dassanupacaro nama yattha thitam dutiyika passati. Sace pana sanipakarantarikapi hoti dassanupacaram vijahati nama. Savanupacaro nama yattha thita maggamulhasaddena viya dhammassavanarocanasaddena viya ca ayyeti saddayantiya saddam sunati. Ajjhokase durepi dassanupacaro nama hoti. So Evarupe savanupacare vijahite na rakkhati vijahitamatteva apatti sanghadisesassa. Eka maggam gacchanti ohiyati saussaha ce hutva idani papunissamiti anubandhati anapatti. Sace purimayo annena maggena gacchanti pakkanta nama honti anapattiyeva. Dvinnam gacchantinam eka anubandhitum asakkonti gacchatu ayanti ohiyati. Itarapi ohiyatu ayanti gacchati. Dvinnampi apatti. Sace pana gacchantisu purimapi annam maggam ganhati pacchimapi annam. Eka ekissa pakkantatthane titthati dvinnampi anapatti. {693} Pakkhasankanta vati titthayatanam 1- sankanta. Sesam uttanameva. Pathamaparajikasamutthanam kiriya sannavimokkham sacittakam pannattivajjam kayakammam ticittam tivedananti. Tatiyasikkhapadam.The Pali Atthakatha in Roman Book 2 page 521-525. http://84000.org/tipitaka/atthapali/read_rm.php?B=2&A=10979&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10979&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=38 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=1254 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=995 The Pali Tipitaka in Roman Character :- http://84000.org/tipitaka/read/roman_read.php?B=1&A=995 Contents of The Tipitaka Volume 1 http://84000.org/tipitaka/read/?index_1
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]