ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

                     Khuddakakandavannana
            timsakanantaram dhamma     chassatthisatasangaha
            sangita ye ayam dani   hoti tesampi vannana.
     {793} Tattha lasunavaggassa tava pathamasikkhapade. Dve tayo
bhandiketi dve va tayo va pottalake. Sampunnaminjanametam
adhivacanam. Na mattam janitvati pamanam ajanitva khettapalassa
varentassa varentassa bahulasunam aharapesi. Annataram
hamsayoninti suvannahamsayonim. So tasam ekekanti so hamso
jatissaro ahosi. Atha pubbasinehena agantva tasam ekekam
pattam deti. Tam tapana talanachedanakkhamam suvannameva hoti.
     {795} Magadhikanti magadhesu jatam. Magadharatthe jatam lasunameva hi
idha lasunanti adhippetam. Tampi bhandikalasunameva na ekadvitiminjakam.
Kurundiyam pana jatidesam avatva magadhikam nama bhandikalasunanti
vuttam. Ajjhohare ajjhohareti ettha sace dve tayo
bhandike ekatoyeva sangharitva ajjhoharati ekam pacittiyam.

--------------------------------------------------------------------------------------------- page534.

Bhinditva ekekam minjam khadantiya pana payogagananaya pacittiyaniti. {797} Palandukadinam vannena va minjaya va nanattam veditabbam. Vannena tava palanduko nama panduvanno hoti bhanjanako lohitavanno haritako haritapannavanno. Minjaya pana palandukassa ekaminja hoti bhanjanakassa dve haritakassa tisso capalasuno aminjako. Ankuramattameva hi tassa hoti. Mahapaccariyadisu pana palandukassa tini minjani bhanjanakassa dve haritakassa ekanti vuttam. Ete palandukadayo sabhaveneva vattanti. Supasampakadisu pana magadhikampi vattati. Tam hi paccamanesu muggasupadisu va macchamamsavikatiya va tele va badarasalavadisu va ambilasakadisu va uttaribhangesu va yattha katthaci antamaso yagubhattepi pakkhipitum vattati. Sesam uttanameva. Elakalomasamutthanam kiriya nosannavimokkham acittakam pannattivajjam kayakammam vacikammam ticittam tivedananti. Lasunasikkhapadam pathamam.


             The Pali Atthakatha in Roman Book 2 page 533-534. http://84000.org/tipitaka/atthapali/read_rm.php?B=2&A=11223&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=11223&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=1&i=237              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=8761              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3438              The Pali Tipitaka in Roman Character :- http://84000.org/tipitaka/read/roman_read.php?B=1&A=3438              Contents of The Tipitaka Volume 1 http://84000.org/tipitaka/read/?index_1

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com