AtthaPali Vol.2

{822} Sattame. Bhunjissamiti patigganhati apatti dukkatassati idam payogadukkatam nama. Tasma na kevalam patiggahaneyeva hoti patigganhitva puna annato aharanepi sukkhapanepi vaddalidivase bhajjanatthaya uddhanasajjanepi kapallasajjanepi dabbisajjanepi daruni adaya aggikaranepi kapallamhi dhannapakkhipanepi dabbiya sanghattanesupi kottanattham udukkhalamusaladisajjanesupi kottanapapphotanadhovanadisupi yava mukhe thapetva ajjhoharanattham dantehi sankhadati tava sabbappayogesu dukkatani. Ajjhoharakale pana ajjhoharagananaya pacittiyani. Ettha ca vinnatti ceva bhojananca pamanam. Tasma sayam vinnapetva annaya bhajjanakottanapacanani karapetva bhunjantiyapi apatti. Annaya vinnapetva sayam bhajjanadini katva bhunjantiyapi apatti. Mahapaccariyam pana vuttam idam amakadhannam nama matarampi vinnapetva bhunjantiya pacittiyameva avinnattiya laddham sayam bhajjanadini katva va karapetva va bhunjantiya dukkatam annaya vinnattiya laddham sayam va bhajjanadini katva taya va karapetva annaya va karapetva bhunjantiyapi dukkatamevati. Punapi vuttam annaya vinnattiya laddham tam ce sayam bhajjanadini katva bhunjantiya pacittiyameva bhajjanadini karapetva bhunjantiya pana Dukkatanti. Tam pubbaparaviruddham hoti. Na hi bhajjanadinam karane va karapane va viseso atthi. Mahaatthakathayam pana annaya vinnattam bhunjantiya dukkatanti avisesena vuttam. {823} Abadhapaccayati sedakammadinam atthaya dhannavinnattiya anapatti. Avinnattiya labbhamanam pana navakammatthaya sampaticchitum vattatiti mahapaccariyam vuttam. Aparannam vinnapetiti thapetva satta dhannani muggamasadim va alabukumbhandadim va annam va yankinci natakapavaritatthane vinnapentiya anapatti. Amakadhannam pana natakapavaritatthanepi na vattati. Sesam uttanameva. Catussamutthanam kayato vacato kayacittato kayavacacittato ca samutthati kiriya nosannavimokkham acittakam pannattivajjam kayakammam vacikammam ticittam tivedananti. Sattamasikkhapadam.

The Pali Atthakatha in Roman Book 2 page 537-538. http://84000.org/tipitaka/atthapali/read_rm.php?B=2&A=11303&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=11303&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=-306 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=11521 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=4453 The Pali Tipitaka in Roman Character :- http://84000.org/tipitaka/read/roman_read.php?B=1&A=4453 Contents of The Tipitaka Volume 1 http://84000.org/tipitaka/read/?index_1