Atthakatha Book 2 : PALI ROMAN
Vinaya.A. (samanta.2)

     {342} Tena samayenati kutikarasikkhapadam. Tattha alavakati
alaviratthe jata daraka alavaka nama. Te pabbajitakalepi
---------------------------------------------------------------------------------------------
page59.
Alavakatveva pannayimsu. Sandhaya vuttam alavaka bhikkhuti.
Sannacikayoti sayam yacitva gahitupakaranayo. Karapentiti
karontipi karapentipi. Te kira sasane vipassanadhuranca
ganthadhurancati dvepi dhurani chaddetva navakammameva dhuram katva pagganhimsu.
Assamikayoti anissarayo karetva dayakena virahitayoti attho.
Attuddesikayoti attanam uddissa attano atthaya araddhayoti
attho. Appamanikayoti ettakena nittham gacchissantiti evam
paricchinnappamanayo 1- buddhippamanayo va mahappamanayoti
attho. Yacanayeva bahula etesam mandam annam kammanti
yacanabahula. Evam vinnattibahula veditabba. Atthato panettha
nanakaranam  natthi. Anekakkhattum purisam detha purisatthakaram dethati
yacantanametam adhivacanam. Tattha mulacchejjaya purisam yacitum na
vattati. Sahayatthaya kammakaranatthaya purisam dethati yacitum
vattati. Purisatthakaranti purisena katabbam hatthakammam vuccati tam
yacitum vattati.
     Hatthakammannama kinci vatthu na hoti tasma tam thapetva
migaluddhakamacchabandhakadinam sakakammam avasesam sabbam kappiyam. Kim
bhante agatattha kena kammanti pucchite va apucchite va yacitum
vattati. Vinnattipaccaya doso natthi. Tasma migaluddhakadayo
sakakammam na yacitabba. Hatthakammam dethati aniyametvapi na
yacitabba. Evam yacita hi te sadhu bhanteti bhikkhum
@Footnote: 1. apparicchinnappamanayotipi patho.
---------------------------------------------------------------------------------------------
page60.
Uyyojetva migepi maretva ahareyyum. Niyametva pana
vihare kinci katabbam atthi tattha hatthakammam dethati yacitabba.
Phalanangaladini upakaranani gahetva kasitum va vapitum va layitum
va gacchantam sakiccappasutampi kasakam va annam va kanci hatthakammam
yacitum vattateva. Yo pana vighasado va anno va koci nikkammo
niratthakakatham va kathento niddayanto va viharati evarupam ayacitvapi
ehi re idam va idam va karohiti yadicchitam karapetum vattati.
Hatthakammassa pana sabbakappiyabhavadipanattham imam nayam kathenti.
Sace hi bhikkhu pasadam karetukamo hoti thambhatthaya
pasanakottakanam gharam gantva vattabbam hatthakammam laddhum vattati upasakati.
Kim katabbam bhanteti. Pasanatthambha uddharitva databbati.
Sace te uddharitva denti uddharitva nikkhitte attano thambhe va
denti vattati. Athapi vadanti amhakam bhante hatthakammam katum
khano natthi annam uddharapetha tassa mulam dassamati uddharapetva
pasanatthambhe uddhatamanussanam mulam dethati vattum vattati.
Eteneva upayena pasadadarunam atthaya vaddhakinam santikam
itthakatthaya itthakavaddhakinam chadanatthaya gehacchadanakanam cittakammatthaya
cittakarakananti yena yena attho hoti tassa tassa atthaya
tesam tesam sippakarakanam santikam gantva hatthakammam yacitum vattati.
Hatthakammayacanavasena ca mulacchejjaya va bhattavettananuppadanena
va laddhampi sabbam gahetum vattati. Arannato aharapentena ca
---------------------------------------------------------------------------------------------
page61.
Sabbam anajjhavutthakam aharapetabbam. Na kevalanca  pasadam
karetukamena mancapithapattaparissavanadhamakarakacivaradini karetukamenapi
darulohasuttadini labhitva te te sippakarake upasankamitva
vuttanayeneva hatthakammam yacitabbam. Hatthakammayacanavasena ca
mulacchejjaya va bhattavettananuppadanena va laddhampi sabbam gahetabbam.
Sace pana katum na icchanti bhattavettanam paccasimsanti akappiyam
kahapanadi na databbam. Bhikkhacaravattena tanduladini pariyesitva
datum vattati. Hatthakammavasena pattam karetva tatheva pacetva
navapakkassa pattassa punchanatelatthaya antogamam pavitthena bhikkhaya
agatoti sallakkhetva yaguya va bhatte va anite hatthena
patto pidahitabbo. Sace upasika kim bhanteti pucchati.
Navapakko patto punchanatelena atthoti vattabbam. Sace sa dehi
bhanteti pattam gahetva telena punchitva yaguya va bhattassa va
puretva deti vinnatti nama na hoti gahetum vattatiti. Bhikkhu
pageva pindaya caritva asanasalam gantva asanam apassanta
titthanti. Tatra ce upasika bhikkhu thite disva sayameva asanani
aharapenti. Nisiditva gacchantehi apucchitva gantabbam.
Anapuccha gatanampi nattham giva na hoti. Apucchitva gamanam pana
vattam. Sace bhikkhuhi asanani aharathati vuttehi ahatani honti
apucchitva gantabbam. Anapuccha gatanam vattabhedo ca natthanca
givati. Attharakojavakadisupi eseva nayo. Macchika bahuka honti
---------------------------------------------------------------------------------------------
page62.
Macchikavijanim aharathati vattabbam. Pucimandasakhadini aharanti
kappiyam karapetva patiggahetabbani. Asanasalayam udakabhajanam
rittam hoti dhamakarakam ganhati na vattabbam. Dhamakarakam hi rittabhajane
pakkhipanto bhindeyya. Nadim va talakam va gantva pana udakam
aharati vattum vattati. Gehato aharati neva vatatum vattati.
Na ahatam paribhunjitabbam. Asanasalayam va arannake va
bhattakiccam karontehi tattha jatakam anajjhavutthakam yankinci
uttaribhangaraham pattam va phalam va sace kinci kammam karontam aharapeti
hatthakammavasena aharapetva paribhunjitum vattati alajjihi pana
bhikkhuhi va samanerehi va hatthakammam na karetabbam. Ayam tava
purisatthakare nayo. Gonam pana annatakaappavaritatthanato
aharapetum na vattati. Aharapentassa dukkatam.
Natakappavaritatathanatopi mulacchejjaya yacitum na vattati. Tavakalikanayena
sabbattha vattati. Evam aharapitanca gonam rakkhitva jaggitva
samika nam paticchapetabba. Sacassa pado va singam va
bhijjati nassati va tam samika ce sampaticchanti iccetam
kusalam no ce sampaticchanti giva hoti. Sace tumhakamyeva
demati vadanti na sampaticchitabbam. Viharassa demati vutte
pana aramikanam acikkhatha jagganatthayati vattabba. Sakatam
dethatipi annatakaappavarite vattum na vattati. Vinnattiyeva
hoti dukkatam apajjati. Natakappavaritatthane pana vattati.
---------------------------------------------------------------------------------------------
page63.
Tavakalikam vattati. Kammam katva puna databbam. Sace nemiadini
bhijjanti pakatikani katva databbam. Natthe giva hoti.
Tumhakameva demati vutte darubhandam nama sampaticchitum vattati.
Eseva nayo vasipharasukutharikuddalanikhadanesu valliadisu ca
parapariggahitesu. Garubhandappahonakesuyeva ca valliadisu vinnatti
hoti na tato oram. Anajjhavutthakam pana yankinci aharapetum
vattati. Rakkhitagopitatthaneyeva hi vinnatti nama vuccati. Sa
dvisu paccayesu sabbena sabbam na vattati. Senasanapaccaye pana
ahara dehiti vinnattimattameva na vattati. Parikathobhasanimittakammani
vattanti. Tattha uposathagaram va bhojanasalam va annam
va kinci senasanam icchato imasmim vata okase  evarupam senasanam
katum vattatiti va yuttanti va anurupanti va adina nayena
vacanam parikatha nama. Upasaka tumhe kuhim vasathati pasade
bhanteti bhikkhunam pana upasaka pasado na vattatiti.
Evamadivacanam obhaso nama. Manusse disva rajjum pasareti khile
akottapeti kim idam bhanteti vutte idam avasam karissamati
evamadikaranam pana nimittakammam nama. Gilanapaccaye pana
vinnattipi vattati pageva parikathadini.
     Manussa upadduta yacanaya upadduta vinnattiyati tesam
bhikkhunam taya yacanaya vinnattiya ca pilita. Ubbhijjantipiti
kinnu aharapessantiti ubbegam injanam calanam patilabhanti.
---------------------------------------------------------------------------------------------
page64.
Uttasantipiti ahim viya disva sahasa uttasitva ukkamanti.
Palayantipiti duratoyena va tena va palayanti. Annenapi gacchantiti
yam maggam patipanna tam pahaya nivattitva vamam va dakkhinam va
gahetva gacchanti. Dvarampi thakenti.
     {344} Bhutapubbam bhikkhaveti iti bhagava te bhikkhu garahitva tadanurupanca
dhammikatham katva punapi vinnattiya dosam pakatam kurumano imani
bhutapubbam bhikkhaveti adina nayena tini vatthuni dassesi. Tattha
manikanthoti so kira nagaraja sabbakamadadam mahaggham manim kanthe
pilandhitva carati tasma manikanthotveva pannayittha.
Uparimuddhani mahantam phanam karitva atthasiti so kira tesam dvinnam isinam
kanittho isi mettavihari ahosi tasma so nagaraja nadito
uttaritva devavannam nimminitva tassa santike nisiditva sammodaniyam
katham katva tam devavannam pahaya sakavannameva upagantva tam isim
parikkhipitva pasannakaram karonto uparimuddhani mahantam phanam katva
chattam viya dharayamano muhuttam thatva pakkamati. Tena vuttam
uparimuddhani mahantam phanam karitva atthasiti. Manimassa kanthe
pilandhananti manim assa kanthe pilandhitam amuttanti attho.
Ekamantam atthasiti tena devavannena agantva tapasena saddhim
sammodamano ekasmim padese atthasi. Mamannapananti mama
annanca pananca. Vipulanti pahutam. Ularanti panitam.
Atiyacakositi ativiya yacako. Punappunam yacakositi vuttam hoti.
---------------------------------------------------------------------------------------------
page65.
Susuti taruno thamasampanno yobbanappattapuriso. Sakkharati
vuccati kalasila. Tattha dhoto asi sakkharadhoto nama vuccati.
Sakkharadhoto panimhi assati sakkharadhotapani. Pasane
dhotanisitakhaggahatthoti attho. Yatha so asihattho puriso taseyya
evam tasesi mam. Selam mam yacamanoti manim yacantoti attho.
Na tam yaceti tam na yaceyya. Kataram. Yassa piyam jigimseti
yam assa sattassa piyanti janeyya. Kimangam pana manussabhutananti
manussabhutanam amanapati kimevettha vattabbam.
     {345} Sakunasanghassa saddena ubbalhoti so kira sakunasangho
pathamayamanca pacchimayamanca nirantaram saddameva karoti so bhikkhu
tena saddena pilito hutva bhagavato santikam agamasi. Tenaha
yenaham tenupasankamiti. Kuto ca tvam bhikkhu agacchasiti ettha
nisinno so bhikkhu na agacchati vattamanasamipe pana evam vattum
labbhati. Tenaha kuto ca tvam bhikkhu agacchasiti. Kuto
agatositi attho. Tato aham bhagava agacchamiti etthapi
soeva nayo. Ubbalhoti pilito ukkanthapito hutvati
attho. So sakunasangho bhikkhu pattam yacatiti ettha te sakuna
bhikkhuno vacanam na jananti  bhagava pana attano  anubhavena yatha
jananti tatha akasi.
     {346} Apaham te na janamiti api aham te jane ke va ime
kassa va imeti na janami. Sangamma yacantiti samagantva
---------------------------------------------------------------------------------------------
page66.
Vaggavagga hutva yacanti. Yacako appiyo hotiti yo yacati
so appiyo hoti. Yacam adadamappiyoti yacanti yacitam vuccati.
Yacitamattham adadantopi appiyo hoti. Athava yacanti
yacantassa. Adadamappiyoti adento appiyo hoti. Ma me
viddesana ahuti ma me appiyabhavo ahu. Aham va tava tvam
va mama desso appiyo ma ahositi attho.
     {347} Dussamharaniti kasigorakkhadihi upayehi dukkhena samharaniyani.
     {348-349} Samyacikaya pana bhikkhunati ettha samyacika nama sayam
pavattita yacana vuccati. Tasma samyacikayati attano
yacanayati vuttam hoti. Sayam yacitakehi upakaranehiti attho.
Yasma pana sa sayam yacitakehi kayiramana sayam yacitva kayiramana
hoti tasma tam atthapariyayam dassetum sayam yacitva purisampiti
evamassa padabhajanam vuttam. Ullittati  antolitta. Avalittati
bahilitta. Ullittavalittati santarabahiralittati vuttam
hoti. Karayamanenati imassa padabhajane karapentenati
ettakameva vattabbam siya evam hi byanjanam sameti yasma
pana samyacikaya kutim karapentenapi idha vuttanayeneva patipajjitabbam
tasma karonto va hotu karapento va ubhopete
karayamanenati iminava padena sangahitati etamattham dassetum
karonto va karapento vati vuttam. Yadi pana karontena va
karapentena vati vadeyya byanjanam vilomitam bhaveyya. Na hi
---------------------------------------------------------------------------------------------
page67.
Karapento karonto nama hoti. Tasma atthamattamevettha
dassitanti veditabbam. Attuddesanti mayham esati evam atta
uddeso assati attuddesa. Tam attuddesam. Yasma pana
yassa atta uddeso sa attano atthaya hoti tasma tam
atthapariyayam dassento attuddesanti attano atthayati aha.
Pamanika karetabbati pamanayutta karetabba. Tatridam
pamananti tassa kutiya idam pamanam. Sugatavidatthiyati sugatavidatthi
nama idani majjhimassa purisassa tisso vidatthiyo vaddhakihatthena
diyaddho hattho hoti. Bahirimena manenati kutiya
bahikddamanena dvadasa vidatthiyo. Nimantena pana sabbapathamam dinno
mahamattikapariyanto na gahetabbo. Thusapindapariyanatena minitababam.
Thusapindassupari setakammam abboharikam. Sace thusapinadena
anatthiko mahamattikayaeva nitathapeti mahamattikava paricchedo.
Tiriyanti vittharato. Sattati satta sugatavidatthiyo. Antarati
imassa pana ayam niddeso abbhantarimena manena. Kuddassa
bahiantam aggahetva abbhantarimena ante miyamane tiriyam satta
sugatavidatthiyo pamananti vutatam hoti. Yo pana lesam odento
yathavuttappamanameva karissamiti dighato ekadasa vidatthiyo tiriyam attha
vidatthiyo dighato va terasa vidatthiyo tiriyam cha vidatthiyo kareyya
na vattati. Ekatobhagena atikkantampi hi pamanam atikkantameva
hoti. Titthatu vidatthi kesaggamattampi dighato hapetva tiriyam
---------------------------------------------------------------------------------------------
page68.
Tiriyato va hapetva digham vaddhetum na vattati. Ko pana vado
ubhato vaddhane. Vuttam hetam ayamato va vittharato va
antamaso kesaggamattampi atikkamitva karoti va karapeti va
payoge dukkatanti adi. Yathavuttappamanaeva pana vattati. Ya
pana dighato satthihatthapi hoti tiriyam tihattha va unakattihattha va
yattha pamanayutto manco itocitoca na parivattati ayam kutiti
sankham na gacchati tasma ayampi vattati. Mahapaccariyam pana pacchimakotiya
catuhatthavitthara vutta. Tato hettha akuti. Pamanikapi
pana adesitavatthuka va sarambha va aparikkamana va na vattati.
Pamanika desitavatthuka anarambha saparikkamana vattati.
Pamanato unatarampi catuhatthapancahatthampi karontena desitavatthukava
karetabba. Pamanatikkantanca pana karonto lepapariyosane
garukam apattim apajjati. Tattha lepo ca alepo ca lepokaso
ca alepokaso ca veditabbo. Seyyathidam. Lepoti dve lepa
mattikalepo ca sudhalepo ca. Thapetva pana ime dve lepe
avaseso bhasmagomayadibhedo alepo. Sacepi kalalalepo hoti
alepo eva. Lepokasoti bhittiyo ceva chadananca. Thapetva
pana bhitticchadane avaseso thambhatulapitthisanghatavatapanadhumacchiddadi
aleparaho okaso sabbopi alepokasoti veditabbo. Bhikkhu
abhinetabba vatthudesanayati yasmim thane kutim karetukamo hoti
tattha vatthudesanatthaya bhikkhu abhinetabba. Tena kutikarakenati
---------------------------------------------------------------------------------------------
page69.
Adi pana yena vidhina te bhikkhu abhinetabba tassa dassanattham
vuttam. Tattha kutivatthum sodhetvati na visamam arannam bhikkhu gahetva
gantabbam kutivatthum pathamameva sodhetva samatalam simamandalasadisam
katva paccha sangham upasankamitva yacitva netabbati dasseti.
Evamassa vacaniyoti sangho evam vattabbo assa. Parato pana
dutiyampi yacitabbati bhikkhu sandhaya bahuvacanam vuttam. Sace
sabbo sangho na ussahatiti sace sabbo sangho na icchati
sajjhayamanasikaradisu uyyutta te bhikkhu honti. Sarambham anarambhanti
saupaddavam anupaddavam. Saparikkamanam aparikkamananti saupacaram
anupacaram. Pattakallanti patto kalo imassa olokanassati
pattakalam. Pattakalameva pattakallam. Idanca vatthum
olokanatthaya sammatikammassavananayena apaloketvapi katum vattati.
Parato pana vatthudesanakammam yathavuttayaeva nattiya ca anussavanaya
ca katabbam. Apaloketva katum na vattati. {353} Kipilikananti
rattakalapingaladibhedanam yasam kasanci kipilikanam. Kapilakanantipi
patho. Asayoti nibaddhavasanatthanam. Yatha ca kipilikanam
evam upacikadinampi nibaddhavasanatthanamyeva asayo veditabbo.
Yattha pana te gocaratthaya agantva gacchanti sabbesampi tadiso
sancaranappadeso avarito. Tasma tattha apanetva sodhetva
katum vattati. Imani tava chatthanani sattanudayaya
patikkhittani. Hatthinam vati hatthinam pana nibaddhavasanatthanampi
---------------------------------------------------------------------------------------------
page70.
Nibaddhagocaratthanampi na vattati. Sihadinam asayo ca gocaraya
pakkamantanam nibaddhagamanamaggo ca na vattati. Etesam pana carabhumi na
gahita. Yesam kesanciti annesampi valanam tiracchanagatanam.
Imani sattatthanani sapatibhayani bhikkhunam arogyatthaya
patikkhittani. Sesani nanaupaddavehi saupaddavani. Tattha
pubbannanissitanti  pubbannanissitam sattannam dhannanam viruhanakkhettassa
samanta thitam. Eseva nayo aparannanissitadisupi. Ettha
pana abbhaghatanti karanagharam verigharam coranam maranatthaya
katanti kurundiyadisu vuttam. Aghatanti dhammagandika vuccati.
Susananti mahasusanam. Samsarananti abhinibbijjhagamaniyo
gatapaccagatamaggo vuccati. Sesam uttanameva. Na sakka hoti
yathayuttena sakatenati dvihi balivaddehi yuttena sakatena ekam cakkam
nimbodakapatanatthane ekam bahi katva avijjhitum na sakka hoti.
Kurundiyam pana catuhi yuttena vati vuttam. Samanta nisseniya
anuparigantunti nisseniyam thatva geham chadentehi na sakka hoti
samanta nisseniya avijjhitum. Iti evarupe sarambhe ca
aparikkamane ca thane na karetabba. Anarambhe pana
saparikkamane karetabba. Tam vuttapatipakkhanayena paliyam agatameva.
Puna samyacika namati evamadi sarambhe ce bhikkhu vatthusmim
aparikkamane samyacikaya kutim kareyyati evam vuttasamyacikadinam
atthappakasanattham vuttam. Payoge dukkatanti evam adesitavatthukam
---------------------------------------------------------------------------------------------
page71.
Va pamanatikkantam va kutim karessamiti arannato
rukkhaharanatthaya vasim va pharasum va niseti dukkatam. Arannam pavisati
dukkatam. Tattha allatinani chindati dukkatena saddhim pacittiyam.
Sukkhani chindati dukkatam. Rukkhesupi eseva nayo. Bhumim sodheti
khanati pamsum uddharati minatiti evam yava paciram bandhati tava
pubbappayogo nama hoti. Etasmim pubbappayoge sabbattha
pacittiyatathane dukkatena saddhim pacittiyam dukkatatthane dukkatam.
Tato patthaya sahappayogo nama. Tattha. Thambhehi katabbaya
tattha thambham ussapeti dukkatam. Itthakahi cinitabbaya itthakam
acinati dukkatam. Evam yam yam upakaranam yojeti sabbappayoge
dukkatam. Tacchentassa hatthavare hatthavare tadatthaya gacchantassa
pade pade dukkatam. Evam katam pana darukuddikam va silakuddikam va
itthakakuddikam va antamaso pannasalampi sabhitticchadanam limpissamiti
sudhaya va mattikaya va limpantassa payoge payoge dukkatam yava
thullaccayam na hoti tava dukkatam. Etam pana dukkatam mahalepeneva
vaddhati. Setarattavannakarane va cittakamme va anapatti.
Ekam pindam anagateti yo sabbapacchimo eko lepapindo tam
ekam pindam asampatte kutikamme. Idam vuttam hoti idani dvihi
pindehi nitthanam gamissatiti tesu pathamapindadane thullaccayam.
Tasmim pinde agateti yam ekam pindam anagate kutikamme
thullaccayam hoti tasmim avasane pinde agate dinne thapite
---------------------------------------------------------------------------------------------
page72.
Lepassa ghatitatta apatti sanghadisesassa. Evam limpantassa ca
antolepe va antolepena saddhim bhittinca chadananca ekabaddhim
katva ghatite bahilepe va bahilepena saddhim ghatite sanghadiseso.
Sace pana dvarabandham va vatapanam va atathapetvava mattikaya limpati
tasmim ca tassokasam puna vaddhetva va avaddhetva va thapite lepo na
ghatiyati rakkhati tava. Puna lepantassa 1- pana ghatitamatte sanghadiseso.
Sace tam thapiyamanam pathamadinnalepena saddhim nirantarameva hutva titthati
pathamameva sanghadiseso. Upacikamocanattham atthangulamattena
appattacchadanam katva bhittim limpati anapatti. Upacikamocanatthameva
hettha pasanakuddam katva tam alimpitva upari
limpati lepo na ghatiyati nama anapattiyeva. Itthakakuddikaya
itthakahiyeva vatapane ca dhumanettani ca karoti lepaghataneneva
apatti. Pannasalam limpati lepaghatiteneva apatti. Tattha
alokatthaya atthangulamattam thapetva limpati lepo na ghatiyati
nama anapattiyeva. Sace vatapanam laddha ettha thapessamiti
karoti vatapane thapite lepaghatanena apatti. Sace mattikaya
kuddam karoti chadanalepena saddhim ghatane apatti. Eko
ekapindavasesam katva thapeti anno tam disva dukkatam
idanti vattasisena limpati ubhinnam anapatti.
     {354} Bhikkhu kutim karotiti evamadini chattimsa catukkani
@Footnote: 1. limpantassa.
---------------------------------------------------------------------------------------------
page73.
Apattibhedadassanattham vuttani. Tattha sarambhaya dukkatam aparikkamanaya
dukkatam pamanatikkantaya sanghadiseso adesitavatthukaya sanghadiseso
etesam vasena omissakapattiyo veditabba. {355} Apatti dvinnam
sanghadisesanam dvinnam dukkatananti adisu ca dvihi sanghadisesehi
saddhim dvinnam dukkatananti adina nayena attho veditabbo. {361} So
ce vippakate agacchatiti adisu ca ayam atthavinicchayo. Soti
samadisitva pakkantabhikkhu. Vippakateti anitthite kutikamme.
Annassa va databbati annassa puggalassa va sanghassa va
cajitva databba. Bhinditva va puna katabbati kittakena
bhinna hoti. Sace thambha bhumiyam nikhata uddharitabba. Sace
pasananam upari thapita apanetabba. Itthakacitaya yava
mangalitthaka tava kudda apacinitabba. Sankhepato bhumisamam katva
vinasita bhinna hoti. Bhumito upari caturangulamattepi thite
abhinnava. Sesam sabbacatukkesu pakatameva. Na hettha annam
kinci atthi yam pali anusareneva duvinneyyam siya. {363} Attana
vippakatanti adisu pana attana araddham kuti attana pariyosapetiti
mahamattikaya va thusamattikaya va yaya katapariyositabhavam
papetukamo hoti taya avasanapindam dento pariyosapeti. Parehi
pariyosapetiti attano atthaya parehi pariyosapeti. Attana
va hi vippakata hotu parehi va ubhayehi va tanca attano
atthaya attana va pariyosapeti parehi va pariyosapeti attana ca
---------------------------------------------------------------------------------------------
page74.
Parehi cati yuganaddham va pariyosapeti sanghadisesoyevati ayamettha
vinicchayo. Kurundiyam pana vuttam dve tayo bhikkhu ekato vasissamati
karonti rakkhati tava avibhattatta anapatti idam thanam tava idam
mamati vibhajitva karonti apatti samanero ca bhikkhu ca ekato
karonti yava avibhatta tava rakkhati purimanayena vibhajitva
karonti bhikkhussa apattiti.
     {364} Anapatti leneti adisu lenam mahantampi karontassa
anapatti. Na hettha lepo ghatiyati. Guhampi itathakaguham va
silaguham va daruguham va bhumiguham va mahantampi karontassa anapatti.
Tinakutikayoti sattabhumikopi pasado tinapannacchadano tinakutikati
vuccati. Atthakathasu pana kukkutacchikagehanti chadanam dandakehi
jalabandham katva tinehi va pannehi va chaditakutikava vutta
tattha anapatti. Mahantampi tinacchadanageham katum vattati.
Ullittadibhavoeva hi kutiya lakkhanam. So ca chadanameva sandhaya
vuttoti veditabbo. Cankamanasalaya tinapannam paripatati anujanami
bhikkhave okappetva ullittavalittam katunti 1- adini cettha sadhakani.
Tasma ubhatopakkhakam va kutabaddham va vattam va caturassam va yam
imam 2- etassa gehassa chadananti chadanasamkhepena katam hoti
tassa bhittilepena saddhim lepe ghatite apatti. Sace pana
ullittavalittacchadanassagehassaleparakkhanatthamuparitinenachadenti naettavata
@Footnote: 1. vi. cllavagga. 7/26. 2. iti.
---------------------------------------------------------------------------------------------
page75.
Tinakuti nama hoti. Kim panettha adesitavatthukappamanatikkamanapaccayava
anapatti udahu sarambhaaparikkamanapaccayapiti sabbatthapi
anapatti. Tatha hi tadisam kutim sandhaya parivare vuttam
             bhikkhu sannacikaya kutim karoti
             adesitavatthukam pamanatikkantam
             sarambham aparikkamanam anapatti
             panhamesa kusalehi cintitati 1-.
     Yam pana apatti karakanam tinnam dukkatananti adi paliyam
vuttam tam yathasamadhitthaya akaranapaccaya vuttam. Annassatthayati
kutilakkhanappattampi kutim annassa upajjhayassa va acariyassa va
sanghassa va atthaya karontassa anapatti. Vasagaram thapetva
sabbatthati attano vasanatthaya agaram thapetva annam uposathagaram
va jantagharam va bhojanasala va aggisala va bhavissatiti kareti
sabbattha anapatti. Sacepissa hoti uposathagaranca bhavissati
ahanca vasissamiti jantagharanca bhojanasala ca aggisala ca
bhavissati ahanca vasissamiti karitepi apattiyeva. Mahapaccariyam
pana anapattiti vatva attano vasagaratthaya karontasseva
apattiti vuttam. Anapattiti ummattakassa adikammikadinanca
alavakanam bhikkhunam anapatti.
     Samutthanadisu. Chassamutthanam kiriya ca kiriyakiriya ca.
Idam hi vatthum desapetva pamanatikkantam karoto kiriyato samutthati
@Footnote: 1. vi. parivara. 8/529.
---------------------------------------------------------------------------------------------
page76.
Vatthum adesapetva karoto kiriyakiriyato. Nosannavimokkham
acittakam pannattivajjam kayakammam vacikammam ticittam tivedananti.
               Kutikarasikkhapadavannana nitthita.


             The Pali Atthakatha in Roman Book 2 page 58-76.
http://84000.org/tipitaka/atthapali/read_rm.php?B=2&A=1222&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=1222&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=494
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=16207
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=6509
             The Pali Tipitaka in Roman Character :-
http://84000.org/tipitaka/read/roman_read.php?B=1&A=6509
             Contents of The Tipitaka Volume 1
http://84000.org/tipitaka/read/?index_1