ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {527} Tena samayenati upakkhatasikkhapadam. Tattha atthavuso mam
so upatthakoti avuso yam tvam bhanasi atthi evarupo so mama
upatthakoti ayamettha attho. Apimayya evam hotiti api
me ayya evam hoti. Api meyya evam hotitipi patho.
     {528-529} Bhikkhum paneva uddissati ettha uddissati apadissa arabbha.
Yasma pana yam uddissa upakkhatam hoti tam tassatthaya upakkhatam
nama hoti tasmassa padabhajane bhikkhussatthayati vuttam.
Bhikkhum arammanam karitvati bhikkhum paccayam katva. Yam hi bhikkhum
uddissa upakkhatam tam niyameneva bhikkhum paccayam katva upakkhatam
hoti. Tena vuttam bhikkhum arammanam karitvati. Paccayopi hi
Labhati maro arammananti adisu arammananti agato. Idani
uddissati ettha yo katta tassa akaradassanattham bhikkhum
acchadetukamoti vuttam. Bhikkhum acchadetukamena hi tena tam
uddissa upakkhatam na annena karanena. Iti so acchadetukamo
hoti. Tena vuttam bhikkhum acchadetukamoti. Annatakassa
gahapatissa vati annatakagahapatina vati attho. Karanatthe
hi idam samivacanam. Padabhajane pana byanjanam avicaretva
atthamattameva dassetum annatako nama .pe. Gahapati namati adi
vuttam. Civaracetapananti civaramulam. Tam pana yasma hirannadisu
annataram hoti tasma padabhajane hirannam vati adi vuttam.
Upakkhatam hotiti sajjitam hoti samharitva thapitam. Yasma pana
hirannam vati adina vacanenassa upakkhatabhavo dassito hoti
tasma upakkhatam namati padam uddharitva visum padabhajanam na
vuttam. Iminati upakkhatam sandhayaha. Tenevassa padabhajane
paccupatthitenati vuttam. Yanhi upakkhatam samharitva thapitam tam
paccupatthitam hotiti. Acchadessamiti voharavacanametam.
Itthannamassa bhikkhuno dassamiti ayam panettha attho. Tenevassa
padabhajanepi dassamiti vuttam. Tatra ce so bhikkhuti yatra so
gahapati va gahapatani va tatra so bhikkhu pubbe appavarito
upasankamitva civare vikappam apajjeyya ce iti ayamettha
padasambandho. Tattha upasankamitvati imassa gantvati iminava
Atthe siddhe pacuravoharavasena gharanti vuttam. Yatra pana so
dayako tatra gantvati ayamettha attho. Tasma punapi vuttam
yattha katthaci upasankamitvati. Vikappam apajjeyyati visitthakappam
adhikavidhanam apajjeyya. Padabhajane pana yena karanena
vikappam apanno hoti tameva dassetum ayatam vati adi vuttam.
Sadhuti ayacane nipato. Vatati parivitakke. Manti attanam
uddisati. Ayasmati param alapati amanteti. Yasma pana
adam sabbam byanjanamattameva uttanatthameva tasmassa pdabhajane
attho na vutto. Kalyanakamyatam upadayati sundarakamatam
visitthakamatam cittena gahetva. Tassa apajjeyya ce iti imina
sambandho. Yasma pana yo kalyanakamyatam upadaya apajjati
so sadhutthiko mahagghatthiko hoti tasmassa padabhajane byanjanam
pahaya adhippetatthameva dassetum tadeva vacanam vuttam. Yasma
pana na imassa apajjanamatteneva apatti sisam eti tasma tassa
vacanenati adi vuttam. {531} Anapatti natakananti adisu natakanam
civare vikappam apajjantassa anapattiti evamattho datthabbo.
Mahaggham cetapetukamassa appaggham cetapetiti gahapatissa
visatiagghanakam civaram cetapetukamassa alam mayham etena dasagghanakam va
atthagghanakam va dehiti vadato anapattiti. Appagghanti idam ca
atirekanivaranatthameva vuttam. Samakepi pana anapatti. Tanca kho
agghavaseneva na pamanavasena. Agghavaddhanakanhidam sikkhapadam
Tasma yo visatiagghanakam antaravasakam cetapetukamo tam ettakameva
agghanakam civaram dehiti vattumpi vattati. Sesam uttanatthameva.
Samutthanadinipi taduttarisikkhapadasadisanevati.
              Pathamaupakkhatasikkhapadavannana nitthita.



             The Pali Atthakatha in Roman Book 2 page 199-202. http://84000.org/tipitaka/atthapali/read_rm.php?B=2&A=4185&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=4185&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=40              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=1350              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=1024              The Pali Tipitaka in Roman Character :- http://84000.org/tipitaka/read/roman_read.php?B=1&A=1024              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]