บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{571} Tena samayenati elakalomasikkhapadam. Tattha upphandesunti kittakena te bhante kitaniti adini vadanta avahasimsu. Thitakova Asumbhiti yatha manussa arannato mahantam darubharam anetva kilanta thitakava patenti evam patesiti attho. {572} Sahatthati sahatthena. Attana haritabbaniti vuttam hoti. Bahitiyojanam patetiti tiyojanato bahi pateti. Anantarayena patanake hatthato muttamatte lomagananaya nissaggiyani pacittiyani. Sace bahitiyojane rukkhe va thambhe va patihannitva puna abbhantare patanti anapatti. Bhumiyam patitva thatva vattamana elakalomabhandika puna anto pavisanti apattiyeva. Anto thatva hatthena va padena va yatthiya va vatteti thatva va athatva va vattamana bhandika gacchanti apattiyeva. Anno harissatiti thapeti tena haritepi apattiyeva. Suddhacittena thapitam vato va anno va attano dhammataya bahi pateti apattiyeva saussahatta acittakatta ca sikkhapadassa. Kurundiyadisu pana ettha anapatti vutta. Sa anapattipaliya na sameti. Ubhatobhandikam ekabaddham katva ekabhandikam antosimayam ekam bahisimayam karonto thapeti rakkhati tava. Ekabaddhe kajepi eseva nayo. Yadi pana abandhitva kajakotiyam thapitamattameva hoti na rakkhati. Ekabaddhepi parivattetva thapite apattiyeva. Annassa yane vati ettha gacchante yane va hatthipitthiyadisu va samikassa ajanantasseva harissatiti thapeti tasmim tiyojanam atikkante apattiyeva. Agacchantepi eseva nayo. Sace pana agacchante Yane va hatthipitthiyadisu va thapetva abhiruhitva sareti hettha va gacchanto codeti pakkosanto va anubandhapeti annam harapetiti vacanato anapatti. Kurundiyadisu pana apattiti vuttam. Tam annam harapetiti imina na sameti. Adinnadane pana sunkaghate apatti hoti. Ya hi tattha apatti sa idha anapatti ya idha apatti sa tattha anapatti. Tam thanam patva annavihito va coradihi va upadduto gacchati apattiyeva. Sabbattha lomagananaya apattiparicchedo veditabbo. {575} Tiyojanam vasadhippayo gantva tato param haratiti yattha gato tattha uddesaparipucchadinam va paccayadinam va alabhena tato param annattha gacchati tatopi annatthati evam yojanasatampi harantassa anapatti. Acchinnam patilabhitvati tam cora acchinditva niratthakabhavam natva patidenti tam harantassa anapatti. Nissattham patilabhitvati vinayakammakatam patilabhitvati attho. Katabhandanti katabhandakam kambalakojavasanthatadim yankinci antamaso suttakena bandhamattampi. Yo pana tanukapattatthavikantare va ayogaamsabandhaka- kayabandhanadinam antaresu va pipphalikadinam malarakkhanattham sipatikaya va antamaso vatabadhiko kannacchiddepi lomani pakkhipitva gacchati apattiyeva. Suttakena pana bandhitva pakkhittam katabhandatthane titthati. Venim katva harati idam nidhanamukhannama apattiyeva. Sesam uttanatthameva. Samutthanadisu idam elakalomasamutthanam nama kayato ca kayacittato ca samutthati kiriya nosannavimokkham acittakam pannattivajjam kayakammam ticittam tivedananti. Elakalomasikkhapadam nitthitam.The Pali Atthakatha in Roman Book 2 page 221-224. http://84000.org/tipitaka/atthapali/read_rm.php?B=2&A=4657&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=4657&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=85 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=6283 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=1634 The Pali Tipitaka in Roman Character :- http://84000.org/tipitaka/read/roman_read.php?B=1&A=1634 Contents of The Tipitaka Volume 1 http://84000.org/tipitaka/read/?index_1
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]