AtthaPali Vol.2

{631} Tena samayenati civaraacchindanasikkhapadam. Tattha yampi tyahanti yampi te aham. So kira mama pattacivaraupahanapaccattharanadini vahanto maya saddhim carikam pakkamissatiti adasi. Tenevamaha. Acchinditi balakkarena aggahesi. Sakasannaya gahitatta panassa parajikam natthi. Kilametva gahitatta apatti pannatta. {633} Sayam acchindati nissaggiyam pacittiyanti ekam civaram ekabaddhani ca bahuni acchindato eka apatti. Ekato abaddhani visum thitani ca bahuni acchindato sanghatim ahara uttarasangam aharati evam @Footnote: ^1. vi. mahavibhanga. 2/3. Aharapayato ca vatthugananaya apattiyo. Maya dinnani sabbani aharati vadatopi ekavacaneneva sambahula apattiyo. Annam anapeti apatti dukkatassati civaram ganhati anapeti ekam dukkatam. Anatto bahuni ganhati ekam pacittiyam. Sanghatim ganha uttarasangam ganhati vadato vacaya vacaya dukkatam. Maya dinnani sabbani ganhati vadato ekavacaya sambahula apattiyo. {634} Annam parikkharanti vikappanupagam pacchimam civaram thapetva yankinci antamaso sucimpi. Vethetva thapitasucisupi vatthugananaya dukkatani. Sithilavethitasu evam. Galham katva baddhasu pana ekameva dukkatanti mahapaccariyam vuttam. Sucighare pakkhattasupi eseva nayo. Thavikaya pakkhipitva sithilabaddhagalhabaddhesu tikatukadibhesajjesupi eseva nayo. {635} So va detiti bhante tumhakamyeva idam saruppanti evam va deti. Athava tena pana avuso mayam tuyham vattapatipattim karissati amhakam santike upajjham ganhissati dhammam pariyapunissatiti civaram adamha so dani tvam na vattam karosi na upajjham ganhasi na dhammam pariyapunasiti evamadini vutto bhante civaratthaya manne bhanatha idam vo civaranti deti. Evampi so va deti. Disapakkantam va pana daharam nivattetha nanti bhanati. So na nivattati. Civaram gahetva rundhathati. Evam ce nivattati sadhu. Sace pattacivaratthaya manne tumhe bhanatha ganhatha nanti deti ca evampi soyeva va deti. Vibbhantam va Disva mayam tuyham vattam karissatiti pattacivaram adamha so dani tvam vibbhamitva carasiti vadati. Itaro ganhatha tumhakam pattacivaranti deti. Evampi soyeva va deti. Mama santike upajjham ganhantasseva te demi annattha ganhantassa na demi vattam karontasseva demi akarontassa na demi dhammam pariyapunantasseva demi apariyapunantassa na demi avibbhamantasseva demi vibbhamantassa na demiti evampana datum na vattati. Dadato dukkatam. Aharapetum pana vattati. Cajitva dinnam acchinditva ganhanto bhandagghena karetabbo. Sesamettha uttanamevati. Tisamutthanam kayacittato vacacittato kayavacacittato ca samutthati kiriya sannavimokkham sacittakam lokavajjam kayakammam vacikammam akusalacittam dukkhavedananti. Civaraacchindanasikkhapadam.

The Pali Atthakatha in Roman Book 2 page 268-270. http://84000.org/tipitaka/atthapali/read_rm.php?B=2&A=5648&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=5648&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=203 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=7852 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=2861 The Pali Tipitaka in Roman Character :- http://84000.org/tipitaka/read/roman_read.php?B=1&A=2861 Contents of The Tipitaka Volume 1 http://84000.org/tipitaka/read/?index_1