AtthaPali Vol.2

{652} Tena samayenati sasankasikkhapadam. Tattha vutthavassa arannakesuti te pubbepi aranneyeva viharimsu. Dubbalacivaratta pana paccayavasena gamantasenasane vassam vasitva nitthitacivara hutva idani nippalibodha samanadhammam karissamati arannakesu senasanesu viharanti. Kattikacorakati kattikamase cora. Paripatentiti upaddavanti tattha tattha adhavitva uttasenti palapenti. Antaraghare nikkhipitunti antogame nikkhipitum. Bhagava yasma paccaya nama dhammena samena dullabha sallekhava hi bhikkhu matarampi vinnapetum na sakkoti tasma civaraguttattham antaraghare nikkhipitum anujanati. Bhikkhunam pana anurupatta arannavasam na patikkhipi. {653} Upavassam kho panati ettha upavassanti upavassa. Upavasitvati vuttam hoti. Upasampajjanti adisu viya hi ettha anunasiko datthabbo. Vassam upagantva vasitva cati attho. Imassa ca tatharupesu bhikkhu senasanesu viharantoti imina sambandho. Kim vuttam hoti. Vassam upagantva vasitva ca tato param pacchimakattikapunnamapariyosanakalam yani kho pana tani arannakani senasanani sasankasammatani sapatibhayani Tatharupesu bhikkhu senasanesu viharanto akankhamano tinnam civaranam annataram civaram antaraghare nikkhipeyyati. Yasma pana yo vassam upagantva yavapathamakattikapunnamam vasati so vutthavassanam abbhantaro hoti tasma imam atigahanam byanjanavicaranam akatva padabhajane kevalam civaranikkheparaham puggalam dassetum vutthavassananti vuttam. Tassapi bhikkhu senasanesu viharantoti imina sambandho. Ayam hi ettha attho vutthavassanam bhikkhunam senasanesu viharantoti. Evarupanam bhikkhunam abbhantare yo koci bhikkhuti vuttam hoti. Arannalakkhanam adinnadanavannanayam vuttam. Ayam pana viseso. Sace viharo parikkhitto hoti parikkhittassa gamassa indakhilato aparikkhittassa parikkheparahatthanato ca patthaya yava viharaparikkhepa minitabbam. Sace viharo aparikkhitto hoti yam sabbapathamam senasanam va bhattasala va dhuvasannipatatthanam va bodhi va cetiyam va dure cepi senasanato hoti tam paricchedam katva minitabbam. Sacepi asanne gamo hoti vihare thitehi gharamanussakanam saddo suyyati pabbatanadiadihi pana antaritatta na sakka ujum gantum yo cassa pakatimaggo hoti sacepi navaya sancaritabbo tena maggena gamato pancadhanusatikam gahetabbam. Yo pana asannagamassa angasampadanattham tato tato maggam pidahati ayam dhutangacoroti veditabbo. Sasankasammataniti sasankaniti sammatani. Evam nataniti attho. Padabhajane Pana yena karanena tani sasankasammatani tam dassetum arame aramupacareti adi vuttam. Saha patibhayena sapatibhayani. Sannihitabalavabhayaniti attho. Padabhajane pana yena karanena tani sapatibhayani tam dassetum arame aramupacareti adi vuttam. Samanta gocaragame nikkhipeyyati arannakassa senasanassa samanta sabbadisabhagesu attana abhirucite gocaragame satiya angasampattiya nikkhipeyya. Tatrayam angasampatti. Purimikaya upagantva mahapavaranaya pavarito hoti idamekam angam. Sace pacchimikaya va upagato hoti chinnavasso va nikkhipitum na labhati. Kattikamasoyeva hoti idam dutiyam angam. Kattikamasato param na labhati. Pancadhanusatikam pacchimameva pamanayuttam senasanam hoti idam tatiyam angam. Unappamane va gavutato atirekappamane va na labhati. Yatra hi pindaya caritva puna viharam bhattavelayam sakka agantum tadeva idha adhippetam. Nimantito pana addhayojanampi yojanam pi gantva vasitum pacceti idamappamanam. Sasankasapatibhayameva hoti idam catuttham angam. Anasankaapatibhaye hi angayuttepi senasane vasanto nikkhipitum na labhatiti. Annatra bhikkhusammatiyati ya uddositasikkhapade kosambikasammati anunnata tasma sammatiya annatra. Sace hi sa laddha hoti charattatirekampi vippavasitum vattati. Puna gamasimam okkamitvati sace gocaragamato puratthimaya disaya Senasanam ayanca pacchimadisam gato hoti senasanam agantva sattamam arunam utthapetum asakkontena gamasimampi okkamitva sabhayam va yattha katthaci va vasitva civarappavuttim natva pakkamitum vattatiti attho. Evam asakkontena tatreva thitena paccuddharitabbam. Atirekacivaratthane thassatiti. Sesamettha uttanamevati. Kathinasamutthanam kayavacato kayavacacittato ca samutthati akiriya nosannavimokkham acittakam pannattivajjam kayakammam vacikammam ticittam tivedananti. Sasankasikkhapadam.

The Pali Atthakatha in Roman Book 2 page 277-280. http://84000.org/tipitaka/atthapali/read_rm.php?B=2&A=5829&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=5829&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=237 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=8761 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3438 The Pali Tipitaka in Roman Character :- http://84000.org/tipitaka/read/roman_read.php?B=1&A=3438 Contents of The Tipitaka Volume 1 http://84000.org/tipitaka/read/?index_1