AtthaPali Vol.2

Khuddakakandavannana yesam navahi vaggehi sangaho supatitthito khuddakanam ayam dani tesam bhavati vannana. {1} Tattha musavadavaggassa tava pathamasikkhapade. Hatthakoti tassa therassa namam. Sakyanam putto sakyaputto. Buddhakale kira sakyakulato asitipurisasahassani pabbajimsu. Tesam so annataroti. Vadakkhittoti vadam karissamiti evam parivitakkitena vadena paravadinam santikam khitto pakkhitto pahito pesitoti attho. Vadamhi va sakena cittena khitto yatra yatra vado tatra tatreva sandissatitipi vadakkhitto. Avajanitva patijanatiti attano vade kinci dosam sallakkhento nayam mama vadoti avajanitva puna kathento kathento niddosatam sallakkhetva mameva ayam vadoti patijanati. Patijanitva avajanatiti kismincideva vacane anisamsam sallakkhento ayam mama vadoti patijanitva puna kathento kathento tattha dosam sallakkhetva nayam mama vadoti avajanati. Annenannam paticaratiti annena karanena annam karanam paticarati paticchadeti ajjhottharati rupam aniccam janitabbatoti vatva puna jatidhammatoti adini vadati. Kurundiyam pana etassa patichadanahetu annam bahum kathetiti vuttam. Tatrayam adhippayo yantam patajanananca Avajanananca tassa paticchadanattham ko aha kim aha kismim ahati evamadim bahum bhasatiti. Puna mahaatthakathayam avajanitva patijananto patijanitva avajananto eva ca annenannam paticaratiti vuttam. Sampajanamusa bhasatiti sampajananto musa bhasati. Sanketam katva visamvadetiti purebhattadisu askasmim nama kale asukasmim nama padese vado hotuti sanketam katva sanketato pure va paccha va gantva passatha bho titthiya na agata parajitati pakkamati. {2} Sampajanamusavadeti janitva janantassa ca musa bhanane. {3} Visamvadanapurekkharassati visamvadanacittam purato katva vadantassa. Vacati micchavacapariyapannavacanasamutthapika cetana. Girati taya cetanaya samutthapitam saddam dasseti. Byapathoti vacanapatho. Vacayeva hi annesampi ditthanugatim apajjantanam pathabhutato byapathoti vuccati. Vacibhedoti vacisannitaya vacaya bhedo. Pabhedagata vacaeva evam vuccati. Vacasika vinnattiti vacivinnatti. Evam pathamapadena suddhacetanava majjhe tihi tamsamutthitasaddasahita ante ekena vinnattisahita cetana kathitati veditabba. Anariyavoharati anariyanam balaputhujjananam vohara. Evam sampajanamusavadam dassetva idani ante vuttanam sampajanamusavadasankhatanam anariyavoharanam lakkhanam dassento adittham namati adimaha. Tattha adittham dittham meti evam vadato vacanam tamsamutthapika va cetana eko anariyavoharoti imina Nayena attho veditabbo. Apicettha cakkhuvasena aggahitarammanam adittham sotavasena aggahitam assutam ghanadivasena tihi indriyehi ekabaddham viya katva aggahitam amutam annatra pancahi indriyehi suddhena vinnaneneva aggahitam avinnatanti veditabbam. Paliyam pana adittham nama na cakkhuna ditthanti evam olarikeneva nayena desana kathitati. Ditthadisu ca attanapi parenapi dittham ditthameva. Evam sutamutavinnatani. Ayameko pariyayo. Aparo pana yam attana dittham ditthameva tam. Esa nayo sutadisu. Yam pana parena dittham tam attana sutatthane titthati. Evam sutadinipi. {4} Idani tesam anariyavoharanam vasena apattim aropetva dassento tihakarehiti adimaha. Tassattho tihakarehi pathamam jhanam samapajjinti sampajanamusa bhanantassa apatti parajikassati evamadicatutthaparajikapalivannanayam vuttanayeneva veditabbo. Kevalam hi tattha pathamam jhanam samapajjinti idha adittham dittham meti. Tattha ca apatti parajikassati idha apatti pacittiyassati. Evam vatthumatte apattimatte ca viseso. Sesam ekalakkhanamevati. {9} Tihakarehi ditthe vematikoti adinampi attho ditthassa hoti parajikam dhammam ajjhapajajanto ditthe vematikoti evamadidutthadosapalivannanayam vuttanayeneva veditabbo. Palimattameva hi ettha viseso. Atthe pana sattheravade kinci nanakaranam natthi. {11} Sahasa bhanatiti avimamsitva Anupadharetva va vegena aditthampi dittham meti bhanati. Annam bhanissamiti annam bhanatiti mandatta jalatta pakkhalatta civaranti vattabbe ciranti adim bhanati. Yo pana samanerena api bhante mayham upajjhayam passathati vutto kelim kurumano tava upajjhayo darusakatam yojetva gato bhavissatiti va sigalasaddam sutva kassayam bhante saddoti vutte matuya te yanena gacchantiya kaddame laggacakkam uddharantanam ayam saddoti va evam nevadava narava annam bhanati so apattim apajjatiyeva. Anna puranakatha nama hoti eko game thokam telam labhitva viharam agato samaneram bhanati tvam ajja kuhim gato gamo ekatelo ahositi va pacchikaya thapitam puvakhandam labhitva ajja game pacchikahi puve harimsuti va. Ayam musavadova hoti. Sesam uttanamevati. Tisamutthanam kayacittato vacacittato kayavacacittato ca samutthati kariya sannavimokkham sacittakam lokavajjam kayakammam vacikammam akusalacittakam tivedananti. Musavadasikkhapadam pathamam.

The Pali Atthakatha in Roman Book 2 page 283-286. http://84000.org/tipitaka/atthapali/read_rm.php?B=2&A=5955&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=5955&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=281 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=10838 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3941 The Pali Tipitaka in Roman Character :- http://84000.org/tipitaka/read/roman_read.php?B=1&A=3941 Contents of The Tipitaka Volume 1 http://84000.org/tipitaka/read/?index_1