ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {12} Dutiyasikkhapade. Tattha omasantiti ovijjhanti. Khumsentiti
akkosanti. Vambhentiti paddhamsenti. {13} Bhutapubbanti idam
vatthum bhagava omasavadagarahanattham ahari. Nandivisalo namati
nanditi tassa balivaddassa namam. Visanani panassa visalani
tasma nandivisaloti vuccati. Bodhisatto tena samayena hoti.
Brahmano tam yagubhattadihi ativiya posesi. Atha so brahmanam
anukampamano gaccha tvanti adimaha. Tattheva atthasiti
ahetukapatisandhikalepi parakhumsanam amanapatoyeva paccesi tasma
brahmanassa dosam dassetukamo atthasi. Sakatasatam atibaddham
pavattesiti patipatiya thapetva hettha rukkhe datva
ekabaddham katva muggamasavalikadihi punnam sakatasatam pavattento
kincapi pubbe patitthitarappadesam puna are patte pavattitam
hoti bodhisatto pana purimasakatena patitthitatthane pacchimasakatam
patitthapetum sakatasatappamanam padesam pavattesi. Bodhisattanam hi
sithilakaranam nama natthi. Tena cattamano ahuti tena brahmanassa
dhanalabhena attano kammena ca so nandivisalo attamano
ahosi. {15} Akkosenapiti ettha pana yasma parato dve
akkosa hino ca akkoso ukkattho cati vibhajitukamo tasma
yatha pubbe hinenapi akkosena khumsentiti vuttam evam avatva
akkosena iccevamaha. Venajatiti tacchakajati. Velukarajatitipi
vadanti. Nesadajatiti migaluddhakadijati. Rathakarajatiti
cammakarajati. Pukkusajatiti pupphachaddakajati. Avakannakati
dasanam namam hoti tasma hinam. Onatanti avamannatam.
Unnatantipi pathanti. Avannatanti vambhetva natam.
Hilitanti jigucchitam. Paribhutanti kimetenati paribhavikatam.
Acitikatanti na garukatam. Kotthakakammanti tacchakakammam. Muddhati
Hatthamuddha. Gananati acchiddakadiavasesaganana. Lekhati
akkharalekha. Madhumehabadho vedanaya abhavato ukkatthoti
vutto. Patikankhati icchitabba. Yakarena va bhakarena vati
yakarabhakare yojetva yo akkoso. Katakotacikaya vati
katanti purisanimittam kotacikati itthinimittam. Etehi va yo
akkoso eso hino nama akkosoti. {16} Idani tesam jatiadinam
pabhedavasena apattim aropetva dassento upasampanno
upasampannanti adimaha. Tattha khumsetukamo vambhetukamo
mankukattukamoti akkositukamo garahitukamo nittejamkattukamoti
attho. Hinena hinanti hinena jativacanena hinajatiya. Etena upayena
sabbapadesu attho veditabbo. Ettha ca hinena hinam vadanto kincapi
saccam vadati omasitukamataya panassa vacaya vacaya pacittiyam.
Ukkatthena hinam vadanto ca kincapi alikam bhanati omasitukamataya
pana iminava sikkhapadena pacittiyam apajjati na purimena.
Yopi aticandalosi atibrahmanosi dutthacandalosi
dutthabrahmanositi adini vadati sopi apattiya karetabbova. {26} Santi
idhekacceti vare pana pariharitva vuttabhavena dukkatam. Eseva
nayo yenuna namayanti varesupi. Anupasampanne pana catusupi
varesu dukkatameva. Corosi ganthibhedakositi adivacanehi pana
upasampannepi anupasampannepi sabbavaresu dukkatameva. Davakamyataya
pana upasampannepi anupasampannepi sabbavaresu dubbhasitam.
Davakamyata nama kelihasadhippayata. Imasmim ca sikkhapade
thapetva bhikkhum bhikkhuniadayo sabbasatta anupasampannatthane
thitati veditabba. {35} Atthapurekkharassati adisu paliya attham
vannayanto atthapurekkharo. Palim vacento dhammapurekkharo.
Anusasaniyam thatva idanipi candalosi papam ma akasi ma
tamotamaparayano ahositi adina nayena kathento anusasanipurekkharo
namati veditabbo. Sesam uttanamevati. Tisamuttheanam
kayacittato vacacittato kayavacacittato ca samutthati
kariya sannavimokkham sacittakam lokavajjam kayakammam vacikammam
akusalacittam dukkhavedananti. Dubbhasitapatti panettha vacacittato
samutthati kiriya sannavimokkham sacittakam akusalacittam dvivedanam
sukha ca majjhatta cati.
                  Omasavadasikkhapadam dutiyam.



             The Pali Atthakatha in Roman Book 2 page 286-289. http://84000.org/tipitaka/atthapali/read_rm.php?B=2&A=6032&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=6032&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=300              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=11365              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=4336              The Pali Tipitaka in Roman Character :- http://84000.org/tipitaka/read/roman_read.php?B=1&A=4336              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]