Atthakatha Book 2 : PALI ROMAN
Vinaya.A. (samanta.2)

     {36} Tatiyasikkhapade. Bhandanajatananti sanjatabhandananam.
Bhandananti kalahassa pubbabhago. Imina ca imina ca idam
katanti evam vutte evam vakkhamati adikam sakasakapakkhe
sammantanam. Kalahoti apattigamiko kayavacavitikkamo.
Vivadoti viggahikakatha. Tam vivadam apannanam vivadapannanam.
Pesunnanti pisunavacam. Piyabhavassa sunnakaranavacanti vuttam
hoti. {37} Bhikkhupesunneti bhikkhunam pesunne bhikkhuto sutva
bhikkhuna bhikkhussa upasamhatapesunneti attho. {38} Dvihi akarehiti
Dvihi karanehi. Piyakamyassa vati evam aham etassa piyo bhavissamiti
attano piyabhavam patthayamanassa va. Bhedadhippayassa vati evam
ayam etena saddhim bhijjissatiti parassa parena bhedam icchantassa
va. Jatito vati adi sabbam purimasikkhapade vuttanayameva.
Idhapi bhikkhunim adim katva sabbe anupasampanna nama. Na
piyakamyassa na bhedadhippayassati ekam akkosantam ekanca
khamantam disva aho nillajjo idisampi nama bhavantam puna vattabbam
mannissatiti evam kevalam papagarahitaya bhanantassa anapatti.
Sesam uttanatthameva. Tisamutthanam kayacittato vacacittato
kayavacacittato ca samutthati kiriya sannavimokkham sacittakam
lokavajjam kayakammam vacikammam akusalacittam tivedananti.
                   Pesunnasikkhapadam tatiyam.


             The Pali Atthakatha in Roman Book 2 page 289-290.
http://84000.org/tipitaka/atthapali/read_rm.php?B=2&A=6092&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=6092&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=1&i=375
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=13152
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=4953
             The Pali Tipitaka in Roman Character :-
http://84000.org/tipitaka/read/roman_read.php?B=1&A=4953
             Contents of The Tipitaka Volume 1
http://84000.org/tipitaka/read/?index_1