AtthaPali Vol.2

{78} Navamasikkhapade. Dutthulla nama apatti cattari parajikani terasa ca sanghadisesati imissa paliya parajikani dutthullasaddadassanattham vuttani sanghadisesam pana idhadhippetanti atthakathasu vuttam. Tatrayam vicarana. Sace ^1- parajikam arocentassa pacittiyam na bhaveyya. Yatha samanepi bhikkhubhikkhuninam upasampannasadde yattha bhikakhuni anadhippeta hoti tattha bhikkhum thapetva avaseso anupasampannoti vuccati evamidha samanepi parajikasanghadisesanam dutthullasadde yadi parajikam anadhippetam dutthulla nama apatti terasa sanghadisesati etadeva vattabbam siya. Tattha bhaveyya yo parajikam apanno so bhikkhubhavato cuto tasma tassa apattim arocento dukkatam apajjatiti. Evam sati akkosantopi dukkatam apajjeyya pacittiyameva ca apajjatiti. Vuttam hetam asuddho hoti puggalo annataram parajikam dhammam ajjhapanno tance suddhaditthi samano okasam karapetva akkosadhippayo vadati apatti omasavadassati. Evam paliya vicarayamanaya parajikam arocentassapi pacittiyameva dissati. Kincapi dissati athakho sabbaatthakathasu vuttatta atthakathacariyava @Footnote: ^1. idam padam pamadalikhitam hoti. athava. sace parajikam arocetiti vattabbam.

--------------------------------------------------------------------------------------------- page307.

Ettha pamanam. Na annapi vacarana. Pubbepi avocumha buddhena dhammo vinayo ca vutto yo tassa puttehi tatheva natoti ^1- adi. Atthakathacariya hi buddhassa adhippayam jananti. Iminapi cetam pariyayena veditabbam. Annatra bhikkhusammatiyati hi vuttam. Bhikkhusammatiya ca arocanam ayatim samvaratthaya puna tatharupam apattim anapajjanatthaya bhagavata anunnatam na ca tassa bhikkhuno avannamattappakasanatthaya na ca sasane tassa patitthanisedhanatthaya na ca parajikam apannassa puna tatharupaya apattiya anapajjanena bhikkhubhavo nama atthi tasma parajikani dutthullasaddadassanattham vuttani sanghadisesam pana idhadhippetanti yam atthakathasu vuttam tam suvuttam. {80} Atthi bhikkhusammati apattipariyantati adisu pana ya ayam bhikkhusammati vutta sa na katthaci agata idha vuttattayeva pana abhinhapattikam bhikkhum disva evamesa paresu hirottappenapi ayatim samvaram apajjissatiti tassa bhikkhuno hitesitaya tikkhattum apaloketva sanghena katabbati veditabba. {82} Adutthullam apattim aroceti apatti dukkatassati pancapi apattikkhandhe arocentassa dukkatam. Mahapaccariyam parajikam arocentassapi dukkatameva vuttam. Anupasampannassa dutthullam va adutthullam va ajjhacaranti ettha adito panca sikkhapadani dutthullo nama ajjhacaro sesani adutthulalo. Sukkavisatthikayasamsaggadutthullaattakama panassa ajjhacaro namati vuttam. @Footnote: ^1. samanta. 1/39.

--------------------------------------------------------------------------------------------- page308.

{83} Vatthum arocetiti ayam sukkavisatthim apanno kayasamsaggam apanno dutthullam apanno attakamam apannoti evam vadantassa anapatti. Apattim arocetiti ayam parajikam apanno sanghadisesam apanno thullaccayam apanno pacittiyam patidesaniyam dukkatam dubbhasitam apannoti vadati anapatti. Ayam asucim mocetva sanghadisesam apannoti adina nayena vatthuna saddhim apattim ghatetva arocentasseva apatti. Sesamettha uttanameva. Tisamutthanam kayacittato vacacittato kayavacacittato ca samutthati kiriya sannavimokkham sacittakam lokavajjam kayakammam vacikammam akusalacittam dukkhavedananti. Dutthullarocanasikkhapadam navamam.

The Pali Atthakatha in Roman Book 2 page 306-308. http://84000.org/tipitaka/atthapali/read_rm.php?B=2&A=6441&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=6441&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=-463 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=15576 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=6273 The Pali Tipitaka in Roman Character :- http://84000.org/tipitaka/read/roman_read.php?B=1&A=6273 Contents of The Tipitaka Volume 1 http://84000.org/tipitaka/read/?index_1