AtthaPali Vol.2

{116} Dutiyasenasanasikkhapade. Bhisiti mancakabhisi va pithakabhisi va. Cimilikadini purimasikkhapade vuttappakaraniyeva. Nisidananti sadasam veditabbam. Paccattharananti pavaro kojavoti ettakameva vuttam. Tinasantharoti yesam kesanci tinanam santharo. Esa nayo pannasanthare. Parikkhepam atikkamentassati ettha pathamapadam atikkamentassa dukkatam. Dutiyatikkame pacittiyam. Aparikkhittassa upacaro nama senasanato dve leddupata. Anapuccham va gaccheyyati ettha Bhikkhumhi sati bhikkhu apucchitabbo. Tasmim asati samanero tasmim asati aramiko tasmimpi asati yena viharo karito so viharassamiko tassa va kule yokoci apucchitabbo. Tasmimpi asati catusu pasanesu mancam thapetva mance avasesamancapithani aropetva upari bhisiadikam dasavidhampi seyyam rasim karitva darubhandam mattikabhandam patisametva dvaravatapanani pidahitva gamiyavattam puretva gantabbam. Sace pana senasanam ovassati chadanatthanca tinam va itthaka va anita honti sace ussahati chadetabbam. No ce sakkoti yo okaso anovassako tattha mancapithadim nikkhipitva gantabbam. Sace sabbampi ovassati ussahantena antogame upasakanam ghare thapetabbam. Sace tepi sanghikam nama bhante bhariyam aggidahadinam bhayamati na sampaticchanti ajjhokasepi pasananam upari mancam thapetva sesam pubbe vuttanayeneva nikkhipitva tinehi ca pannehi ca paticchadetva gantum vattati. Yam hi tattha angamattampi avasissati tam annesam tattha agatanam bhikkhunam upakaram bhavissatiti. {117} Viharassa upacareti adisu viharassa upacaro nama parivenam. Upatthanasalati parivenabhojanasala. Mandapoti parivenamandapo. Rukkhamulanti parivenarukkhamulam. Ayam tava nayo kurundatthakathayam vutto. Kincapi vutto athakho viharoti antogabbho va annam va sabbaparicchannam guttasenasanam veditabbam. Viharassa upacareti tassa bahi asanne okase. Upatthanasalayam Vati bhojanasalayam va. Mandape vati aparicchanne paricchanne vapi bahunam sannipatamandape. Rukkhamule vattabbam natthi. Apatti dukkatassati vuttappakaram hi dasavidham seyyam antogabbhadimhi guttatthane ca pannapetva gacchantassa yasma seyyapi senasanampi upacikadihi palujjati vammikarasiyeva hoti tasma pacittiyam vuttam. Bahi pana upatthanasaladisu pannapetva gacchantassa seyyamattameva nasseyya thanassa aguttataya na senasanam tasma ettha dukkatam vuttam. Mancam va pitham vati ettha yasma na sakka mancapitham sahasa upacikahi khayitum tasma tam viharepi santharitva gacchantassa dukkatam vuttam. Viharupacare pana tam viharacarikam ahindantapi bhikkhu disva patisamessanti. {118} Uddharitva gacchatiti ettha uddharitva gacchantena mancapithakavanam sabbam apanetva samharitva civaravamse laggetva gantabbam. Paccha agantva vasanakabhikkhunapi puna mancapitham vayitva gacchantena tatheva katabbam. Antokuddato seyyam bahikudde pannapetva vasantena gamanakale gahitagahitatthaneyeva patisametabba. Uparipasadato oropetva hetthapasade vasantasasapi eseva nayo. Rattitthanadivatthanesu mancapitham pannapetvapi gamanakale puna gahitatthaneyeva thapetabbam. Apuccham gacchatiti ettha ayam apucchitabbanapucchitabbavinicchayo. Ya tava bhumiyam dighasala va pannasala va hoti yam va rukkhatthambhesu katageham upacikanam utthanatthanam hoti tato Pakkamantena tava apucchitva pakkamitabbam. Tasmim hi katipayani divasani ajaggiyamane vammikava santitthanti. Yam pana pasanapitthiyam va pasanatthambhesu va katasenasanam siluccayalenam va sudhalittasenasanam va yattha upacikasanka natthi tato pakkamantassa apucchitvapi anapucchitvapi gantum vattati. Apucchanam pana vattam. Sace tadisepi senasane ekena passena upacika arohanti apucchitvava gantabbam. Yo pana agantuko bhikkhu sanghikam senasanam gahetva vasantam bhikkhum anuvattanto attano senasanam aggahetva vasati. Yava so na ganhati tava tam senasanam purimabhikkhusseva palibodho. Yada pana so senasanam gahetva attano issariyena vasati tato patthaya agantukasseva palibodho. Sace ubhopi vibhajitva ganhanti ubhinnampi palibodho. Mahapaccariyam pana vuttam sace dve tayo ekato hutva pannapenti gamanakale sabbehi apucchitabbam. Tesu ce pathamam gacchanto pacchimo jaggissatiti abhogam katva gacchati vattati. Pacchimassa abhogena mutti natthi. Bahu ekam pesetva santharapenti gamanakale sabbehi apucchitabbam ekam va pesetva apucchitabbam. Annato mancapithadini anetva annatra vasitvapi gamanakale tattheva netabbani. Sace annato anetva vasamanassa anno vuddhataro agacchati na patibahitabbo maya bhante annavasato anitam pakatikam kareyyathati vattabbam. Tena evam Karissamiti sampaticchite itarassa gantum vattati. Evam annattha haritvapi sanghikaparibhogena paribhunjantassa hi nattham va jinnam va corehi va hatam giva na hoti puggalikaparibhogena paribhunjantassa pana giva hoti. Annassa mancapitham pana sanghikaparibhogena va puggalikaparibhogena va paribhunjantassa nattham givayeva. Kenaci palibuddham hotiti vuddhatarabhikkhuissarayakkhasihavalamigakanhasappadisu kenaci senasanam palibuddham hoti. Sapekkho gantva tattha thito apucchati kenaci palibuddho hotiti ajjeva agantva patijaggissamiti evam sapekkho nadiparam va gamantaram va gantva yatthassa gamanacittam uppannam tattheva thito kanci pesetva apucchati nadipurarajacoradisu va kenaci palibuddho hoti. Upadduto na sakkoti paccagantum evam tassapi anapatti. Sesam pathamasikkhapade vuttanayameva saddhim samutthanadihi. Dutiyasenasanasikkhapadam pancamam.

The Pali Atthakatha in Roman Book 2 page 338-342. http://84000.org/tipitaka/atthapali/read_rm.php?B=2&A=7131&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7131&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=538 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=17310 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=7262 The Pali Tipitaka in Roman Character :- http://84000.org/tipitaka/read/roman_read.php?B=1&A=7262 Contents of The Tipitaka Volume 1 http://84000.org/tipitaka/read/?index_1