บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{119} Chatthasikkhapade. Palibuddhantiti pathamataram gantava pattacivaram atiharitva rumbhitva titthanti. There bhikkhu vutthapentiti amhakam avuso papunatiti vassaggena gahetva vutthapenti. Anupakhajja seyyam kappentiti tumhakam bhante mancatthanamyeva papunati na sabbo viharo amhakandani idam thanam papunatiti anuppavisitva mancapitham pannapetva nisidantipi nipajjantipi sajjhayampi karonti. {120} Jananti anutthapaniyo ayanti jananto. Tenevassa Vibhange vuddhoti janatiti adi vuttam. Vuddho hi attano vuddhataya anutthapaniyo gilano gilanataya. Sangho pana bhandagarikassa va dhammakathikavinayadharadinam va ganavacakaacariyassa va bahupakaratam gunavisitthatanca sallakkhento dhuvavasatthaya viharam sammannitva deti. Tasma yassa sanghena dinno sopi anutthapaniyo. Kamam cettha gilanassapi sanghoyeva anucchavikam senasanam deti gilano pana apaloketva sanghena adinnasenasanopi na piletabbo anukampitabboti dassetum visum vutto. {121} Upacareti ettha mancapithanam tava mahallake vihare samanta diyaddho hattho upacaro. Khuddake yato pahoti tato diyaddho hattho. Pade dhovitva pavisantassa passavatthaya nikkhamantassa ca yava dvare nikkhittapadadhovanapasanatthanato passavatthanato ca mancapitham tava diyaddhahatthavittharo maggo upacaro nama. Tasmim mancassa va pithassa va upacare thitassa va bhikkhuno pavisantassa va nikkhamantassa va upacare yo anupakhajja seyyam kappetukamo seyyam santharati va santharapeti va apatti dukkatassa. Abhinisidati va abhinipajjati vati ettha abhinisidanamattena abhinipajjanamatteneva va pacittiyam. Sace pana dvepi karoti dve pacittiyani. Utthayutthaya nisidato va nipajjato va payoge payoge pacittiyam. {122} Upacaram thapetva seyyam santharati va santharapeti vati imasmim ito pare ca viharassa upacareti Adike dukkatavarepi yatha idha abhinisidanaabhinipajjanamatte ubhayakarane payogabhede ca pacittiyappabhedo vutto evam dukkatappabhedo veditabbo. Evarupena hi visabhagapuggalena ekavihare va ekaparivene va vasantena attho natthi tasma sabbatthevassa nivaso varito. Annassa puggaliketi idhapi vissasikassa puggalikam attano puggalikasadisameva tattha anapatti. {123} Apadasuti sace bahi vasantassa jivitabrahmacariyantarayo hoti evarupasu apadasu yo pavisati tassapi anapatti. Sesam uttanamevati. Pathamaparajikasamutthanam kiriya sannavimokkham sacittakam lokavajjam kayakammam akusalacittam dukkhavedananti. Anupakhajjasikkhapadam chattham.The Pali Atthakatha in Roman Book 2 page 342-344. http://84000.org/tipitaka/atthapali/read_rm.php?B=2&A=7215&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7215&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=564 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=17841 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=7641 The Pali Tipitaka in Roman Character :- http://84000.org/tipitaka/read/roman_read.php?B=1&A=7641 Contents of The Tipitaka Volume 1 http://84000.org/tipitaka/read/?index_1
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]