ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 2 : PALI ROMAN Vinaya.A. (samanta.2)

     {141-144} Bhikkhunivaggassa pathamasikkhapade. Labhino hontiti ettha
na tesam bhikkhuniyo denti na dapenti. Mahakulehi pabbajita pana
kuladhitaro attano santikam agatanam natimanussanam kuto ayye
ovadam uddesam paripuccham labhathati pucchantanam asuko ca asuko ca
thero ovadatiti asitimahasavake uddisitva kathanusarena tesam
silasutacarajatigottadibhedam vijjamanagunam kathayanti. Evarupa hi
vijjamanaguna kathetum vattanti. Tato pasannacitta manussa
theranam civaradibhedam mahantam labhasakkaram abhiharimsu. Tena vuttam
labhino honti civara .pe. Parikkharanti 1-. Bhikkhuniyo
upasankamitvati tesam kira santike tasu eka bhikkhunipi na agacchati
@Footnote: 1. vi. mahavibhanga. 2/265.
Abhinham labhatanhaya pana akaddhiyamanahadaya tasam upassayam
agamamsu. Tam sandhaya vuttam bhikkhuniyo upasankamitvati. Tapi
bhikkhuniyo calacittataya tesam vacanam akamsuyeva. Tena vuttam athakho
ta bhikkhuniyo .pe. Nisidimsuti 1-. Tiracchanakathanti saggamaggagamanepi
tiracchanabhutam rajakathadimanekavidham niratthakakatham. Iddhoti samiddho.
Sahitattho gambhiro bahuraso lakkhanapativedhasamyuttoti adhippayo.
     {145-147} Anujanami bhikkhaveti ettha yasma te bhikkhu ma tumhe bhikkhave
bhikkhuniyo ovaditthati vuccamana adhitthasaccatta tathagate aghatam
bandhitva apayupaga bhaveyyum tasma tesam tam apayupagatam
pariharanto bhagava anneneva upayena te bhikkhunovadato
paribahire kattukamo idam bhikkhuniovadasammatim anujanatiti
veditabbo. Evam idha paribahire kattukamyataya anujanitva
parato karontova anujanami bhikkhave atthahangehi samannagatanti 2-
adimaha. Imani hi attha angani chabbaggiyanam supinantenapi
na bhutapubbaniti.
     Tattha silamassa atthiti silava. Idani yanca atthi silam
yatha ca tassa atthi nama hoti tam dassento patimokkhasamvarasamvutoti
adimaha. Tattha patimokkhova samvaro patimokkhasamvaro.
Patimokkhasamvarena samvuto samannagatoti patimokkhasamvarasamvuto.
Viharatiti vattati. Vuttam hetam vibhange patimokkhanti silam
patittha adi caranam samyamo samvaro mukham pamukham kusalanam dhammanam
@Footnote: 1. 2. vi. mahavibhanga. 2/267 268.
Samapattiya samvaroti kayiko avitikkamo vacasiko avitikkamo
kayikavacasiko avitikkamo samvutoti imina patimokkhasamvarena
upeto hoti samupeto upagato 1- samupagato uppanno samuppanno
samannagato tena vuccati patimokkhasamvarasamvutoti viharatiti iriyati
vattati paleti yapeti yapeti carati viharati tena vuccati viharatiti 2-.
Acaragocarasampannoti micchajivapatisedhakena naveludanadina
acarena vesiyadiagocaram pahaya saddhasampannakuladina ca gocarena
sampanno acaragocarasampanno. Anumattesu vajjesu bhayadassaviti
appamattakesu vajjesu bhayadassavi. Tani vajjani bhayato
dassanasiloti vuttam hoti. Samadaya sikkhati sikkhapadesuti
adhisilasikkhadibhavena tidha thitesu sikkhapadesu tamtam sikkhapadam samadaya
samma adaya sadhukam gahetva avijahanto sikkhatiti attho.
Ayamettha sankhepo. Vittharam pana yo icchati tena
papancasudaniyam va majjhimatthakathayam sammohavinodaniyam va vibhangatthakathayam
visuddhimaggato va gahetabbo. Bahum sutamassati bahussuto.
Sutam dharetiti sutadharo. Yadassa tam bahussutam nama tam na
sutamattameva athakho tam dharetiti attho. Manjusayam viya ratanam
sutam sannicitamasminti sutasannicayo. Etena yam so sutam dhareti
tassa manjusaya gopetva sannicitaratanasseva cirakalenapi avinasam
dasseti. Idani tam sutam sarupato dassento yete dhammati
adimaha. Tam veranjakande vuttanayameva. Idam panettha
@Footnote: 1. paliyam upagatoti dissati. 2. abhi. vi. 35/131.
Nigamanam. Tatharupassa dhamma bahussuta honti tasma bahussuto
dhata tasma sutadharo vacasa paricita manasanupekkhita ditthiya
supatividdha tasma sutasannicayo. Tattha vacasa paricitati vacaya
pagunikata. Manasanupekkhitati manasa anupekkhita avajjantassa
dipasahassena obhasita viya honti. Ditthiya supatividdhati atthato
ca karanato ca pannaya sutthu patividdha supaccakkhikata honti.
     Ayam pana bahussuto nama tividho hoti nissayamuccanako
parisupatthapako bhikkhunovadakoti. Tattha nissayamuccanakena
upasampadaya pancavassena sabbantimena paricchedena dve matika
paguna vacuggata katabba pakkhadivasesu dhammassavanatthaya
suttantato cattaro bhanavara sampattanam parikathanatthaya
andhakavindamaharahulovadaambatthasadiso eko kathamaggo
sanghabhattamangalamangalesu anumodanatthaya tisso anumodana
uposathappavaranadijananattham kammakammavinicchayo samanadhammakaranattham
samadhivasena va vipassanavasena va arahattapariyosanamekam kammatthanam
ettakam uggahetabbam. Ettavata hi ayam bahussuto hoti catuddiso
yattha katthaci attano issariyena vasitum labhati. Parisupatthapakena
upasampadaya dasavassena sabbantimena paricchedena parisam abhivinaye
vinetum dve vibhanga paguna vacuggata katabba.
Asakkontena tihi janehi saddhim parivattanakkhama katabba.
Kammakammanca khandhakavattanca uggahetabbam. Parisaya pana
Abhidhammavinayanattham sace majjhimabhanako hoti mulapannasako
uggahetabbo. Dighabhanakena mahavaggopi. Samyuttabhanakena
hetthima va tayo vagga mahavaggo va. Anguttarabhanakena
hettha va upari va upaddhanikayo uggahetabbo. Asakkontena
tikkanipatato patthaya hettha uggahetumpi vattati. Mahapaccariyam
pana ekam ganhantena catukkanipatam va pancakanipatam va
uggahetumpi vattatiti vuttam. Jatakabhanakena saatthakatham jatakam
uggahetabbam. Tato oram na vattati. Dhammapadampi saha vatthuna
uggahetum vattatiti mahapaccariyam vuttam. Tato tato samuccayam
katva mulapannasakamattampi vattati na vattatiti. Na vattatiti
kurundatthakathayam patikkhittam. Itarasu vicaranayeva natthi.
Abhidhamme kinci gahetabbanti na vuttam. Yassa pana saatthakathampi
vinayapitakam abhidhammapitakanca pagunam suttante ca vuttappakaro
gantho natthi parisam upatthapetum na labhati. Yena pana
suttantato ca vinayato ca vuttappamano gantho uggahito ayam
parisupatthapako bahussuto hoti disapamokkho yenakamamgamo
parisam upatthapetum labhati. Bhikkhunovadakena pana saatthakathani
tini pitakani uggahetabbani. Asakkontena catusu nikayesu
ekassa atthakatha paguna katabba. Ekanikayena hi
sesanikayesupi panham kathetum sakkissati. Sattasu pakaranesu
catuppakaranassa atthakatha paguna katabba. Tattha laddhanayena
Hi sesaspakaranesu panham kathetum sakkissati. Vinayapitakam pana
nanattham nanakaranam tasma tam saddhim atthakathaya pagunam
katabbameva. Ettavata ca bhikkhunovadako bahussuto nama
hotiti.
     Ubhayani kho panassati adi pana yasma annasmim sakale
navangepi bahusacce sati saatthakatham vinayapitakam vina na vattatiyeva
tasma visum vuttam. Tattha vittharenati ubhatovibhangena saddhim.
Svagataniti sutthu agatani. Yatha agatani pana svagatani
honti tam dassetum suvibhattanitiadi vuttam. Tattha
suvibhattaniti sutthu vibhattani padapacchabhatthasankaradosavirahitani.
Suppavattiniti pagunani vacuggatani. Suvinicchitani suttasoti
khandhakaparivarato aharitabbasuttavasena sutthu vinicchitani.
Anubyanjanasoti akkharapadaparipuriya ca suvinicchitani akhandani
aviparitakkharani. Etena atthakatha dipita. Atthakathato hi
esa vinicchayo hoti. Kalyanavacoti sithiladhanitadinam
yathavidhanavacanena parimandalapadabyanjanaya poriya vacaya samannagato
vissatthaya anelagalaya atthassa vinnapaniya. Kalyanavakkaranoti
madhurassaro. Matugamo hi sarasampattirato tasma parimandalapadabyanjanampi
vacanam sarasampattirahitam hileti. Yebhuyyena bhikkhuninam
piyo hoti manapoti sabbasam piyo nama dullalo. Bahussutanam
pana panditanam bhikkhuninam silacarasampattiya piyo hoti
Manavaddhanako. Patibalo hoti bhikkhuniyo ovaditunti suttanca
karananca dassento vattabhayena tajjetva bhikkhuniyo ovaditum
tasam dhammam desetum samattho hoti. Kasayavatthavasanayati
kasayavatthanivatthaya. Garudhammanti gihikale bhikkhuniya kayasamsaggam va
sikkhamanasamanerisu methunadhammam va anajjhapannapubbo hoti. Matugamo
hi pubbe katamanussaranto samvare thitassapi dhammadesanaya garavam
na karoti. Athava tasmimyeva asaddhamme cittam uppadeti.
Visativasso vati upasampadaya visativasso tato atirekavisativasso
va. Evarupehi visabhagehi vatthuhi punappunam samagacchantopi
daharo viya sahasa silavinasam na sampapunati. Attano vayam
paccavekkhitva ayuttatthane chandaragam vinetum patibalo hoti.
Tena vuttam visativasso va hoti atirekavisativasso vati. Ettha ca
silavati adi ekamangam bahussutoti adi dutiyam ubhayani kho
panassati adi tatiyam kalyanavaco hoti kalyanavakkaranoti
catuttham yebhuyyena bhikkhuninam piyo hoti manapoti pancamam patibalo
hoti bhikkhuniyo ovaditunti chattham na kho panetantiadi sattamam
visativassotiadi atthamanti veditabbam. {148} Natticatutthenati pubbe
vatthusmim vuttanayeneva.
     Garudhammehiti garukehi dhammehi. Te hi garavam katva bhikkhunihi
sampaticchitabbatta garudhammati vuccanti. Ekato upasampannati
ettha bhikkhuninam santike ekato upasampannaya yo garudhammena
Ovadati tassa dukkatam. Bhikkhunam santike upasampannaya pana
yathavatthukameva. {149} Parivenam sammajjitvati sace pato asammattham
sammatthampi va puna tinapannadihi ukkalapam padappaharehi ca
vikinnavalikam jatam sammajjitabbam. Asammattham hi tam disva ayyo
attano nissitake daharabhikkhupi vattapatipattiyam na yojeti dhammamyeva
kathetiti ta bhikkhuniyo assotukama viya bhaveyyum. Tena vuttam
parivenam sammajjitvati. Antogamato pana bhikkhuniyo agacchantiyo
pipasita ca kilanta ca honti. Ta paniyanca hatthapadamukhasitalakarananca
paccasimsanti. Tasminca asati purimanayeneva agaravam
janetva assotukamapi honti. Tena vuttam paniyam paribhojaniyam
upatthapetvati 1-. Asananti nicapithakaphalakatattikakatasarakadibhedam
antamaso sakhabhangampi idam tasam asanam bhavissatiti evam asanam
pannapetva dhammadesanapattimocanattham pana dutiyo icchitabbo.
Tena vuttam dutiyam gahetvati. Nisiditabbanti na viharapaccante
athakho viharamajjhe uposathagarassa va bhojanasalaya va dvare
sabbesam osaranatthane nisiditabbam. Samaggatthati sabba
agatatthati attho. Vattantiti agacchanti. Paguna vacuggatati
attho. Niyyadetabboti appetabbo. Osaretabbati pali
vattabba. Vassasatupasampannayati adi vattabbapalidassanam.
Tattha samicikammanti maggasampadanavijanapaniyapucchanadikam anucchavikam
vattam. Ettha ca bhikkhuniya bhikkhussa abhivadanannama
@Footnote: 1. paliyam upatthapetvati patho dissati.
Antogame va bahigame va antovihare va bahivihare va
antaraghare va rathikaya va antamaso rajussaranayapi vattamanaya
deve vassamane sakaddamaya bhumiya chattapaggahatthayapi 1- hatthiassadihi
anubaddhayapi katabbameva. Ekabaddhameva paliya bhikkhacaram
pavisante disva ekasmim thane vandami ayyati vanditum vattati.
Sace antarantara dvadasahatthe muncitva gacchanti visum
vanditabba. Mahasannipate sannisinne ekasmimyeva thane vanditum
vattati. Esa nayo anjalikammepi. Yatthakatthaci nisinnaya
pana paccutthanam katabbam. Tassa tassa samicikammassa anurupe
padese ca kale ca tamtam katabbam. Sakkatvati yatha kato sukato
hoti evam katva. Garukatvati tattha garavam janetva. Manetvati
manena piyam katva. Pujetvati imesamyeva tinnam kiccanam
karanena pujetva. Natikkamaniyoti na atikkamitabbo. Abhikkhuke
avaseti ettha sace bhikkhuniupassayato addhayojanabbhantare okase
ovadadayaka bhikkhu na vasanti ayam abhikkhuko avaso nama.
Ettha vassam na vasitabbam. Vuttam hetam abhikkhuko nama avaso
na sakka hoti ovadaya va samvasaya va gantunti 2-. Na ca
sakka tato param pacchabhattam gantva dhammam sutva agantum. Sace
tattha vassam vasitum anicchamana bhikkhuniyo nataka va upatthaka
va evam vadanti vasathayye mayam bhikkhu anessamati vattati.
Sace pana vuttappamane padese vassam upagantukama bhikkhu
@Footnote: 1. chattapattahatthayapiti yojanapatho. 2. vi. bhikkhunivibhanga. 3/190.
Agantva sakhamandapepi ekarattam vuttha honti na nimantita
hutva gantukama ettavatapi sabhikkhuko avaso nama
hoti. Ettha vassam upagantum vattati. Upagacchantihi ca pakkhassa
terasiyamyeva bhikkhu yacitabba mayam ayya tumhakam ovadena
vasissamati. Yato pana ujuna maggena addhayojane bhikkhunam
vasanatthanam tena maggena gacchantinam jivitantarayo va
brahmacariyantarayo va hoti annena maggena gacchantinam
atirekaddhayojanam hoti ayam abhikkhukavasatthaneyeva titthati.
Sace pana tato gavutamatte anno bhikkhunupassayo khematthane
hoti tahi bhikkhunihi ta bhikkhuniyo yacitva puna gantva bhikkhu
yacitabba ayya amhakam ujumagge antarayo atthi annena
maggena atirekaddhayojanam hoti antaramagge pana amhakam upassayato
gavutamatte anno bhikkhunupassayo atthi ayyanam santika tattha
agataovadena vasissamati. Tehi bhikkhuhi sampaticchitabbam.
Tato tahi bhikkhunihi tam bhikkhuniupassayam agantva uposatho
katabbo. Ta va bhikkhuniyo disva attano upassayameva
gantva katumpi vattati. Sace pana vassam upagantukama bhikkhu
catuddase viharam agacchanti bhikkhunihi ca idha ayya vassam
vasissathati pucchita amati vatva puna tahi tenahi ayya mayampi
tumhakam ovadam anujivantiyo vasissamati vutta dutiyadivase game
bhikkhacarasampadam apassanta na sakka idha vasitunti pakkamanti
Atha ta bhikkhuniyo uposathadivase viharam gata bhikkhu na passanti
ettha kim katabbanti. Yattha bhikkhu vasanti tattha gantva
pacchimikaya vassam upagantabbam. Pacchimikaya vassam upagantum
agamissantiti va abhogam katva agatanam santike ovadena
vasitabbam. Sace pana pacchimikayapi na koci agacchati antaramagge
ca rajabhayam va corabhayam va dubbhikkham va hoti abhikkhuke
avase vasantiya apatti vassacchedam katva gacchantiyapi apatti.
Sa rakkhitabba. Apadasu hi abhikkhuke avase vasantiya
anapatti vutta. Sace agantva vassam upagata bhikkhu puna
kenacideva karanena pakkamanti vasitabbameva. Vuttanhetam
anapatti vassupagata bhikkhu pakkanta va honti vibbhanta
  va kalakata va pakkhasankanta va apadasu ummattikaya
adikammikayati 1-. Pavarentiya pana yattha bhikkhu atthi tattha
gantva pavaretabbam. Anvaddhamasanti addhamase addhamase.
Dve dhamma paccasimsitabbati dve dhamma icchitabba.
Uposathapucchakanti uposathapucchanam. Tattha pannarasike uposathe
pakkhassa catuddasiyam catuddasike terasiyam gantva uposatho
pucchitabbo. Mahapaccariyam pana pakkhassa terasiyameva gantva
ayam uposatho catuddasikoti pannarasikoti pucchitabbanti vuttam.
Uposathadivase ovadatthaya upasankamitabbam. Patipadadivasato
pana patthaya dhammassavanatthaya gantabbam. Iti bhagava
@Footnote: 1. vi. bhikkhunivibhanga. 3/160-1.
Annassa kammassa okasam adatva nirantaram bhikkhuninam bhikkhunam
santike gamanameva pannapeti. Kasma. Mandapannatta
matugamassa. Mandapanno hi matugamo tassa niccam dhammassavanam
bahupakaram. Evanca sati yam mayam janama tameva ayya
janantiti 1- manam akatva bhikkhusangham payirupasamana satthakam
pabbajjam karissanti. Tasma bhagava evamakasi. Bhikkhuniyopi
yathanusittham patipajjissamati sabbayeva nirantaram viharam upasankamimsu.
Vuttam hetam tena kho pana samayena sabbo bhikkhunisangho
ovadam gacchati. Manussa ujjhayanti khiyanti vipacenti jayayo
ima imesam jariyo ima imesam idani ime imahi saddhim
abhiramissantiti. Bhagavato etamattham arocesum. Na bhikkhave
sabbena bhikkhunisanghena ovado gantabbo gaccheyya ce apatti
dukkatassa anujanami bhikkhave catuhi pancahi bhikkhunihi ovadam
gantunti 2-. Punapi tatheva ujjhayimsu. Puna bhagava anujanami
bhikkhave dve tisso bhikkhuniyo ovadam gantunti 3- aha. Tasma
bhikkhunisanghena dve tisso bhikkhuniyo yacitva pesetabba ethayye
bhikkhusangham ovadupasankamanam yacatha bhikkhunisangho ayya .pe.
Ovadupasankamananti. Tahi bhikkhunihi aramam gantabbam 4-. Tato
ovadapatiggahakam ekam bhikkhum upasankamitva vanditva so bhikkhu
@Footnote: 1. yam ayya jananti tameva mayam janamati evam mano hoti. yathalikhitam pana
@sammananam dasseti.  2. 3. vi. cullavagga. 7/340. paliyam anujanami bhikkhave
@dvihi tihi bhikkhunihi ovadam gantunti dissati.  4. aramo gantabbo.
Ekaya bhikkhuniya evamassa vacaniyo bhikkhunisangho ayya bhikkhusanghassa
pade vandati ovadupasankmananca yacati labhatu kira ayya
bhikkhunisangho ovadupasankamananti. Tena bhikkhuna patimokkhuddesako
bhikkhu upasankamitva evamassa vacaniyo bhikkhunisangho bhante
bhikkhusanghassa pade vandati ovadupasankamananca yacati labhatu
kira bhante bhikkhunisangho ovadupasankamananti. Patimokkhuddesakena
vattabbo atthi koci bhikkhu bhikkhunovadako sammatoti. Sace
hoti koci bhikkhu bhikkhunovadako sammato patimokkhuddesakena
vattabbo itthannamo bhikkhu bhikkhunovadako sammato
tam bhikkhunisangho upasankamatuti. Sace na hoti koci bhikkhu
bhikkhunovadako sammato patimokkhuddesakena vattabbo ko ayasma
ussahati bhikkhuniyo ovaditunti. Sace koci ussahati bhikkhuniyo
ovaditum so ca hoti atthahangehi samannagato tam sammannitva
vattabbo itthannamo bhikkhu bhikkhunovadako sammato tam
bhikkhunisangho upasankamatuti. Sace pana koci na ussahati bhikkhuniyo
ovaditum patimokkhuddesakena vattabbo natthi koci bhikkhu
bhikkhunovadako sammato pasadikena bhikkhunisangho sampadetuti.
Ettavata hi sakalam sikkhattayasangaham sasanamarocitam hoti. Tena
bhikkhuna sadhuti sampaticchitva patipade bhikkhuninam arocetabbam.
Bhikkhunisanghenapi ta bhikkhuniyo pesetabba gacchathayye pucchatha kim ayya
labhati bhikkhunisangho ovadupasankamananti. Tahi sadhu ayyeti
Sampaticchitva aramam ganva tam bhikkhum upasankamitva evam
vattabbam kim ayya labhati bhikkhunisangho ovadupasankamananti. Tena
vattabbam natthi koci bhikkhu bhikkhunovadako sammato pasadikena
bhikkhunisangho sampadetuti. Tahi sadhu ayyati sampaticchitabbam.
Ekato agatanam vasena cetam vuttam. Tasu pana ekaya bhikkhuniya
vattabbanca sampaticchitabbanca. Itara tassa sahayika. Sace
pana bhikkhunisangho va bhikkhusangho va na purati ubhayatopi va
ganamattameva puggalamattam va hoti eka bhikkhuni va bahuhi
bhikkhuniupassayehi ovadatthaya pesita hoti. Tatrayam vacanakkamo
bhikkhuniyo ayya bhikkhusanghassa pade vandanti ovadupasankamananca
yacanti labhantu kira ayya bhikkhuniyo ovadupasankamananti.
Aham ayya bhikkhusanghassa pade vandami ovadupasankamananca yacami
labhamaham ayya ovadupasankamananti. Bhikkhunisangho ayya ayyanam
pade vandati ovadupasankamananca yacati labhatu kira ayya
bhikkhunisangho ovadupasankamananti. Bhikkhuniyo ayya ayyanam pade
vandanti ovadupasankamananca yacanti labhantu kira ayya
bhikkhuniyo ovadupasankamananti. Aham ayya ayyanam pade vandami
ovadupasankamananca yacami labhamaham ayya ovadupasankamananti.
Bhikkhunisangho ayya ayyassa pade vandati ovadupasankamananca
yacati labhatu kira ayya bhikkhunisangho ovadupasankamananti. Bhikkhuniyo
ayya ayyassa pade vandanti ovadupasankamananca yacanti
Labhantu kira ayya bhikkhuniyo ovadupasankamananti. Aham ayya
ayyassa pade vandami ovadupasankamananca yacami labhamaham
ayya ovadupasankamananti. Bhikkhunisangho ca ayya bhikkhuniyo ca
bhikkhuni ca bhikkhusanghassa ayyanam ayyassa pade vandati vandanti
vandati ovadupasankamananca yacati yacanti yacati labhatu kira
labhantu kira labhatu kira ayya bhikkhunisangho ca bhikkhuniyo ca bhikkhuni
ca ovadupasankamananti. Tena bhikkhuna uposathakale evam
vattabbam bhikkhuniyo bhante bhikkhusanghassa pade vandanti
ovadupasankamananca yacanti labhantu kira bhante bhikkhuniyo
ovadupasankamananti. Bhikkhuni bhante bhikkhusanghassa pade vandati
ovadupasankamananca yacati labhatu kira bhante bhikkhuni
ovadupasankamananti. Bhikkhunisangho bhante .pe. Bhikkhuni bhante
ayasmantanam pade vandati ovadupasankamananca yacati labhatu kira bhante
bhikkhuni ovadupasankamananti. Bhikkhunisangho ca bhante bhikkhuniyo ca
bhikkhuni ca bhikkhusanghassa ayasmantanam pade vandati vandanti vandati
ovadupasankamananca yacati yacanti yacati labhatu kira labhantu
kira labhatu kira bhante bhikkhunisangho ca bhikkhuniyo ca bhikkhuni ca
ovadupasankamananti. Patimokkhuddesakenapi sace sammato
bhikkhu atthi purimanayeneva tam bhikkhunisangho tam bhikkhuniyo tam bhikkhuni
upasankamatu upasankamantu upasankamatuti vattabbam. Sace natthi
pasadikena bhikkhunisangho bhikkhuniyo bhikkhuni sampadetu sampadentu
Sampadetuti vattabbam. Ovadapatiggahakena patipade paccaharitva
tatheva vattabbam. Ovadam pana balagilanagamike thapetva anno
sacepi aranniko hoti apatiggahetum na labhati. Vuttanhetam
bhagavata anujanami bhikkhave thapetva balam thapetva gilanam
thapetva gamiyam avasesehi ovadam gahetunti 1-. Tattha yo
catuddasikapannarasikesu va uposathesu patipade va gantukamo so
gamiyo. Dutiyapakkhassa divase gacchantopi aggahetum na labhati na bhikkhave
ovado na gahetabbo yo na ganheyya apatti dukkatassati 2-
vuttaapattim apajjatiyeva. Ovadam gahetva uposathagge
anarocetum va patipade bhikkhuninam apaccaharitum va na vattati.
Vuttanhetam na bhikkhave ovado narocetabbo yo naroceyya
apatti dukkatassati 3-. Aparampi vuttam na bhikkhave ovado na
paccaharitabbo yo na paccahareyya apatti dukkatassati 4-.
Tattha arannikena paccaharanattham sanketo katabbo. Vuttanhetam
anujanami bhikkhave arannikena bhikkhuna ovadam gahetum sanketanca
katum atra patiharissamiti 5-. Tasma aranniko bhikkhu sace
bhikkhuninam vasanagame bhikkham labhati tattheva caritva bhikkhuniyo disva
arocetva gantabbam. No cassa tattha bhikkha sulabha honti 6-
samantagame caritva bhikkhuninam gamam agamma tatheva katabbam.
Sace duram gantabbam hoti sanketo katabbo aham amukannama
@Footnote: 1. 2. 3. 4. 5. vi. cullavagga. 7/342-341-343. 6. hoti.
Tumhakam gamadvare sabham va mandapam va rukkhamulam va
upasankamissami tatra agaccheyyathati. Bhikkhunihi tattha gantabbam.
Agantum na labhanti. Vuttanhetam na bhikkhave bhikkhuniya sanketam na
gantabbam ya na gaccheyya apatti dukkatassati 1-. Ubhatosanghe
tihi thanehi pavaretabbanti ettha bhikkhunihi catuddase attana
pavaretva uposathe bhikkhusanghe pavaretabbam. Vuttanhetam anujanami
bhikkhave ajjatanaya pavaretva aparajju bhikkhusangham pavaretunti 2-.
Bhikkhunikhandhake vuttanayeneva cettha vinicchayo veditabbo. Vuttanhetam
tena kho pana samayena sabbo bhikkhunisangho pavarento kolahalamakasi.
Anujanami bhikkhave ekam bhikkhunim byattam patibalam sammannitum
bhikkhunisanghassa atthaya bhikkhusangham pavaretum. Evanca pana bhikkhave
sammannitabba. Pathamam bhikkhuni yacitabba. Yacitva byattaya
bhikkhuniya patibalaya sangho napetabbo sunatu me ayye
sangho yadi sanghassa pattakallam sangho itthannamam bhikkhunim
sammanneyya bhikkhunisanghassa atthaya bhikkhusangham pavaretum esa natti.
Sunatu me ayye sangho sangho itthannamam bhikkhunim sammannati
bhikkhunisanghassa atthaya bhikkhusangham pavaretum yassa ayyaya khamati
itthannamaya bhikkhuniya sammati bhikkhunisanghassa atthaya bhikkhusangham
pavaretum sa tunhassa yassa nakkhamati sa bhaseyya.
Sammata sanghena itthannama bhikkhuni bhikkhunisanghassa atthaya bhikkhusangham
pavaretum khamati sanghassa tasma tunhi evametam dharayamiti 3-.
@Footnote: 1. 2. 3. vi. cullavagga. 7/343-362. paliyam anujanami bhikkhave ajjatana
@bhikkhunisangham pavaretva aparajju bhikkhusangham pavaretunti dissati-
Taya sammataya bhikkhuniya bhikkhunisangham adaya bhikkhusangham upasankamitva
ekamsam uttarasangam karitva anjalim paggahetva evamassa vacaniyo
bhikkhunisangho ayya bhikkhusangham pavareti ditthena va sutena va
parisankaya va vadatuyya bhikkhusangho bhikkhunisangham anukampam upadaya
passanto patikarissati dutiyampi ayya... Tatiyampi ayya bhikkhunisangho
.pe. Patikarissatiti 1-. Sace bhikkhunisangho na purati bhikkhuniyo
ayya bhikkhusangham pavarenti ditthena va sutena va parisankaya va
vadatuyya bhikkhusangho bhikkhuniyo anukampam upadaya passantiyo
patikarissantiti ca aham ayya bhikkhusangham pavaremi ditthena va
sutena va parisankaya va vadatu mam ayya bhikkhusangho anukampam
upadaya passanti patikarissamiti ca evam tikkhattum vattabbam.
Sace bhikkhusangho na purati bhikkhunisangho ayya ayye pavareti
ditthena va sutena va parisankaya va vadantuyya bhikkhunisangham
anukampam upadaya passanto patikarissatiti ca bhikkhunisangho
ayya ayyam pavareti ditthena va sutena va parisankaya va
vadatuyyo bhikkhunisangham anukampam upadaya passanto patikarissatiti ca
evam tikkhattum vattabbam. Ubhinnampi aparipuri bhikkhuniyo ayya
ayye pavarenti ditthena va sutena va parisankaya va vadantuyya
bhikkhuniyo anukampam upadaya passantiyo patikarissantiti ca
bhikkhuniyo ayya ayyam pavarenti ditthena va sutena va parisankaya
va vadatuyya bhikkhuniyo anukammam upadaya passantiyo
@Footnote: 1. vi. cullavagga. 7/363.
Patikarissantiti ca aham ayya ayye pavaremi ditthena va sutena
va parisankaya va vadantu mam ayya anukampam upadaya passanti
patikarissamiti ca aham ayya ayyam pavaremi ditthena va
sutena va parisankaya va vadatu mam ayyo anukampam upadaya
passanti patikarissamiti ca evam tikkhattum vattabbam. Manattacarananca
upasampadapariyesana ca yathathaneyeva avibhavissati.
Na bhikkhuniya kenaci pariyayenati dasahi va akkosavatthuhi annena
va kenaci pariyayena bhikkhu neva akkositabbo na paribhasitabbo na
ca bhayena tajjetabbo. Ovatoti pihito varito patikkhitto.
Vacanamyeva vacanapatho. Anovatoti apihito avarito apatikkhitto.
Tasma bhikkhuniya adhipaccatthane jetthakatthane thatva evam abhikkama
evam patikkama evam nivasehi evam parupahiti kenaci pariyayena
neva bhikkhu ovaditabbo na anusasitabbo. Dosam pana disva
pubbe mahathera evam na abhikkamanti na patikkamanti na nivasenti
na parupanti idisam kasavampi na dharenti na evam akkhini
anjentitiadina nayena vijjamanadosam dassetum vattati. Bhikkhuhi
pana ayam vuddhasamani evam nivaseti evam parupati ma evam
nivasehi ma evam parupahi ma tilakakammapannakammadini
karohiti yathasukham bhikkhunim ovaditum anusasitum vattati.
     Samaggamhayyati bhanantanti samagga amha ayya iti bhanantam
bhikkhunisangham. Annam dhammam bhanatiti annam suttam va abhidhammam va.
Samaggamhayyati vacanena hi ovadam paccasimsanti. Tasma
thapetva ovadam annam dhammam bhanantassa dukkatam. Ovadam
aniyyadetvati esa bhaginiyo ovadoti avatva. {150} Adhammakammeti
adisu bhikkhunovadakasammatikammam kammanti veditabbam. Tattha
adhammakamme dvinnam navakanam vasena attharasa pacittiyani.
Dhammakamme dutiyassa navakassa avasanapade anapatti. Sesesu
sattarasa dukkatani. {152} Uddesam dentoti atthannam garudhammanam palim
uddisanto. Paripuccham dentoti tassayeva pagunaya garudhammapaliya
atthakatham bhanantoti attho. Osarehi ayyati vuccamano
osaretiti evam vuccamano atthagarudhammapalim osaretiti attho.
Evam uddesam dento paripuccham dento yo ca osarehiti
vuccamano atthagarudhammam bhanati tassa pacittiyena anapatti.
Annam dhammam bhanantassa dukkatena anapatti. Panham pucchati
panham puttho kathetiti bhikkhuni garudhammanissitam va khandhadinissitam
va panham pucchati. Tam yo bhikkhu katheti tassapi anapatti.
Annassatthaya bhanantanti catupparisaya dhammam desentam bhikkhum
upasankamitva bhikkhuniyo sunanti. Tatrapi bhikkhussa anapatti.
Sikkhamanaya samaneriyati etasam desentassapi anapatti.
Sesam uttanatthameva.
     Padasodhammasamutthanam vacato ca vacacittato ca samutthati
kiriya nosannavimokkham acittakam pannattivajjam vacikammam ticittam
Tivedananti.
                   Ovadasikkhapadam pathamam.



             The Pali Atthakatha in Roman Book 2 page 351-371. http://84000.org/tipitaka/atthapali/read_rm.php?B=2&A=7400&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7400&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=630              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=19202              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=8500              The Pali Tipitaka in Roman Character :- http://84000.org/tipitaka/read/roman_read.php?B=1&A=8500              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]